Salamo 127:3 - Baiboly Katolika

³ Indro fa lova avy amin’i Iaveh ny zanaka; valisoa ny aloaky ny kibo miteraka.

Baiboly Protestanta Malagasy 2011

³ Indro, lova avy amin’NY TOMPO ny zanaka maro, valisoa ny ateraky ny kibo.

DIEM PROTESTANTA

³ Indro fanomezan’ny Tompo ireo zanaka maro; valisoa tokoa ny zaza nateraka.

Dikateny Iombonana Eto Madagasikara

³ Indro fanomezan’ny Tompo ireo zanaka maro; valisoa tokoa ny zaza nateraka.

Baiboly Protestanta Malagasy

³ Indro, lova avy amin’i Jehovah ny zanaka maro; Tamby ny ateraky ny kibo.

Malagasy Bible

³ Indro, lova avy amin'i Jehovah ny zanaka maro; Tamby ny ateraky ny kibo.

La Bible en Malgache

³ Indro, lova avy amin’NY TOMPO ny zanaka maro, valisoa ny ateraky ny kibo.

Salamo 127:3 Rohy Ifampitohizana

Genesisy 1:28

Dia nitso-drano azy ireo Andriamanitra ka nanao taminy hoe: «Miteraha maro, mitomboa, mamenoa ny tany, ka mizakà azy, ary anjakao ny hazandrano ao amin’ny ranomasina, ny voromanidina mbamin’ny biby rehetra mihetsiketsika ambonin’ny tany.»

Genesisy 24:60

Nitso-drano an-dRebekà izy, ka nanao taminy hoe: «Ho tonga alinalina anie ianao, ranabavy! Ary hahazo ny vavahadin’ny fahavalony anie ny taranakao!»

Genesisy 33:5

Nony nanopy ny masony i Esao, ka nahita ireto zaza amam-behivavy dia nanao hoe: «Iza avy ireto miaraka aminao?» Ary hoy i Jakôba: «Ireo no zaza nomen’Andriamanitra ny mpanomponao.»

Genesisy 4:1

Ary i Adama nahalala an’i Eva vadiny, ka nanana anaka izy, dia niteraka an’i Kaina, sy nanao hoe: «Efa nampisy olona anankiray aho tamin’ny fanampian’i Iaveh.»

Genesisy 48:4

«Andriamanitra mahefa ny zavatra rehetra dia efa niseho tamiko tany Loza, any amin’ny tany Kanaana ary nitso-drano ahy, nanao hoe: ‹Hahamaro anaka anao, hampitombo anao Aho, hahatonga anao ho firenena maro Aho, ary homeko ny taranakao mandimby anao ity tany ity, hananany azy mandrakizay.›

2Samoela 3:5

Ary i Jetraama naterak’i Eglà vadin’i Davida, no fahenina. Ireo no zazalahy naterak’i Davida tao Hebrôna.

1Tantara 28:5

Tamin’ny zanako rehetra kosa, - fa nomen’i Iaveh zanaka maro aho, - i Salômôna zanako no nofidiny, mba hampipetraka azy amin’ny seza fiandrianan’ny fanjakan’i Iaveh amin’i Israely.

1Tantara 8:40

Ny zanaka lahin’i Olama dia lehilahy mahery sady mpandefa zana-tsipìka; ary nanan-janaka lahy aman-jafy maro izy ireo, dia 150. Ireo rehetra ireo dia taranak’i Benjamina avokoa.

Joba 1:2

Fito lahy sy telo vavy no zanaka naterany.

Isaia 13:18

Ny tsipìkany handripaka ny zatovo; ny naloaky ny kibo, tsy hananany antra; ny zaza tsy hiantran’ny masony.

Isaia 8:18

Inty aho sy ireo zaza nomen’Andriamanitra ahy, dia famantarana sy fambara amin’i Israely izahay, avy amin’i Iavehn’ny tafika, izay monina ao an-tendrombohitra Siôna.

Deoteronomia 28:11

Hofenoin’i Iaveh soa ianao, dia ny aloaky ny kibonao, ny teraky ny biby fiompinao, ary ny vokatry ny taninao, any amin’ny tany efa nianianan’i Iaveh tamin’ny razanao homena anao.

Deoteronomia 28:4

Hotahina ny naloaky ny kibonao, ny vokatry ny taninao, ny ateraky ny biby fiompinao, dia ny teraky ny biby manompo lehibe sy madinika.

Mpitsara 12:9

Nanan-janaka telopolo lahy izy; ary zanany vavy telopolo no nampanambadiany tany ivelan’ny fianakaviany; ary ny zanany lahy kosa nangalany zazavavy telopolo avy any ivelany. Nandritra ny fito taona izy no mpitsara tany Israely.

1Samoela 1:27

Ny hahazoako ity zaza ity no nangatahiko ary neken’i Iaveh ny fangatahana nataoko taminy.