Ohabolana 3:10 - Baiboly Katolika

¹⁰ Dia ho feno hipokipoka ny fitoeram-bokatrao, ary hihoatra ny fandomana azy ny divainao vaovao.

Baiboly Protestanta Malagasy 2011

¹⁰ dia ho feno mitafotafo ny fitoeram-barinao, ary hihoatra ny vata fanantazanao ny ranom-boaloboka.

DIEM PROTESTANTA

¹⁰ Dia ho feno vary mitafotafo ny sompitrao; ary hihoatra ny barika fanantazanao azy ny divay.

Dikateny Iombonana Eto Madagasikara

¹⁰ Dia ho feno vary mitafotafo ny sompitrao; ary hihoatra ny barika fanantazanao azy ny divay.

Baiboly Protestanta Malagasy

¹⁰ Ka dia ho feno mitafotafo ny fitoeram-barinao, Ary hihoatra ny ranom-boaloboka eo amin’ny vata fanantazanao.

Malagasy Bible

¹⁰ Ka dia ho feno mitafotafo ny fitoeram-barinao, Ary hihoatra ny ranom-boaloboka eo amin'ny vata fanantazanao.

La Bible en Malgache

¹⁰ dia ho feno mitafotafo ny fitoeram-barinao, ary hihoatra ny vata fanantazanao ny ranom-boaloboka.

Ohabolana 3:10 Rohy Ifampitohizana

2Tantara 31:10

Ka hoy i Azariasa mpisorona lehibe taranak’i Sadôka namaly azy: «Hatramin’ny niandohan’ny nanateran’ny olona ny fanomezana voaavaka ao an-tranon’i Iaveh, dia nihinana sy nanao voky ihany izahay, nefa mbola be koa ny tsy laninay, fa nambinin’i Iaveh ny vahoakany, ka he izato habetsahan’ny sisa tsy lany.»

2Tantara 31:21

Nataony tamin’ny fony tokoa ny raharaha rehetra nampanaoviny momba ny fanompoana ao an-tranon’i Iaveh, sy momba ny didy aman-dalàna nitadiavany an’Andriamaniny, ka nambinina izy.

Salamo 144:13

Ho feno mandrakariva anie ny sompitray, ka ho hipoka vokatra isan-karazany. Ny ondrinay eny an-tanim-bilonay anie hitombo arivoarivo sy alinalina,

Ohabolana 19:17

Izay miantra ny mahantra, mampisambotra an’i Iaveh, ka Izy no hamaly ny soa nataony.

Ohabolana 22:9

Hambinina ny olona antra fijery, fa anomezany ny mahantra ny mofony.

Joela 2:24

Ho feno vary ny famoloanareo; ary ho tondraka ny divay vaovao aman-diloilo ao amin’ny barìka.

Hagay 2:19

Mbola nisy voa famafy va tao an-tsompitra? Na ny voaloboka aza, na ny aviavy, na ny ampongabendanitra, na ny ôliva, tsy misy nahavokatra kely akory; fa hatramin’izao andro izao kosa, dia hotahìko ianareo.

Matio 10:42

ary na iza na iza hanome rano mangatsiaka na dia eran’ny kapoaka monja aza hosotroin’ny anankiray amin’ireo madinika indrindra ireo, noho izy mpianatro, dia lazaiko marina aminareo fa tsy ho very valisoa izy.

Deoteronomia 14:29

Ka aoka ho avy amin’izay ny Levita izay tsy mba manana anjara na lova eo aminao, mbamin’ny vahiny sy ny kamboty ama-mpitondratena izay ao anatin’ny vavahadinao, dia hihinana izy, ka hivoky, mba hanambinan’i Iaveh Andriamanitrao anao amin’ny asa rehetra ataon’ny tananao.

Deoteronomia 28:8

Handidy ny fitahîny homba anao i Iaveh, amin’ny sompitrao sy amin’ny asan-tananao rehetra. Hotahîny ianao any amin’ny tany homen’i Iaveh Andriamanitrao anao.