Ohabolana 2:21 - Baiboly Katolika

²¹ Satria ny olo-mahitsy fo no honina amin’ny tany, ary ny olo-marina no ho tafatoetra eo.

Baiboly Protestanta Malagasy 2011

²¹ Fa ny olona mahitsy no honina amin’ny tany, ary ny tsy manan-tsiny ihany no ho sisa mitoetra ao.

DIEM PROTESTANTA

²¹ Fa ny olo-mahitsy sady tsy manan-tsiny no honina amin’ny tany sy hitoetra eo.

Dikateny Iombonana Eto Madagasikara

²¹ Fa ny olo-mahitsy sady tsy manan-tsiny no honina amin’ny tany sy hitoetra eo.

Baiboly Protestanta Malagasy

²¹ Fa ny olona mahitsy no honina amin’ny tany, Ary ny tsy manan-tsiny ihany no ho sisa mitoetra ao;

Malagasy Bible

²¹ Fa ny olona mahitsy no honina amin'ny tany, Ary ny tsy manan-tsiny ihany no ho sisa mitoetra ao;

La Bible en Malgache

²¹ Fa ny olona mahitsy no honina amin’ny tany, ary ny tsy manan-tsiny ihany no ho sisa mitoetra ao.

Ohabolana 2:21 Rohy Ifampitohizana

Joba 1:1

Nisy lehilahy anankiray atao hoe Jôba, tany amin’ny tanin’i Hosa. Izy io dia lehilahy marina, mahitsy, matahotra an’Andriamanitra ary nifady ny ratsy.

Joba 42:12

Nambinin’i Iaveh mihoatra noho ny tamin’ny taloha ny andro niainan’i Jôba tatỳ aoriana, ka nanana ondry 14.000, rameva 6.000, omby 1.000 tsiroaroa, ary ampondra vavy 1.000.

Salamo 37:11

Ny malemy fanahy no hanana ny tany; ka ho finaritra mankafỳ fiadanana lehibe.

Salamo 37:18

Fantatr’i Iaveh ny andron’ny marina; ary ny lovany haharitra mandrakizay.

Salamo 37:22

Izay tahin’i Iaveh hanana ny tany; izay ozoniny dia hofongorana.

Salamo 37:29

Hanana ny tany ny olo-marina, dia honina eo mandrakizay.

Salamo 37:3

Matokia an’i Iaveh, ary manaova soa; monena amin’ny tany ary manaràna fo amin’ny fahatokiany.

Salamo 37:9

Fa ny ratsy fanahy hofongorana; ary izay matoky an’i Iaveh no hanana ny tany.

Salamo 84:11

Fa aleo andro iray ao an-kianjanao, toy izay arivo; aleoko mitoetra eo an-tokonam-baravaran’ny tranon’ny Andriamanitro, toy izay monina ao an-dain’ny ratsy fanahy.

Ohabolana 10:30

Ny marina tsy hangozohozo na oviana na oviana; fa ny ratsy fanahy kosa tsy honina amin’ny tany.

Ohabolana 28:10

Izay mamily ny mahitsy fo, ho amin’ny lalan-dratsy, dia mandatsaka ny tenany amin’ny lavaka nohadiny, fa ny tsy misy tsiny dia handova ny fahasambarana.