Ohabolana 3:18 - Baiboly Katolika

¹⁸ Hazon’aina izy ho an’izay mambabo azy, ary sambatra izay mifikitra aminy.

Baiboly Protestanta Malagasy 2011

¹⁸ Hazon’aina ho an’izay rehetra mifikitra aminy izy ary izay rehetra mihazona azy no atao hoe sambatra.

DIEM PROTESTANTA

¹⁸ Hazon’aina sy fahasambarana ny fahendrena ho an’izay mitana azy sy mifikitra aminy.

Dikateny Iombonana Eto Madagasikara

¹⁸ Hazon’aina sy fahasambarana ny fahendrena ho an’izay mitana azy sy mifikitra aminy.

Baiboly Protestanta Malagasy

¹⁸ Hazon’aina ho an’izay rehetra mifikitra aminy izy; Ary izay rehetra mitana azy no hatao hoe sambatra.

Malagasy Bible

¹⁸ Hazon'aina ho an'izay rehetra mifikitra aminy izy; Ary izay rehetra mitana azy no hatao hoe sambatra.

La Bible en Malgache

¹⁸ Hazon’aina ho an’izay rehetra mifikitra aminy izy ary izay rehetra mihazona azy no atao hoe sambatra.

Ohabolana 3:18 Rohy Ifampitohizana

Genesisy 2:9

Ary nampanirin’i Iaveh Andriamanitra tamin’ny tany izao hazo rehetra mahatehijery sady fihinana isan-karazany izao, sy ny hazon’aina tao afovoan’ny saha, ary ny hazon’ny fahalalana ny tsara sy ny ratsy.

Genesisy 3:22

Ary hoy i Iaveh Andriamanitra: «Indro efa tonga tahaka ny anankiray amintsika ny olombelona raha ny amin’ny fahalalana ny tsara sy ny ratsy. Fa amin’izao kosa aoka tsy haninjitra ny tanany izy haka amin’ny hazon’aina koa, sy hihinana izany, ka ho velona mandrakizay.»

Ohabolana 11:30

Hazon’aina no vokatry ny marina; ary hendry izay mahazo ny fanahin’olona.

Ohabolana 13:12

Ny fanantenana ela fiavy, mankarary ny fo; fa ny faniriana tanteraka kosa, dia hazon’aina.

Ohabolana 15:4

Ny teny mora, dia hazon’aina; fa ny vava ratsy, mamaky ny fo.

Ohabolana 4:13

Tano ny fahalalana ka aza avela; raketo izy fa fiainanao.

Ohabolana 8:32

«Ka izao, anaka, henoy aho; Sambatra izay manaraka ny lalako!

Ohabolana 8:34

Sambatra ny olona mihaino ahy, sy miari-tory isan’andro eo am-baravarako, ary miandry eo amin’ny tolàm-baravarako!

Mpitoriteny 7:12

Fa sahala ny fiarovana avy amin’ny vola sy ny fiarovana avy amin’ny fahendrena; nefa soa manan-tombo ny fahaizana, dia mampiaina an’izay manana azy ny fahendrena.

Apokalipsy 2:7

Izay manan-tsofina aoka hihaino ny lazain’ny Fanahy amin’ny Eglizy: «Izay mandresy, havelako hihinanany ny hazon’ny fiainana izay ao amin’ny paradisan’Andriamanitra»

Apokalipsy 22:2

Teo an-daniny roa amin’ny ony, dia nisy hazon’aina mamoa indroa ambin’ny folo, dia indray mandeha isam-bolana, ary mandravina fanasitranana ny firenena.