Ohabolana 21:16 - Baiboly Katolika

¹⁶ Ny olona miala amin’ny lalan’ny fahamalinana, dia handry eny amin’ny fivorian’ny maty.

Baiboly Protestanta Malagasy 2011

¹⁶ Ny olona izay mivily miala amin’ny lalan’ny fahendrena dia hitoetra ao amin’ny fivorian’ny fanahin’ny maty.

DIEM PROTESTANTA

¹⁶ Izay mivily miala amin’ny lalam-pahendrena dia ho naman’ny maty tsy ho ela.

Dikateny Iombonana Eto Madagasikara

¹⁶ Izay mivily miala amin’ny lalam-pahendrena dia ho naman’ny maty tsy ho ela.

Baiboly Protestanta Malagasy

¹⁶ Ny olona izay mivily miala amin’ny làlan’ny fahendrena Dia hitoetra ao amin’ny fivorian’ny fanahin’ny maty.

Malagasy Bible

¹⁶ Ny olona izay mivily miala amin'ny lalan'ny fahendrena Dia hitoetra ao amin'ny fivorian'ny fanahin'ny maty.

La Bible en Malgache

¹⁶ Ny olona izay mivily miala amin’ny lalan’ny fahendrena dia hitoetra ao amin’ny fivorian’ny fanahin’ny maty.

Ohabolana 21:16 Rohy Ifampitohizana

Salamo 125:5

Fa raha ireo mivily amin’ny lala-miolikolika kosa, aoka izy hafoin’i Iaveh miaraka amin’izay manao ratsy. Fiadanana anie ho amin’i Israely!

Salamo 49:14

Izany no alehan’ireo olona be hambo loatra, mbamin’izay manaraka azy, manaiky ny teniny. - Selà

Ohabolana 11:19

Ny fahamarinana mahatonga amin’ny fiainana; fa izay manenjika ny haratsiana iharam-pahafatesana.

Ohabolana 13:20

Ny tamà-miaraka amin’ny hendry, hihahendry; fa ny mivarilena amin’ny adala, hiharatsy.

Ohabolana 19:16

Izay mitandrina ny lalàna miaro ny fanahiny; izay tsy mitandrina ny lalany, ho faty.

Ohabolana 2:13

amin’izay miala amin’ny lala-mahitsy, ka mizotra amin’ny lalana maizina;

Ohabolana 5:23

Ho faty noho ny tsy fahazoany famaizana izy, ary ho voafitaky ny hadalany tafahoatra.

Ohabolana 9:18

Tsy fantany fa misy ambiroa ao, ary efa any amin’ny fanambanin’ny Seoly sahady ny nasainy.

Ezekiela 18:24

Ary raha miala amin’ny fahamarinana kosa ny marina ka manao ny tsy marina, araka ny fahavetavetana rehetra ataon’ny ratsy fanahy, - moa hanao izany izy va ka ho velona? - Tsy hotsarovana intsony ny asa fahamarinana rehetra narahiny; noho ny fahadisoana nahameloka azy sy ny fahotana nataony, noho izany dia ho faty izy.

Zefania 1:6

sy ireo mihataka miala amin’i Iaveh, izay tsy mitady an’i Iaveh, ary tsy manan-draharaha Aminy akory.

Efesiana 2:1

Fahiny dia matin’ny fahadisoana amam-pahotanareo ianareo,

Hebreo 10:38

Ary ny oloko marina ho velona amin’ny finoana, fa izay mihataka kosa tsy mba ankasitrahin’ny foko.

1Jaona 2:19

Teo amintsika no niala ihany izy ireo, nefa tsy anisantsika; fa raha anisantsika izy, dia ho niara-nitoetra tamintsika; izy no niala dia mba hampiharihary fa tsy anisantsika izy rehetra.

Joda 1:12

Amin’ny sakafo iarahanareo mihinana, dia ireo no vato manafintohina, miletra tsy aman-kenatra, tsy mihevitra afa-tsy ny hamoky tena. Rahona tsy misy rano ireo, ka avoivoin’ny rivotra befahatany; hazo fararano, ka sady tsy am-boa no indroa maty sy voaongotra;