Obadia 1:14 - Baiboly Katolika

¹⁴ Aza miandry eo am-pihaonan-dalana, hamono ny mandositra avy any aminy; aza manolotra ireo afa-nandositra, amin’ny andron’ny fahoriany.

Baiboly Protestanta Malagasy 2011

¹⁴ Aza mamitsaka eo amin’ny sampanan-dalana hamono izay afa-nandositra ianao, ary aza manolotra izay sisa velona aminy ianao amin’ny andro fahoriana.

DIEM PROTESTANTA

¹⁴ tsy tokony ho namitsaka teo an-tsampanan-dalana ianao mba hamono izay afa-nandositra taminy; tsy tokony ho natolotrao ny fahavalo ireo sisa tavela tamin’ny andro nampahory azy;

Dikateny Iombonana Eto Madagasikara

¹⁴ tsy tokony ho namitsaka teo an-tsampanan-dalana ianao mba hamono izay afa-nandositra taminy; tsy tokony ho natolotrao ny fahavalo ireo sisa tavela tamin’ny andro nampahory azy;

Baiboly Protestanta Malagasy

¹⁴ Aza mamitsaka eo amin’ny sampanan-dàlana hamono izay afa-nandositra hianao; Ary aza manolotra izay sisa aminy amin’ny andro fahoriana.

Malagasy Bible

¹⁴ Aza mamitsaka eo amin'ny sampanan-dalana hamono izay afa-nandositra ianao; Ary aza manolotra izay sisa aminy amin'ny andro fahoriana.

La Bible en Malgache

¹⁴ Aza mamitsaka eo amin’ny sampanan-dalana hamono izay afa-nandositra ianao, ary aza manolotra izay sisa velona aminy ianao amin’ny andro fahoriana.

Obadia 1:14 Rohy Ifampitohizana

Genesisy 35:3

Fa hiainga isika hiakatra ho any Betela. Hanangana ôtely any aho, ho an’ilay Andriamanitra izay nihaino ahy tamin’ny andron’ny fahoriako, sy nomba ahy tamin’ny lalana nalehako.»

Salamo 31:8

Hientan-kafaliana sy haravoana noho ny hatsaram-ponao aho; fa nijery ny fahantrako Ianao, nahita ny fahorian’ny fanahiko Ianao,

Isaia 16:3

Aoka ianao hanoro hevitra anay, hanelanelana anay; hanome aloka anay, toy ny amin’ny alina, amin’ny mitatao vovonana; hanafina ny enjehina, tsy hanondro ny mandositra!

Isaia 16:4

Aoka ireo mpandositra avy any Moaba hahazo mitoetra eo aminao; aoka ianao ho fiereny, tsy ho azon’ireo mpandringana izy; fa mitsahatra ny fanafihana, tapitra ny fandravana, lasa niala tamin’ny tany ny mpampahory.

Isaia 37:3

ka nanao taminy hoe: «Izao no lazain’i Ezekiasa: Androm-pahoriana amam-pamaizana sy fahafaham-baraka izao andro izao, fa ny zaza vonon-kivoaka avy ao am-bohoka nefa ny hery hiterahana azy, tsy misy.

Jeremia 30:7

Loza! fa lehibe izany andro izany, ka tsy misy toa azy! Andro fahoriana ho an’i Jakôba izany, kanefa hoafahana amin’izany izy.

Amosa 1:6

Izao no lazain’i Iaveh: «Noho ny heloka telo nataon’i Gazà, - sy noho ny efatra, - tsy hahemotro ny didy. Satria olona babo an’andiany mihitsy no nentiny nataony sesitany mba hatolony ho any Edôma,

Amosa 1:9

Izao no lazain’i Iaveh: «Noho ny heloka telo nataon’i Tira - sy noho ny efatra - tsy hahemotro ny didy, satria nanolotra olona babo an’andiany mihitsy ho any Edôma izy, fa tsy nahatsiaro fanekem-pirahalahiana,

Obadia 1:12

Aza faly mijery ny andron’ny rahalahinao, amin’ny andro idiran-doza aminy; aza mifaly amin’ny momba ny taranak’i Jodà, amin’ny andro andringanana azy; ary aza dia avoavo fiteny amin’ny andron’ny fahoriany.

Matio 22:9

Koa mandehana ianareo any amin’ny fihaonan-dalana, ary asao ho atỳ amin’ny fampakaram-bady avokoa izay hitanareo›.