Salamo 35:25 - Baiboly Katolika

²⁵ Aoka izy tsy hanao anakam-po hoe: Afa-po ny fanahintsika. Aoka izy tsy hanao hoe: Laninay iny.

Baiboly Protestanta Malagasy 2011

²⁵ Aoka tsy hiteny anakampo izy hoe: Hia! Izay no nirinay! Aoka tsy hiteny izy hoe: Efa natelinay izy!

DIEM PROTESTANTA

²⁵ Aoka izy tsy hiteny anakampo hoe: «Hià! Azonay izy, ka nataonay teli-moka!»

Dikateny Iombonana Eto Madagasikara

²⁵ Aoka izy tsy hiteny anakampo hoe: «Hià! Azonay izy, ka nataonay teli-moka!»

Baiboly Protestanta Malagasy

²⁵ Aoka tsy hanao anakampo hoe izy: Hia! faly izahay! Aoka tsy hanao hoe izy: Efa natelinay izy.

Malagasy Bible

²⁵ Aoka tsy hanao anakampo hoe izy: Hià! faly izahay! aoka tsy hanao hoe izy: efa natelinay izy.

La Bible en Malgache

²⁵ Aoka tsy hiteny anakampo izy hoe: Hia! Izay no nirinay! Aoka tsy hiteny izy hoe: Efa natelinay izy!

Salamo 35:25 Rohy Ifampitohizana

2Samoela 20:19

Izaho dia anankiray amin’ny tanàna tia fihavanana sy mahatoky eto amin’i Israely. Fa ianao kosa mitady handrava tanàna izay reny amin’i Israely. Ka ahoana ange no handravanao ny lovan’i Iaveh?»

Joba 1:5

Nony tapitra nitsingerina izany fanasana izany, nampanalain’i Jôba ireo zanany dia nodioviny. Nifoha vao maraina koa izy sy nanatitra sorona dorana araka ny isan-janany, fa hoy izy: «Fandrao nanota ny zanako, sy diso tamin’Andriamanitra tao am-pony». Toy izany no nataon’i Jôba hatrany hatrany.

Salamo 124:3

ho nateliny velona mihitsy isika, raha nirehitra tamintsika ny fahatezerany;

Salamo 140:8

Iaveh Tompo ô, Mpamonjiko mahery, manarona ny lohako amin’ny andro fiadiana Ianao.

Salamo 27:12

Aza manolotra ahy amin’ny haromotan’ireo mpanohitra ahy; fa vavolombelona mandainga no mitsangan-kiampanga ahy; olona tsy mihevitra afa-tsy ny fanaovana an-keriny.

Salamo 28:3

Aza atao indray mandripaka amin’ny ratsy fanahy aho, amin’ireo mpamorona heloka, izay miresaka fihavanana amin’ny namany, kanjo hasomparana no ao am-pony.

Salamo 57:3

Mitaraina amin’Andriamanitra Avo indrindra aho, ilay Andriamanitra izay manao ny zavatra rehetra ho ahy.

Salamo 70:3

Aoka ho menatra sy hangaihay, izay mitady ny aiko! Aoka hihemotra sy ho menatra, izay maniry hahavery ahy!

Salamo 74:8

Hoy izy anakampony: «Ravaontsika avokoa izy ireo!» Nodorany daholo ny fitoerana masina amin’ny tany.

Eksodosy 15:9

Hoy ny fahavalo: ‹Hanenjika ka hahatratra, Dia hizara babo aho, Ho afa-diana aho amin’ny valy fatiko. Hotsoahako ny sabatra dia haringan’ny tanako ireny.›

Fitomaniana 2:16

Misanasana vava mamely anao ny fahavalonao rehetra; misitrîsitra mikitro-nify, manao hoe: «Nolevonintsika izy! Ity no ilay andro nandrasantsika, tratrantsika izy, hitantsika izy!»

Matio 27:43

Natoky an’Andriamanitra Izy, ka raha tia Azy Andriamanitra dia aoka hanafaka Azy ankehitriny, satria Zanak’Andriamanitra Aho, hoy ny filàzany.»

Marka 2:6

Fa nisy mpanora-dalàna sasany nipetraka teo ka nanao anakampo hoe:

Marka 2:8

Fantatr’i Jesoa tao amin’ny fanahiny niaraka tamin’izay fa nieritreritra izany tao anatiny izy ireo, ka hoy Izy taminy: «Nahoana ianareo no mihevitra toy izany ao am-ponareo?

1Korintiana 15:54

Ary rehefa mitafy ny tsy fahalòvana ity mety lo ity, ka mitafy ny tsy fahafatesana ity mety maty ity, dia ho tanteraka amin’izay ny teny voasoratra hoe: Efa noresena ny fahafatesana ka levona.