Ohabolana 8:17 - Baiboly Katolika

¹⁷ Tiako izay tia ahy, ary mahita ahy izay fatra-pikatsaka ahy.

Baiboly Protestanta Malagasy 2011

¹⁷ Tiako izay tia ahy ary izay fatra-pitady ahy dia hahita ahy.

DIEM PROTESTANTA

¹⁷ Izaho dia tia izay tia ahy; ary izay mikatsaka ahy no hahita ahy.

Dikateny Iombonana Eto Madagasikara

¹⁷ Izaho dia tia izay tia ahy; ary izay mikatsaka ahy no hahita ahy.

Baiboly Protestanta Malagasy

¹⁷ Tiako izay tia ahy; Ary izay fatra-pitady ahy dia hahita ahy.

Malagasy Bible

¹⁷ Tiako izay tia ahy; Ary izay fatra-pitady ahy dia hahita ahy.

La Bible en Malgache

¹⁷ Tiako izay tia ahy ary izay fatra-pitady ahy dia hahita ahy.

Ohabolana 8:17 Rohy Ifampitohizana

2Tantara 34:3

Tamin’ny taona fahavalo nanjakany, mbola tanora izy fahizay, dia efa niantomboka nitady ny Andriamanitr’i Davida rainy izy, ary tamin’ny taona faha-12, dia natombony ny fanadiovana an’i Jodà sy i Jerosalema, tsy hisy fitoerana avo, na aserah, na sarin-javatra voasikotra, na sarin-javatra anidina.

Salamo 91:14

Hanafaka azy aho, fa niraiki-po tamiko izy; hiaro azy aho, fa mahalala ny Anarako izy.

Ohabolana 1:28

Amin’izay izy ireo hiantso ahy fa tsy hovaliako, hitady ahy fa tsy hahita ahy,

Ohabolana 2:4

raha mikaroka azy toy ny fikaroka volafotsy ianao, ka mandalina azy toy ny fihady rakitra;

Ohabolana 2:5

dia ho azonao an-tsaina ny fahatahorana an’i Iaveh, ary ho hitanao amin’izany ny fahalalana an’Andriamanitra.

Ohabolana 4:6

Aza mahafoy azy fa harovany ianao; tiavo izy fa hitahiry anao.

Ohabolana 8:16

Izaho no anapahan’ny mpifehy, mbamin’ny lehibe, dia ny mpitsaran’ny tany rehetra.

Mpitoriteny 12:1

Tsarovy ny Mpahary anao, amin’ny andron’ny fahatanoranao, dieny tsy mbola tonga ny andro ratsy ary tsy mbola akaiky ny taona hanaovanao hoe: - Tsy sitrako izao.

Tononkiran’i Solomona 3:4

Vao tafahoatra an’ireo kely foana aho, dia nahita an’ilay malalan’ny foko. Nohazoniko izy, fa tsy navelako nandeha, mandra-pampiditro azy any an-tranon’i neny, sy any amin’ny efitranon’ilay nahitako masoandro.

Isaia 45:19

Tsy niteny tao amin’ny mangingina Aho, tao amin’ny toerana maizimaizina amin’ny tany. Tsy nilaza tamin’ny taranak’i Jakôba Aho nanao hoe: Aoka hitady foana anie ianareo! Fa izaho Iaveh dia milaza ny marina, manambara ny fahamarinana.»

Isaia 55:6

Mitadiava an’i Iaveh, dieny mbola mety ho hita Izy; miantsoa Azy dieny mbola akaiky Izy.

Matio 6:33

Koa katsaho àry aloha ny fanjakan’Andriamanitra sy ny fahamarinany, dia homena izany rehetra izany ianareo ho fanampiny.

Marka 10:14

ka tezitra i Jesoa nony nahita izany sady nanao taminy hoe: «Avelao hanatona Ahy ny zaza, fa aza raranareo, satria ny toa azy no hanana ny fanjakan’Andriamanitra.

Jaona 14:21

Izay manana ny didiko ka mitandrina azy no tia Ahy; ary izay tia Ahy, dia ho tian’ny Raiko, sy ho tiako koa, ka haneho ny Tenako aminy Aho.»

Jaona 14:23

Namaly i Jesoa ka nanao taminy hoe: «Raha misy tia Ahy, dia hitandrina ny teniko izy, ka ho tian’ny Raiko, ary hankao aminy izahay ka honina ao aminy.

Jaona 16:27

satria ny Ray tia anareo koa noho ny nitiavanareo Ahy sy ny ninoanareo fa avy amin’Andriamanitra Aho.

Jaona 5:4

Fa nidina tao anatin’ny dobo ny Anjelin’Andriamanitra indraindray nampihetsiketsika ny rano, ka izay niroboka voalohany ao anatin’ny dobo rehefa nihetsiketsika ny rano, dia sitrana, na inona na inona aretiny.

Jaona 7:37

Tamin’ny andro lehibe famaranana ny fety, dia nitsangana i Jesoa ka niantso hoe: «Raha misy mangetaheta, aoka izy hanatona Ahy ka hisotro.

Jakoba 1:5

Raha misy tsy manam-pahendrena aminareo, dia aoka izy hangataka izany amin’Andriamanitra, fa homeny azy tokoa izany; satria sady manome malalaka ho an’ny olona rehetra Izy no tsy mba mandatsa.

1Jaona 4:19

Aoka ho tia an’Andriamanitra àry isika, fa Izy no efa tia antsika taloha.

1Samoela 2:30

Noho izany, izao no tenin’i Iaveh Andriamanitr’i Israely: Fa efa voalazako fa ny taranakao sy ny tarana-drainao no handeha eo anatrehako mandrakizay; nefa ankehitriny, aza ho toy izany intsony, hoy i Iaveh. Fa izay manaja Ahy no hohajaiko, ary izay maniratsira Ahy no hotsiratsiraiko koa.