Salamo 129:5 - Baiboly Katolika

⁵ Aoka ho menatra sy hiamboho eny, izay rehetra mankahala an’i Siôna!

Baiboly Protestanta Malagasy 2011

⁵ Aoka ho menatra sy hihemotra izay rehetra mankahala an’i Ziona.

DIEM PROTESTANTA

⁵ Aoka ho menatra sy hihemotra izay rehetra mankahala an’i Tsiôna!

Dikateny Iombonana Eto Madagasikara

⁵ Aoka ho menatra sy hihemotra izay rehetra mankahala an’i Tsiôna!

Baiboly Protestanta Malagasy

⁵ Aoka ho menatra sy hiamboho Izay rehetra mandrafy an’i Ziona

Malagasy Bible

⁵ Aoka ho menatra sy hiamboho Izay rehetra mandrafy an'i Ziona

La Bible en Malgache

⁵ Aoka ho menatra sy hihemotra izay rehetra mankahala an’i Ziona*.

Salamo 129:5 Rohy Ifampitohizana

Nehemia 6:16

Nony nandre izany ny fahavalonay rehetra dia raiki-tahotra avokoa ny firenena manodidina anay, tsaroany reraka mafy ny fony, ary fantany fa Andriamanitray no nahavita izany asa izany.

Salamo 122:6

Manaova fanirian-tsoa ho an’i Jerosalema: ho sambatra anie ilay tia anao!

Salamo 40:15

Ho menatra sy hangaihay avokoa anie, ireo mitady ny aiko hamerezany azy! Hihemotra sy ho menatra foana anie ireo maniry ahy ho levona!

Salamo 71:13

Aoka ho menatra sy ho levona, izay mitady ny aiko! Aoka ho safo-kenatra amam-pahafaham-baraka, izay mitady hahavery ahy.

Isaia 10:12

Nefa izao no hitranga raha avy izay hahatanterahan’ny Tompo ny asany manontolo, amin’ny tendrombohitra Siôna sy amin’i Jerosalema, dia hosavako ny vokatry ny fo be anjonanjon’ny mpanjakan’i Asiria, sy ny reharehan’ny masony miandranandrana.

Isaia 29:8

Tahaka ny olona noana, manonofy hoe mihinana, kanjo nony mahatsiaro dia foana ny fanahiny; ary tahaka ny olona mangetaheta manonofy hoe misotro, kanjo nony mahatsiaro, anan’ny hasasarana sy mangetaheta ihany izy. Dia tahaka izany no hahazo an’ireo firenena maro ireo, izay mandeha hamely ny tendrombohitra Siôna.

Isaia 37:22

ka izao no teny nolazain’i Iaveh ny aminy: Maneso anao, mihomehy anao ilay virjiny zanaka vavin’i Siôna; manifikifi-doha eo aorianao, ny zanaka vavin’i Jerosalema!

Isaia 37:35

Hiaro ity tanàna ity Aho mba hamonjy azy, noho ny amin’ny Tenako, sy noho ny amin’i Davida mpanompoko».

Mika 4:11

Ankehitriny kosa efa tafavory hamely anao, ny firenena maro; ka manao hoe: Aoka halàm-baraka izy, ary aoka hibanjina an’i Siôna ny masontsika!

Zakaria 12:3

Ary dia hisy zavatra toy izao amin’izany andro izany: i Jerosalema hataoko vato haingaina ho an’ny firenena rehetra; ka izay hanainga azy haratra mafy avokoa, ary hiangon-kamely azy, ny firenena rehetra amin’ny tany.

Zakaria 12:6

Amin’izany andro izany, ireo filohan’i Jodà, hataoko toy ny fatana mivaivay ao amin’ny hazo, toy ny fanilo mirehitra, ao anaty amboaram-bary, ka handevona ny firenena rehetra manodidina eo amin’ny ankavanana sy eo amin’ny ankavia, ary i Jerosalema dia mbola ho eo amin’ny fitoerana ao Jerosalema ihany.

1Korintiana 16:22

Raha misy tsy tia an’i Jesoa Kristy Tompontsika, dia aoka ho voaozona izy! Maran-Atha (Tamy ny Tompontsika).