Ohabolana 21:29 - Baiboly Katolika

²⁹ Ny ratsy fanahy maneho hasahisahiana amin’ny endriny, fa ny mahitsy fo kosa manitsy ny lalany.

Baiboly Protestanta Malagasy 2011

²⁹ Mampiseho ny fahasahisahiany amin’ny tarehiny ny ratsy fanahy, fa ny marina kosa dia mihevitra tsara ny lalan-kalehany.

DIEM PROTESTANTA

²⁹ Miseho ho sahisahy ny olon-dratsy, fa ny olo-mahitsy kosa mampitombina tsara ny toetrany.

Dikateny Iombonana Eto Madagasikara

²⁹ Miseho ho sahisahy ny olon-dratsy, fa ny olo-mahitsy kosa mampitombina tsara ny toetrany.

Baiboly Protestanta Malagasy

²⁹ Ny ratsy fanahy mampiseho ny fahasahisahiany amin’ny tarehiny; Fa ny marina kosa dia mihevitra izay halehany.

Malagasy Bible

²⁹ Ny ratsy fanahy mampiseho ny fahasahisahiany amin'ny tarehiny; Fa ny marina kosa dia mihevitra izay halehany.

La Bible en Malgache

²⁹ Mampiseho ny fahasahisahiany amin’ny tarehiny ny ratsy fanahy, fa ny marina kosa dia mihevitra tsara ny lalan-kalehany.

Ohabolana 21:29 Rohy Ifampitohizana

Salamo 119:5

Enga anie ka ho voahitsy ny lalako, mba hitandremako ny didinao!

Salamo 119:59

Mieritreritra ny làlako aho, ka mampiverina ny diako ho araka ny fampianaranao.

Ohabolana 11:5

Ny fahamarinan’ny marina, manitsy ny lalany, fa ny ratsy fanahy kosa lavo noho ny faharatsiany.

Ohabolana 28:14

Sambatra ny olona izay manam-pahatahorana mandrakariva; fa izay manadonto ny fony kosa ho latsaka anatin’ny fahoriana.

Ohabolana 29:1

Ny olona tandrifin’ny hanarina, ka mihamafy hatoka, dia ho torotoro tampoka tsy hisy fanafody hahasitrana.

Ohabolana 4:25

Aoka ny masonao hahitsy fijery, ary ny hodi-masonao hanitsy eo anoloanao.

Ohabolana 4:26

Ataovy marina ny alehan’ny tongotrao, ary aoka ho mahitsy ny lalanao rehetra.

Ohabolana 7:13

Nosavihiny ity zazalahy, dia norohany, ary sady nanao tarehin’ny tsy valahara izy no milaza aminy hoe:

Mpitoriteny 8:1

Iza moa no tahaka ny hendry, ary zovy no mahalala ny anton-javatra, toa azy? Ampamirapiratin’ny fahendren’ny olona ny tarehiny, ary ny tarehiny marokoroko dia voaova.

Jeremia 5:3

Ry Iaveh ô, tsy ny fo mahatoky va no tadiavin’ny masonao? Nikapoka azy Ianao, fa tsy nalahelo izy; nandripaka azy Ianao, fa tsy nety nino anatra izy; nohamafisiny mihoatra noho ny vatolampy ny tavany, tsy nety nibebaka izy.

Jeremia 8:12

Homenàrina izy, fa nanao fahavetavetana, nefa tsy mba mahalala menatra intsony izy, ary tsy mba valahara! koa dia hiara-davo amin’izay lavo izy ireo; ary hiteraka amin’ny andro hamangiako azy izy», hoy i Iaveh.

Ezekiela 18:28

Raha sokafany ny masony, ka miala amin’ny fahadisoana rehetra nataony izy, dia ho velona tokoa izy fa tsy ho faty.

Hagay 1:5

Koa ankehitriny, izao no lazain’i Iavehn’ny tafika: Diniho tsara ny lalanareo.

Hagay 1:7

Izao no lazain’i Iavehn’ny tafika: Diniho tsara ny lalanareo.

Hagay 2:15

Ary ankehitriny, hevero ny hatramin’izao anio izao no mankany; dia fony mbola tsy nisy vato nifanongoa, natao teo amin’ny Tempolin’i Iaveh.

1Tesaloniana 3:11

Enga anie ka ny Tenan’Andriamanitra Raintsika, sy i Jesoa Kristy Tompontsika no hanitsy lalana anay ho atỳ aminareo;