Romana 11:25 - Baiboly Katolika

²⁵ Fa mba tsy hanaovanareo ny tenanareo ho hendry, dia tsy tiako tsy ho fantatrao, ry hava-malala, izao zava-miafina izao: nilatsaka amin’ny hajambana ny sasany amin’i Israely, mandra-piditry ny hafenoan’ny Jentily.

Baiboly Protestanta Malagasy 2011

²⁵ Fa tsy tiako tsy ho fantatrareo izao zavamiafina izao, ry rahalahy, fandrao mihevitra ny tenanareo ho hendry ianareo: Misy fahamafisam-po manjo ny Israely sasany mandra-pahatafiditry ny Jentilisa rehetra.

DIEM PROTESTANTA

²⁵ Izao tsiambaratelo izao, ry havako, dia tiako ho fantatrareo tokoa, fandrao hihevi-tena ho hendry ianareo: misy mafy fo ny sasany amin’ny vahoaka Israely, mandrapiditry ny hafa firenena rehetra amin’ny famonjena.

Dikateny Iombonana Eto Madagasikara

²⁵ Izao tsiambaratelo izao, ry havako, dia tiako ho fantatrareo tokoa, fandrao hihevi-tena ho hendry ianareo: misy mafy fo ny sasany amin’ny vahoaka Israely, mandrapiditry ny hafa firenena rehetra amin’ny famonjena.

Baiboly Protestanta Malagasy

²⁵ Fa tsy tiako tsy ho fantatrareo izany zava-miafina izany, ry rahalahy (fandrao mihevitra ny tenanareo ho hendry hianareo), fa efa misy fahamafiam-po manjo ny Isiraely sasany mandra-piditry ny hafenoan’ny jentilisa;

Malagasy Bible

²⁵ Fa tsy tiako tsy ho fantatrareo izany zava-miafina izany, ry rahalahy (fandrao mihevitra ny tenanareo ho hendry ianareo), fa efa misy fahamafiam-po manjo ny Isiraely sasany mandra-piditry ny hafenoan'ny jentilisa;

La Bible en Malgache

²⁵ Fa tsy tiako tsy ho fantatrareo izao zavamiafina izao, ry rahalahy, fandrao mihevitra ny tenanareo ho hendry ianareo: Misy fahamafisam-po manjo ny Israely sasany mandra-pahatafiditry ny Jentilisa* rehetra.

Romana 11:25 Rohy Ifampitohizana

Salamo 107:43

Aoka izay hendry hamantatra izany zavatra izany ka hahalala ny hatsaram-pon’i Iaveh.

Salamo 127:1

Fihirana fiakarana. Nataon’i Salômôna. Raha tsy i Iaveh no manorina ny trano, miasa foana izay manorina azy. Raha tsy i Iaveh no miambina ny tanàna, miari-tory foana eo am-bavahadiny ny mpiambina.

Salamo 22:27

Hihinana ny tra-pahoriana ka ho voky; hidera an’i Iaveh izay mitady Azy. Ho velona indray mandrakizay anie ny fonareo!

Salamo 72:17

Aoka haharitra mandrakizay ny Anarany! Aoka hiely laza ny Anarany, raha mbola mihiratra koa ny masoandro! Aoka ho aminy no itadiavan’ny olona fanambinana! Aoka ny firenena rehetra hiantso Azy hoe: Sambatra!

Ohabolana 26:12

Raha mahita olona manao azy ho hendry ianao, ny adala no misy hantenaina kokoa noho izy.

Ohabolana 26:16

Ny kamo manao ny tenany ho hendry, mihoatra ny mpihevitra fito mahira-tsaina.

Isaia 5:21

Loza ho an’izay manao ny tenany ho hendry, sy mihevitra azy ho mazava saina!

Hosea 14:9

Efraima... Inona no mbola mba hataony any amin’ny sampy? Izaho no efa mamaly ny fangatahany sy mitsinjo azy; tahaka ny sipresa maitso Aho; Izaho no iavian’ny voanao.

Matio 13:11

Namaly Izy ka nanao taminy hoe: Satria ianareo no nomena hahalala ny zava-miafina amin’ny fanjakan’ny lanitra, fa izy ireo tsy mba nomena izany.

Lioka 21:24

haringana amin’ny lela sabatra izy, sy ho lasan-ko babo any amin’ny firenena rehetra, ary hohitsakitsahin’ny Jentily i Jerosalema mandra-pahafenon’ny andron’ny Jentily.»

Jaona 10:16

Mbola manana ondry hafa koa Aho izay tsy amin’ity vala ity, ka tsy maintsy hoentiko izy sy hihaino ny feoko; dia ho tonga andian’ondry tokana sy mpiandry ondry tokana.

Romana 1:13

Tsy tiako tsy ho fantatrareo, ry kristianina havana, fa imbetsaka no saika hankany aminareo aho (saingy azon-tsampona mandraka ankehitriny), mba hijinjako vokatra kely aminareo, toy ny amin’ny Jentily sasany koa.

Romana 11:12

Koa raha ny fahalavoany no tonga haren’izao tontolo izao, ary ny nihenàny no zary haren’ny Jentily, hanao ahoana re ny hafenoany?

Romana 11:24

Fa ianao tsy tena rantsany aza, fa nalaina tamin’ny fototr’ôliva naniry ho azy, azo natsofoka amin’ny fototr’ôliva tsara, ka mainka ny tena rantsany no ho azo atsofoka amin’ny fototr’ôliva nanapahana azy!

Romana 12:16

Miraisa hevitra: aza miavonavona, fa mifandraisa amin’ny iva toetra. Aza manao ny tenanareo ho hendry.

Romana 16:25

Ary ho an’Ilay mahay mankahery anareo araka ny Evanjeliko, izay nitoriana an’i Jesoa Kristy sy nanambaràna ny zava-miafina tsy voalaza hatrizay hatrizay,

Romana 9:18

Koa dia izay tiany hamindram-po no amindrany fo, ary izay tiany hohamafisim-po no hamafisiny fo.

1Korintiana 10:1

Fa tsy tiako tsy ho fantatrareo, ry kristianina havana, fa tambanin’ny rahona ny razantsika rehetra; namaky ny ranomasina izy rehetra;

1Korintiana 12:1

Ary ny amin’ny fanomezam-pahasoavana, ry kristianina havana, dia tsy tiako ny tsy hahalalanareo izany.

1Korintiana 2:7

fa fahendren’Andriamanitra no torinay, dia fahendrena lalina tsy hita polopolorina, izay voatendrin’Andriamanitra talohan’izao tontolo izao hampahazo voninahitra antsika;

1Korintiana 4:1

Aoka hataon’ny olona ho mpandraharahan’i Kristy izahay, sy mpitandrina ny misterin’Andriamanitra.

Efesiana 1:9

fa nampahafantariny antsika ny lahatra lalin’ny safidim-pony, izay nofidin’ny hatsaram-pony hotanterahiny,

Efesiana 3:9

sy ny hanazava amin’ny olona rehetra ny filaharan’ilay hevitra lalina niafina hatrizay hatrizay tao amin’Andriamanitra Mpahary ny zavatra rehetra.

Efesiana 4:18

fa nihamaizin-tsaina izy ireny, sy nanalavitra ny fiainan’Andriamanitra, noho ny tsy fahalalana amam-pahajambàm-pony,

2Petera 3:8

Izao zavatra iray loha izao anefa no aoka ho fantatrareo, ry malala: amin’ny Tompo, ny indray andro dia hoatra ny arivo taona, ary ny arivo taona dia hoatra ny indray andro.

Apokalipsy 1:20

izao no hevitry ny kintana fito hitanao teo an-tanako ankavanana, sy ny fanaovan-jiro volamena fito: ny kintana fito moa dia ny Anjelin’ny Eglizy fito; ary ny fanaovan-jiro fito kosa dia ny Eglizy fito.»

Apokalipsy 10:7

fa amin’ny andro hampandrenesan’ny Anjely fahafito ny feony, amin’ny fitsofana ny trômpetra, dia ho tanteraka ny misterin’Andriamanitra, araka ny nampilazainy ny mpaminany mpanompony,

Apokalipsy 11:15

Dia nitsoka ny trômpetra ny Anjely fahafito, ka nisy feo mahery avy any an-danitra nanao hoe: «Lasan’ny Tompontsika sy ilay Kristiny ny fanjakan’izao tontolo izao, ka hanjaka mandrakizay mandrakizay Izy.»

Apokalipsy 7:9

Nanaraka izany, dia nahita vahoaka be tsy azon’olona isaina aho, avy amin’ny firenena rehetra, sy ny fokom-pirenena ary ny fanjakana mbamin’ny samihafa fiteny rehetra, nitsangana teo anoloan’ny seza fiandrianana sy ny Zanak’ondry, miakanjo fotsy sy mitana sampan-drofia.