Salamo 37:27 - Baiboly Katolika

²⁷ Halaviro ny ratsy ary manaova ny tsara, dia mitoera mandrakizay ao am-ponenanao.

Baiboly Protestanta Malagasy 2011

²⁷ Halaviro ny ratsy ka manaova soa, dia honina mandrakizay ianao.

DIEM PROTESTANTA

²⁷ Raha manalavitra ny ratsy ka manao ny tsara ianao, dia honina maharitra eo amin’ny tany lovanao.

Dikateny Iombonana Eto Madagasikara

²⁷ Raha manalavitra ny ratsy ka manao ny tsara ianao, dia honina maharitra eo amin’ny tany lovanao.

Baiboly Protestanta Malagasy

²⁷ Halaviro ny ratsy, ka manaova soa, Dia honina mandrakizay hianao.

Malagasy Bible

²⁷ Halaviro ny ratsy, ka manaova soa. Dia honina mandrakizay ianao.

La Bible en Malgache

²⁷ Halaviro ny ratsy ka manaova soa, dia honina mandrakizay ianao.

Salamo 37:27 Rohy Ifampitohizana

Joba 28:28

Izay Izy vao nilaza tamin’ny olombelona nanao hoe: ‹Ny fahatahorana ny Tompo, dia izay no fahendrena, ny mandositra ny ratsy, dia izay no fahalalana› ».

Salamo 102:28

Fa Ianao kosa maharitra tsy miova, ary tsy manam-pahataperana ny taonanao.

Salamo 34:14

Arovy amin’ny ratsy ny lelanao, ary amin’ny teny fitaka ny molotrao.

Salamo 34:15

Mandosira ny ratsy ary manaova ny tsara, mitadiava fihavanana ary katsaho izany.

Ohabolana 16:17

Ny manalavitra ny ratsy no lalam-ben’ny marina; ny mitandrina ny alehany no miaro ny ainy.

Ohabolana 16:6

Ny hatsaram-po amam-pahamarinana no anonerana ny heloka; ary ny fahatahorana an’i Iaveh no analavirana ny ratsy.

1Tesaloniana 5:15

Tandremo fandrao misy mamaly ratsy na amin’iza na amin’iza, fa ny soa ho an’ny namana sy ny olon-drehetra no katsaho mandrakariva.

2Timoty 2:19

Tsara orina anefa ny fanorenana mafy nataon’Andriamanitra, sady voaisy tombokase hoe: Fantatry ny Tompo ny Azy, sy hoe: Aoka hiala amin’ny ratsy izay rehetra manonona ny Anaran’ny Tompo.

Titosy 3:14

Aoka ny havantsika iray finoana koa hianatra hanao asa soa mba ho afa-manampy rehefa misy mahaporitra, fandrao olona tsy misy vokany izy.

Titosy 3:8

Teny marina tokoa izany ka tiako hoanterinao tsara ny filaza azy, mba hikely aina amin’ny fanaovana asa soa izay mino an’Andriamanitra. Izany no tsara sy mahasoa ny olona.

Hebreo 13:16

Ary aza manadino ny fanaovan-tsoa sy ny fiantrana, fa ny fanatitra toy ireny no ankasitrahin’Andriamanitra.

Hebreo 13:21

no hanomana anareo amin’ny asa soa rehetra, mba hanatanterahanareo ny sitrapony, amin’ny fanaovanareo ao anatinareo izay tsara eo imasony, amin’ny alalan’i Jesoa Kristy: ho Azy anie ny voninahitra mandrakizay mandrakizay. Amen.