Nomery 9:15 - Baiboly Katolika

¹⁵ Tamin’ny andro nananganana ny Fonenana, dia nosaronan’ny rahona ny Fonenana, dia ny trano lain’ny vavolombelona izany: nisy zavatra mitarehin’afo teo ambonin’ny Fonenana hatramin’ny hariva ka mandra-paharain’ny andro.

Baiboly Protestanta Malagasy 2011

¹⁵ Tamin’ny andro izay nananganana ny tabernakely dia nanarona ny tabernakely na ny tranolain’ny Vavolombelona ny rahona; ary nony hariva dia niseho teo ambonin’ny tabernakely tahaka ny afo izany mandra-paharain’ny andro.

DIEM PROTESTANTA

¹⁵ Tamin’ny andro nananganana ny Fonena-masina, dia nisy rahona nandrakotra ny Tranolay nitahirizana ny raki-tsoratry ny fanekempihavanana. Amin’ny hariva izy io dia mazava toy ny afo eo ambonin’ny Tranolay mandra-maraina.

Dikateny Iombonana Eto Madagasikara

¹⁵ Tamin’ny andro nananganana ny Fonena-masina, dia nisy rahona nandrakotra ny Tranolay nitahirizana ny raki-tsoratry ny fanekempihavanana. Amin’ny hariva izy io dia mazava toy ny afo eo ambonin’ny Tranolay mandra-maraina.

Baiboly Protestanta Malagasy

¹⁵ ARY tamin’ny andro izay nananganana ny tabernakely ny rahona dia nanarona ny tabernakely, dia ny trano-lain’ny Vavolombelona; ary nony hariva dia niseho teo ambonin’ny tabernakely tahaka ny afo izy mandra-pahamarain’ny andro.

Malagasy Bible

¹⁵ Ary tamin'ny andro izay nananganana ny tabernakely ny rahona dia nanarona ny tabernakely, dia ny trano-lain'ny Vavolombelona; ary nony hariva dia niseho teo ambonin'ny tabernakely tahaka ny afo izy mandra-pahamarain'ny andro.

La Bible en Malgache

¹⁵ Tamin’ny andro izay nananganana ny tabernakely* dia nanarona ny tabernakely na ny tranolain’ny Vavolombelona ny rahona; ary nony hariva dia niseho teo ambonin’ny tabernakely tahaka ny afo izany mandra-paharain’ny andro.

Nomery 9:15 Rohy Ifampitohizana

Nehemia 9:12

Andry rahona no nitarihanao azy raha antoandro, ary andry afo nony alina, mba hanazava eo anatrehany ny lalan-kalehany.

Nehemia 9:19

noho ny haben’ny famindram-ponao, dia tsy nafoinao tany an’efitra izy, ka tsy niala teo akaikiny ny andry rahona fa nitari-dalana azy raha antoandro, na ny andry afo fa nanazava azy nony alina, amin’ny lalan-kalehany.

Salamo 105:39

Namelatra rahona hanalokaloka azy Izy, ary afo hanazava azy amin’ny alina.

Salamo 78:14

Nitarika azy tamin’ny rahona nony andro, ary tamin’ny afo mazava mandritra ny alina.

Eksodosy 13:21

I Iaveh nandeha teo alohany amin’ny andry rahona raha antoandro hitari-dalana azy, ary amin’ny andry afo nony alina, mba ho afaka handeha, na andro na alina izy.

Eksodosy 13:22

Tsy niala teo alohan’ny vahoaka ny andry rahona raha antoandro, sy ny andry afo nony alina.

Eksodosy 14:24

Ary tamin’ny fotoan’ny fiambenana maraina dia nitodika ny Ejiptianina i Iaveh tao amin’ny andry afo aman-tsetroka, dia nandatsaka fangorohoroana tao amin’ny tobin’ny Ejiptianina. Nataony nitsoaka tamin’ny kalesiny ny kodiarana ka saika tsy afa-nandroso intsony.

Eksodosy 40:2

«Amin’ny andro voalohan’ny volana voalohany no hanangananao ny Fonenana, ny trano lay fihaonana.

Eksodosy 40:34

Tamin’izay ny rahona nanarona ny trano lay fihaonana; ary ny voninahitr’i Iaveh nameno ny Fonenana.

Eksodosy 40:35

Ka tsy afa-niditra intsony tao an-trano lay fihaonana i Môizy, fa nijanona teo amboniny ny rahona, ary nameno ny Fonenana ny voninahitr’i Iaveh.

Eksodosy 40:38

Fa ny rahon’i Iaveh dia nijanona teo ambonin’ny Fonenana, raha antoandro ny andro, ary amin’ny alina dia nisy afo, hitan’ny taranak’i Israely rehetra, teo amin’ny rahona, mandritra ny andro rehetra nandehanany.

Isaia 4:5

amin’izay dia hoforonin’i Iaveh eran’ny tendrombohitra Siôna manontolo, sy eo ambonin’ny fivoriany, ny rahona aman-tsetroka anankiray mandritra ny andro, ary fahazavan’ny afo midedadeda amin’ny alina. Eo ambonin’ny voninahiny rehetra dia hisy elo;

Nomery 10:34

Ary rehefa niala tamin’ny toby izy ireo, dia eo amboniny mandritra ny andro ny rahon’i Iaveh.

Nomery 14:14

Efa ren’izy ireo, fa Ianao Iaveh no eo afovoan’ity vahoaka ity, Ianao Iaveh no miseho mifanatrika ao; ary ny rahonao no mijanona eo amboniny. Ianao no mandeha eo alohany, amin’ny andry rahona, ny antoandro, ary amin’ny andry afo, ny alina.

Nomery 17:7

Fa raha ilay nivory hanohitra an’i Môizy sy Aarôna iny ny fiangonana, dia nitodika ny trano lay fihaonana i Môizy sy i Aarôna, ka indro fa nanarona an’io ny rahona ary ny voninahitr’i Iaveh niseho.

1Korintiana 10:1

Fa tsy tiako tsy ho fantatrareo, ry kristianina havana, fa tambanin’ny rahona ny razantsika rehetra; namaky ny ranomasina izy rehetra;

Deoteronomia 1:33

izay nandeha teo alohanareo teny an-dalana, hitady toerana hitobianareo: ny alina Izy teo amin’ny afo hanoro lalana nety halehanareo; ny antoandro indray teo amin’ny rahona.»