Romana 11:11 - Baiboly Katolika

¹¹ Koa hoy izaho: Moa dia tafintohina, ka lavo tsy ho tafarina intsony va izy ireo? Sanatria izany! Fa ny fahalavoany no nahatonga famonjena ho an’ny Jentily, mba hahavelom-pialonana an’i Israely.

Baiboly Protestanta Malagasy 2011

¹¹ Dia hoy aho: Sao dia tafintohina ary ny Israely ka ho lavo? Sanatria izany! Fa ny fahatafintohinany no nahatonga famonjena ho an’ny Jentilisa mba hampialona azy.

DIEM PROTESTANTA

¹¹ Manontany àry aho hoe: Sao solafaka ny Jiosy, ka lavo tsy ho tafarina intsony? Sanatria izany! Fa ny hadisoan’ny Jiosy no ahazoan’ny hafa firenena ny famonjena mba hahavelom-pialonana ny Jiosy.

Dikateny Iombonana Eto Madagasikara

¹¹ Manontany àry aho hoe: Sao solafaka ny Jiosy, ka lavo tsy ho tafarina intsony? Sanatria izany! Fa ny hadisoan’ny Jiosy no ahazoan’ny hafa firenena ny famonjena mba hahavelom-pialonana ny Jiosy.

Baiboly Protestanta Malagasy

¹¹ Dia hoy izaho: Sao dia tafintohina ho lavo anie ny Isiraely? Sanatria izany! Fa ny fahatafintohinany no nahatonga famonjena ho an’ny jentilisa mba hampialona azy.

Malagasy Bible

¹¹ Dia hoy izaho: Sao dia tafintohina ho lavo anie ny Isiraely? Sanatria izany! fa ny fahatafintohinany no nahatonga famonjena ho an'ny jentilisa mba hampialona azy.

La Bible en Malgache

¹¹ Dia hoy aho: Sao dia tafintohina ary ny Israely ka ho lavo? Sanatria izany! Fa ny fahatafintohinany no nahatonga famonjena ho an’ny Jentilisa* mba hampialona azy.

Romana 11:11 Rohy Ifampitohizana

Ezekiela 18:23

Moa ny hahafatesan’ny ratsy fanahy ve no sitrako, - teny marin’ny Tompo Iaveh, - fa tsy ny hialany amin’ny helony rehetra ka ho velona izy?

Ezekiela 18:32

Fa tsy sitrako ny fahafatesan’izay maty, - teny marin’ny Tompo Iaveh; - koa mibebaha ianareo ka aoka ho velona.

Ezekiela 33:11

Lazao aminy hoe: «Velona Aho, - teny marin’ny Tompo Iaveh: - tsy ny fahafatesan’ny ratsy fanahy no sitrako, fa ny hialan’ny ratsy fanahy amin’ny lalany, ka ho velona izy. Miverena! miverena! avy amin’ny lalan-dratsinareo! Fa nahoana no ho faty ianareo, ry taranak’i Israely?»

Lioka 20:16

Ho avy izy ka handringana ireo mpiasa ireo, ary ny tanimboaloboka dia hafindrany amin’olon-kafa.» Nony nandre izany ry zareo teo, dia nanao hoe: «Sanatria izany!»

Asan’ny Apostoly 13:42

Nony nivoaka izy ireo, dia nangatahiny mba hilaza izany teny izany indray amin’ny sabata manaraka.

Asan’ny Apostoly 18:6

Ary noho izy notoherin’ny Jody sy notevatevainy, dia nakopany ny lambany, ka hoy izy tamin’ireo: «Aoka ho eo amin’ny lohanareo ny ranareo, fa afa-tsiny aho, ary hatramin’izao dia any amin’ny Jentily no halehako.»

Romana 10:19

Fa hoy indray aho: Sao tsy nahalala kosa i Israely? Ehe, i Môizy ihany no voalohany nanoratra hoe: Hataoko velom-pialonana an’izay tsy firenena akory ianareo; ary hataoko entin-katezerana amin’ny firenena tsy misy saina.

Romana 11:1

Koa hoy izaho: Moa dia narian’Andriamanitra va ny olony? Sanatria izany! Fa izaho koa dia Israelita, taranak’i Abrahama, sy fokon’i Benjamina,

Romana 11:12

Koa raha ny fahalavoany no tonga haren’izao tontolo izao, ary ny nihenàny no zary haren’ny Jentily, hanao ahoana re ny hafenoany?

Romana 11:14

mba hahavelom-pialonana an’ireo tapako, ka hamonjy ny sasany amin’izy ireo, raha azo atao.

Romana 11:31

Toy izany koa izy ireny ankehitriny, tsy manaiky an’Andriamanitra izy, nefa noho ny famindram-po azonareo, dia hahazo famindram-po toraka izany koa.