Biblia Todo Logo
Baiboly an-tserasera
- dokam-barotra -




Ohabolana 8:15 - Baiboly Katolika

15 Izaho no anjakan’ny mpanjaka, sy andidian’ny mpanapaka izay rariny.

Jereo ny toko dika mitovy

Baiboly Protestanta Malagasy 2011

15 Amin’ny alalako no anjakan’ny mpanjaka sy amoahan’ny mpanapaka ny didy aman-dalàna araka ny rariny;

Jereo ny toko dika mitovy

DIEM PROTESTANTA

15 amin’ny alalako no anjakan’ny mpanjaka, sy ahazoan’ny mpitondra manao didy ara-drariny;

Jereo ny toko dika mitovy

Dikateny Iombonana Eto Madagasikara

15 amin’ny alalako no anjakan’ny mpanjaka, sy ahazoan’ny mpitondra manao didy ara-drariny;

Jereo ny toko dika mitovy

Baiboly Protestanta Malagasy

15 Izaho no anjakan’ny mpanjaka Sy andidian’ny mpanapaka araka ny rariny;

Jereo ny toko dika mitovy

Malagasy Bible

15 Izaho no anjakan'ny mpanjaka Sy andidian'ny mpanapaka araka ny rariny;

Jereo ny toko dika mitovy

La Bible en Malgache

15 Amin’ny alalako no anjakan’ny mpanjaka sy amoahan’ny mpanapaka ny didy aman-dalàna araka ny rariny;

Jereo ny toko dika mitovy




Ohabolana 8:15
27 Rohy Ifampitohizana  

Hankalazaina anie i Iaveh Andriamanitrao, izay mankasitraka anao, ka nametraka anao eo amin’ny seza fiandrianan’i Israely. Fa fitiavany mandrakizay an’i Israely no nametrahan’i Iaveh anao ho mpanjaka, mba hanome rariny ny olona sy hitsara azy marina.»


Nandre ny fitsarana navoakan’ny mpanjaka i Israely rehetra, ka natahotra ny mpanjaka ny olona, satria hitany fa misy fahendren’Andriamanitra ao aminy, mba hitsarany marina.


Koa saina mahiratra no omeo ny mpanomponao, hitsarako ny vahoakanao, hanavahako ny soa sy ny ratsy. Fa iza moa no hahay mitsara izao vahoakanao maro be izao!»


Novonoin’ireo mpikarakara hanina samy amin’ny volana anjarany avy izay hanina nilain’i Salômôna mpanjaka sy ireo rehetra voaray hiray latabatra amin’i Salômôna mpanjaka, ka tsy navelany hisy tsy ampy na inona na inona.


Tamin’ny zanako rehetra kosa, - fa nomen’i Iaveh zanaka maro aho, - i Salômôna zanako no nofidiny, mba hampipetraka azy amin’ny seza fiandrianan’ny fanjakan’i Iaveh amin’i Israely.


Omeo fahendrena amam-pahazavan-tsaina aho hahaizako ny tokony hataoko eo anatrehan’ny vahoakanao. Fa iza no hahay mitsara ny vahoakanao, dia izao vahoaka be dia be izao?»


Ary hoy Andriamanitra tamin’i Salômôna: «Satria izany no ao am-ponao, fa tsy vola aman-karena no nangatahinao, na voninahitra, na ny ain’ny fahavalonao, ary tsy nangatahinao ny ho lava fiainana aza, fa ny fahendrena amam-pahazavan-tsaina no nangatahinao ho anao, hitsaranao ny vahoakako izay nananganako anao ho mpanjaka;


Koa ankehitriny mbà hendry ianareo mpanjaka; minoa anatra ianareo mpitsaran’ny tany.


Hoderaina anie ny herin’ny Mpanjaka, izay tia ny rariny. Manamafy ny fahitsiana Ianao, mitsara araka ny rariny sy ny hitsiny eo amin’i Jakôba Ianao.


Ny mpanjaka mampiorina mafy ny taniny amin’ny fahamarinana, fa izay tia kolikoly kosa, mandrava azy.


Izaho no anapahan’ny mpifehy, mbamin’ny lehibe, dia ny mpitsaran’ny tany rehetra.


Hametrahako mpitsara toy ny tany aloha ianao, mbamin’ny mpanolo-tsaina toy ny tamin’ny andro voalohany. Raha efa izany dia hantsoina hoe tanànan’ny fahamarinana, tanàna mahatoky ianao.


Amin’izany andro izany, sy amin’izany fotoana izany, hampitsimoka solofo marina ho an’i Davida Aho, izay hitsara araka ny hitsiny sy ny rariny amin’ny tany.


Ary i Jesoa nanatona azy ireo ka nilaza taminy hoe: «Efa nomena Ahy ny fahefana rehetra any an-danitra sy etỳ an-tany;


Aoka ny olona rehetra samy hanaiky ny manam-pahefana; satria tsy misy fahefana tsy avy amin’Andriamanitra, fa voatendriny avokoa izay misy rehetra.


Nanaraka izany, dia indro hitako nisokatra ny lanitra, ary nisy soavaly fotsy niseho teo; Mahatoky sy Marina no anaran’ilay nitaingina azy, ary ara-drariny no itsaràny sy iadiany;


izao no anarany voasoratra tamin’ny lambany sy ny feny: Mpanjakan’ny mpanjaka sy Tompon’ny tompo.


Ka hoy i Iaveh tamin’i Samoela: «Mandra-pahoviana no hitomanianao an’i Saola, kanefa Aho manary azy tsy ho mpanjaka amin’i Israely intsony? Fenoy diloilo ny tandrokao dia mandehana fa irahiko ho any amin’i Isaï any Betlehema ianao, satria amin’ny zanany no nahitako ilay mpanjaka tiako».


Ka vao nahita an’i Saola i Samoela dia hoy i Iaveh taminy: «Io no lehilahy voalazako taminao, izy no hanjaka amin’ny oloko».


Araho izahay:

dokam-barotra


dokam-barotra