Salamo 25:7 - Baiboly Katolika

⁷ Aza tsarovanao ny fahotan’ny fahatanorako, na ny hadisoako, fa tsarovy araka ny famindram-ponao aho, noho ny hatsaram-ponao, ry Iaveh.

Baiboly Protestanta Malagasy 2011

⁷ Aza ny fahotan’ny fahatanorako na ny ratsy nataoko no tsarovanao, fa aoka ho araka ny famindramponao no hahatsiarovanao ahy, noho ny fahasoavanao, TOMPO ô!

DIEM PROTESTANTA

⁷ Koa hadinoy ny fahotako, fony aho tanora; eny, hadinoy re izay hadisoana vitako; nefa mba tsarovy kosa aho, TOMPO ô, satria be fitiavana sy tsara fo Ianao.

Dikateny Iombonana Eto Madagasikara

⁷ Koa hadinoy ny fahotako, fony aho tanora; eny, hadinoy re izay hadisoana vitako; nefa mba tsarovy kosa aho, TOMPO ô, satria be fitiavana sy tsara fo Ianao.

Baiboly Protestanta Malagasy

⁷ Aza ny fahotan’ny fahatanorako, na ny ratsy nataoko, no tsarovanao; Fa aoka ho araka ny famindramponao no hahatsiarovanao ahy, Noho ny fahasoavanao Jehovah ô.

Malagasy Bible

⁷ Aza ny fahotan'ny fahatanorako, na ny ratsy nataoko, no tsarovanao; fa aoka ho araka ny famindram-ponao no hahatsiarovanao ahy, noho ny fahasoavanao Jehovah ô,

La Bible en Malgache

⁷ Aza ny fahotan’ny fahatanorako na ny ratsy nataoko no tsarovanao, fa aoka ho araka ny famindramponao no hahatsiarovanao ahy, noho ny fahasoavanao, TOMPO ô!

Salamo 25:7 Rohy Ifampitohizana

Joba 13:26

no dia ny hadisoan’ny fahatanorako no ampanodiavinao ahy,

Joba 20:11

Ny taolany feno ny otany miafina, izay hiara-mandry aminy eo amin’ny vovoka.

Salamo 106:3

Sambatra izay mitandrina ny lalàna, ka manaraka ny rariny mandrakariva!

Salamo 106:4

Ry Iaveh ô, tsarovy aho amin’ny hatsaram-ponao amin’ny vahoakanao, vangio amin’ny famonjenao aho,

Salamo 109:14

Aoka hotsarovana eo anatrehan’i Iaveh ny helo-drainy; ary tsy hovonoina ny fahotan-dreniny.

Salamo 109:16

Satria tsy mba nahatsiaro ny hamindra fo izy, fa nanenjika ny ory sy ny mahantra, sy ny olona toro fo, mba hamono azy.

Salamo 109:26

Ampio aho, ry Iaveh Andriamanitro ô, vonjeo aho noho ny hatsaram-ponao.

Salamo 119:124

Ento araka ny hatsaram-ponao ny mpanomponao, ary ampianaro ny lalànao aho.

Salamo 31:16

Eo an-tananao ny anjarako, afaho amin’ny tanan’ny fahavaloko ama-mpanenjika ahy aho!

Salamo 51:1

Ho an’ny mpampianatra hira. Salamo nataon’i Davida,

Salamo 6:4

Mitebiteby loatra ny fanahiko, fa Ianao Iaveh mandra-pahoviana?...

Salamo 79:8

Aza dia tsarovana aminay ny heloky ny razanay, ary aoka ho avy faingana hitsena anay ny fiantranao, fa mihoa-pampana ny fahorianay.

Isaia 38:17

koa indro manjary fiadanana ho ahy ny mangidy mafy indrindra. Nanesotra ny fanahiko Ianao, teo amin’ny lavaka famoizana; narianao any ivohonao ny fahotako rehetra.

Isaia 43:25

Izaho dia Izaho ihany no namono ny fahadisoanao, noho ny fitiavako ny Tenako, ka tsy hotsarovako intsony ny fahotanao.

Isaia 48:11

Noho ny fitiavako ny Tenako, dia noho ny fitiavako ny Tenako no hanaovako izany; satria ahoana no hanazimbana ny Anarako? Tsy hafoiko ho an’ny hafa ny voninahitro.

Isaia 64:9

Ireo tanàna masina, tonga efitra; i Siôna zary efitra, i Jerosalema, tany maty.

Jeremia 3:25

Aoka isika handry eo amin’ny fahafaham-barakantsika, sy horakofan’ny henatra isika; fa samy efa nanota tamin’i Iaveh Andriamanitsika, na isika na ny razantsika, hatramin’ny fahatanorantsika ka mandrak’androany; sady tsy nihaino ny feon’i Iaveh Andriamanitsika.

Jeremia 31:34

Tsy hisy olona hampianatra ny namany intsony, na olona hampianatra ny rahalahiny, hanao hoe: «Mahalalà an’i Iaveh!» Fa hahalala Ahy avokoa izy rehetra, na ny kely na ny lehibe, - teny marin’i Iaveh. Satria havelako ny haratsian’izy ireo ary tsy hotsarovako intsony ny fahotany.

Jaona 5:14

Taorian’izany dia hitan’i Jesoa tao an-Tempoly ralehilahy ka hoy Izy taminy: «Indro efa sitrana ianao, ka aza manota intsony sao dia ratsy noho ny teo indray no hanjò anao.»

Jaona 5:5

Ary nisy lehilahy anankiray narary hatramin’ny valo amby telopolo taona teo.

Hebreo 8:12

Satria havelako ny hadisoany, ary tsy hotsaroako ny fahotany.