Ohabolana 13:4 - Baiboly Katolika

⁴ Be faniriana ny kamo, fa tsy ho tanteraka, fa ny fanirian’ny olo-mazoto kosa, ho tanteraka mahafa-po.

Baiboly Protestanta Malagasy 2011

⁴ Maniry zavatra ny kamo, nefa tsy mba mahazo na inona na inona, fa ny mazoto kosa dia hanana ny feno.

DIEM PROTESTANTA

⁴ Ny kamo no mitsiriritra tsy mety afa-po; fa ny mazoto kosa mahazo izay irîny.

Dikateny Iombonana Eto Madagasikara

⁴ Ny kamo no mitsiriritra tsy mety afa-po; fa ny mazoto kosa mahazo izay irîny.

Baiboly Protestanta Malagasy

⁴ Ny fanahin’ny kamo maniry, fa tsy mba mahazo; Fa ny fanahin’ny mazoto hohatavezina.

Malagasy Bible

⁴ Ny fanahin'ny kamo maniry, fa tsy mba mahazo; Fa ny fanahin'ny mazoto hohatavezina.

La Bible en Malgache

⁴ Maniry zavatra ny kamo, nefa tsy mba mahazo na inona na inona, fa ny mazoto kosa dia hanana ny feno.

Ohabolana 13:4 Rohy Ifampitohizana

Genesisy 26:32

Tonga tao amin’i Isaaka androtr’izay ihany ny mpanompony, nilaza ny momba ny lavaka fantsakana izay nohadiny tamin’izany ka nanao taminy hoe: «Efa nahita rano izahay.»

Salamo 92:14

Nambolena ao an-tranon’i Iaveh izy, dia hamony eo amin’ny kianjan’ny Andriamanitsika.

Ohabolana 10:4

Izay malaina amin’ny asany, ho tonga mahantra, fa ny tanan’ny mazoto kosa, manangon-karena.

Ohabolana 11:25

Ny fanahy manao soa, hohatavezina; ary izay manondraka dia hotondrahana koa.

Ohabolana 12:11

Izay miasa ny taniny, ho voky hanina; fa izay manenjika zava-poana, no adala foana.

Ohabolana 12:24

Ny tanana velom-pitandremana, hanapaka; fa ny tanana mipozipozy hampanompoana.

Ohabolana 12:27

Ny kamo tsy manatona ny hazany akory; fa ny faharisihana no rakitra soa ho an’ny olona.

Ohabolana 13:3

Izay mahafehy ny vavany, miaro ny fanahiny; fa izay fatra-piloa-bava kosa, mitady ny lozany.

Ohabolana 13:5

Ny marina mankahala ny teny mamitaka; ny ratsy fanahy kosa mampahazo henatra sy fahafaham-baraka.

Ohabolana 20:4

Tsy mety miasa ny kamo fa hoe ratsy ny andro; ka amin’ny andro fijinjana, hitady izy fa tsy hisy na inona na inona.

Ohabolana 21:25

Ny faniriana foan’ny kamo mahafaty azy, satria mandà tsy hiasa ny tanany.

Ohabolana 21:5

Ny fikasan’ny olo-mazoto ahazoan-karena be; fa izay mikorapaka foana amin’ny ataony dia mosary ihany no azony.

Ohabolana 24:30

Nandalo ny sahan’ny kamo aho, sy nanamorona ny tanimboaloboky ny adala.

Ohabolana 24:31

Ka indro tsilo no maniry hatraiza hatraiza, roy no mandrakotra eny rehetra eny, mirodana koa ny tamboho vato aminy.

Ohabolana 26:13

Hoy ny kamo: «Misy liona any an-dalam-be; misy liona atsy amin’ny arabe.»

Ohabolana 28:25

Ny olona matimatin-karena, mamelona ady, fa izay mitoky amin’i Iaveh, dia ho voky.

Ohabolana 6:6

Mandehana mankany amin’ny vitsika, ry ilay kamo; diniho ny lalany ka mbà hendry.

Ohabolana 8:34

Sambatra ny olona mihaino ahy, sy miari-tory isan’andro eo am-baravarako, ary miandry eo amin’ny tolàm-baravarako!

Tononkiran’i Solomona 5:3

Efa niala akanjo aho, ka hataoko ahoana no fiakanjo indray? Efa nioza tongotra aho, ka hataoko ahoana no fandoto azy indray.

Isaia 58:11

ary i Iaveh hitari-dalana anao mandrakizay; sy hamoky ny fanahinao eny amin’ny tany karankaina; ary hanome hery ny taolanao. Ho tahaka ny zaridaina tsara tondraka ianao, sy ho tahaka ny loharano velona, tsy manam-paharitana.

Nomery 23:10

Iza no mahisa ny vovok’i Jakôba, Na mahisa ny ampahefatr’i Israely? Enga anie ka ho toy ny fahafatin’ny olo-marina ny fahafatiko, Ary hanahaka ny fiafaràny ny fiafaràko!»

Jaona 6:27

Miasà ianareo, tsy mba hahazo ny hanina mety ho levona, fa ny hanina maharitra ho amin’ny fiainana mandrakizay, dia izay homen’ny Zanak’olona anareo; fa Izy no nasian’Andriamanitra Ray tombokase»

Hebreo 6:11

Irinay haneho fahazotoana toy izany koa ianareo tsirairay avy, hitana ny fanantenanareo feno sy lavorary hatramin’ny farany,

Josoa 7:3

Nony tafaverina tao amin’i Jôsoe izy ireo, dia nilaza taminy hoe: «Aoka tsy ny vahoaka rehetra no hiakatra; olona roa na telo arivo ihany no hiakatra dia ho resiny i Haia, ka aza manasatra ny vahoaka rehetra any amin’izany tanàna izany, fa vitsy izy ireo.»