Ohabolana 3:6 - Baiboly Katolika

⁶ Mihevera azy amin’ny lalanao rehetra, dia hanarina ny sakeli-dalanao Izy.

Baiboly Protestanta Malagasy 2011

⁶ mahaiza mamantatra Azy amin’ny alehanao rehetra, fa Izy no handamina ny lalanao.

DIEM PROTESTANTA

⁶ Mieke Azy amin’izay rehetra alehanao, dia hatorony anao ny soritra harahinao.

Dikateny Iombonana Eto Madagasikara

⁶ Mieke Azy amin’izay rehetra alehanao, dia hatorony anao ny soritra harahinao.

Baiboly Protestanta Malagasy

⁶ Maneke Azy amin’ny alehanao rehetra, Fa Izy handamina ny làlanao.

Malagasy Bible

⁶ Maneke Azy amin'ny alehanao rehetra, Fa Izy handamina ny lalanao,

La Bible en Malgache

⁶ mahaiza mamantatra Azy amin’ny alehanao rehetra, fa Izy no handamina ny lalanao.

Ohabolana 3:6 Rohy Ifampitohizana

1Tantara 28:9

Ary ianao, ry Salômôna, zanako, mahalalà ny Andriamanitry ny rainao, ka manompoa Azy amin’ny fo mazava sy amin’ny fanahy mazoto, fa i Iaveh dia mandinika ny fo rehetra sy maninteraka ny hevitry ny saina rehetra. Raha mitady Azy ianao, dia hety ho hitanao Izy; fa raha mandao Azy kosa ianao, dia hariany mandrakizay.

Ezra 7:27

«Hisaorana anie i Iaveh Andriamanitry ny razantsika izay nanome hevitra ny fon’ny mpanjaka mba hanome voninahitra ny tranon’i Iaveh ao Jerosalema toy izany,

Nehemia 1:11

Endrey, ry Tompo, aoka hanongilan-tsofina amin’ny vavak’ity mpanomponao Ianao, sy amin’ny vavak’ireo mpanomponao izay mankasitraka tokoa ny matahotra ny Anaranao! Ho sitrakao anie ny hanambina ny mpanomponao anio, sy hampahita fitia azy eo imason’io lehilahy io.» Mpandroso divain’ny mpanjaka aho fahizay.

Nehemia 2:4

Dia hoy ny mpanjaka tamiko: «Inona no tianao hangatahina amiko?»

Nehemia 7:5

Ka nomen’Andriamanitra hevitra aho hamory ny lehibe sy ny andriambaventy mbamin’ny vahoaka, mba hakana ny isany. Ary nahita boky nanoratana ny firazanan’izay niakatra voalohany aho, ka izao no hitako voasoratra ao:

Salamo 32:8

Hampianariko sy hasehoko anao izay lalan-kizoranao; ho mpanolo-tsaina anao Aho, sady hitsinjo anao ny masoko.

Ohabolana 11:5

Ny fahamarinan’ny marina, manitsy ny lalany, fa ny ratsy fanahy kosa lavo noho ny faharatsiany.

Ohabolana 16:3

Mangataha fanampiana amin’i Iaveh amin’ny asanao; dia ho vanona ny fikasanao.

Ohabolana 16:9

Ny fon’ny olona no misaina izay halehany, fa i Iaveh ihany no mitondra ny diany.

Ohabolana 23:17

Aoka tsy hialona ny mpanota ny fonao, fa hitoetra mandrakariva amin’ny fahatahorana an’i Iaveh.

Isaia 26:7

Voaravona ny sakeli-dalan’ny marina; mahitsy ny lalana izay areninao ho an’ny marina.

Isaia 30:21

Ary handre sofina ny feo hilaza ao ivohonao hoe: - Ity no lalana, ka ombao io! - dia raha ianareo hivily na ho ankavanana na ho ankavia.

Isaia 45:13

Izaho no nanangana azy io, tamin’ny fahamarinako, ka mandravona ny lalany rehetra; Izy no hanangana ny tanànako indray, sy hampody ny oloko voababo, tsy amin’avotra na fanatitra,» hoy i Iavehn’ny tafika.

Isaia 48:17

Izao no lazain’i Iaveh mpanavotra anao, ilay Masin’i Israely: «Izaho Iaveh, Andriamanitrao, mampianatra anao mba hahitanao soa; mitarika anao amin’ny lalana tokony halehanao aho.

Jeremia 10:23

Fantatro, ry Iaveh ô, fa tsy ny olombelona ny tompon’ny lalany, tsy mba an’ny olona mandeha, ny manitsy ny diany.

Jeremia 42:3

Aoka hambaran’i Iaveh Andriamanitrao aminay, izay lalana tokony hizoranay, sy izay zavatra tokony hataonay.»

Nomery 9:20

Toy izany koa raha andro vitsy foana no nipetrahan’ny rahona teo ambonin’ny Fonenana; didin’i Iaveh no nitobiany, didin’i Iaveh no niaingany.

1Korintiana 10:31

Koa na mihinana na misotro ianareo, na inona na inona ataonareo, dia ataovy ho voninahitr’Andriamanitra izany rehetra izany.

2Korintiana 8:16

Hisaorana anie Andriamanitra, fa nalatsany ao am-pon’i Tito koa ho anareo izany fahazotoana izany;

Filipiana 4:6

Aza manahy na inona na inona; fa ambarao an’Andriamanitra, amin’ny fivavahana amam-pifonana ary fisaorana, izay rehetra ilainareo na amin’inona na amin’inona.

Kolosiana 3:17

Ary na inona na inona ataonareo, na amin’ny teny, na amin’ny asa, dia ataovy amin’ny Anaran’i Jesoa Tompo ny zavatra rehetra, sy amin-pisaorana an’Andriamanitra Ray amin’ny alalany.

Kolosiana 3:23

Na inona na inona ataonareo, dia ataovy amin’ny fo tokoa, toy ny amin’ny Tompo, fa tsy amin’olombelona,

Jakoba 1:5

Raha misy tsy manam-pahendrena aminareo, dia aoka izy hangataka izany amin’Andriamanitra, fa homeny azy tokoa izany; satria sady manome malalaka ho an’ny olona rehetra Izy no tsy mba mandatsa.

1Samoela 30:8

ka nanontany an’i Iaveh i Davida nanao hoe: «Hanenjika izany jirika izany va aho? Hahatratra azy va aho?» Ary hoy ny navaliny: «Enjeho, fa hahatratra azy marina tokoa ianao sady hanafaka.»