Nomery 35:33 - Baiboly Katolika

³³ Aza mandoto ny tany onenanareo, fa ny ra no mandoto ny tany, ary tsy misy fanavotana ny tany amin’ny ra nalatsaka afa-tsy ny ran’ny nandatsaka azy ihany.

Baiboly Protestanta Malagasy 2011

³³ Aza mandoto ny tany izay onenanareo, fa ny ra dia fandotoana ny tany; ary ny tany dia tsy azo anaovana fanavotana ny amin’ny ra izay nalatsaka teo, afa-tsy amin’ny ran’izay nandatsaka azy ihany.

DIEM PROTESTANTA

³³ «Aza mandoto ny tany onenanareo, fa ny famonoana olona dia fandotoana ny tany. Ary raha misy olona voalatsa-dra, ny tany dia tsy hadio raha tsy maty ny mpandatsa-dra.

Dikateny Iombonana Eto Madagasikara

³³ «Aza mandoto ny tany onenanareo, fa ny famonoana olona dia fandotoana ny tany. Ary raha misy olona voalatsa-dra, ny tany dia tsy hadio raha tsy maty ny mpandatsa-dra.

Baiboly Protestanta Malagasy

³³ Ary aza mametaveta ny tany izay onenanareo, fa ny ra dia fametavetana ny tany; ary ny tany tsy azo anaovana fanavotana ny amin’ny ra izay nalatsaka teo, afa-tsy amin’ny ran’izay nandatsaka azy ihany.

Malagasy Bible

³³ Ary aza mametaveta ny tany izay onenanareo, fa ny rà dia fametavetana ny tany; ary ny tany tsy azo anaovana fanavotana ny amin'ny rà izay nalatsaka teo, afa-tsy amin'ny ran'izay nandatsaka azy ihany.

La Bible en Malgache

³³ Aza mandoto ny tany izay onenanareo, fa ny ra dia fandotoana ny tany; ary ny tany dia tsy azo anaovana fanavotana ny amin’ny ra izay nalatsaka teo, afa-tsy amin’ny ran’izay nandatsaka azy ihany.

Nomery 35:33 Rohy Ifampitohizana

Genesisy 4:10

Hoy i Iaveh: «Inona no nataonao? Fa mitaraina hatraty amiko ny feon’ny ran-drahalahinao avy amin’ny tany.

Genesisy 9:6

Ka na zovy na zovy handatsaka ran’olona, dia mba halatsak’olona koa ny rany, satria nataon’Andriamanitra mitovy tarehy aminy ny olombelona.

2Samoela 21:9

dia natolony ireo ho eo an-tanan’ny Gabaônita, ka nahantony tany an-tendrombohitra teo anatrehan’i Iaveh. Niara-maty izy fito lahy tamin’ny andro voalohan’ny fijinjana, fiandohan’ny fijinjana ny orja.

2Samoela 3:29

Fa amin’ny lohan’i Jôaba sy ny ankohonan-drainy rehetra anie izany: ka tsy ho tapaka eo amin’ny fianakavian’i Jôaba ny marary mitsi-dra na boka, na mampandihy ampela na lavon-tsabatra, na tsy ampy hanina.»

1Mpanjaka 2:31

Ka hoy ny mpanjaka tamin’i Banaiasa: «Dia ataovy araka ny voalazany, ka asio izy dia avelao, mba hanesoranao amiko sy amin’ny taranaky ny raiko, ny ra nalatsak’i Jôaba tsy misy antony akory.

2Mpanjaka 23:26

Kanefa tsy nionona i Iaveh tamin’ny firehetan’ny fahatezerany mafy, satria nirehitra tamin’i Jodà ny fahatezerany, noho ny fihatsiana nampahatezeran’i Manase Azy.

2Mpanjaka 24:4

sy noho ny ra tsy manan-tsiny nalatsany be loatra ka nataony feno ra tsy manan-tsiny i Jerosalema, koa tsy nety namela izany i Iaveh.

2Tantara 23:15

Dia nihataka teo an-daniny roa ny olona, ka lasa nankany amin’ny fidirana eo am-bavahadin-tsoavaly ho ao amin’ny tranon’ny mpanjaka ravehivavy, ka dia tao no namonoana azy.

Salamo 106:28

Niraikitra tamin’i Beelfegôra izy ireo, ka nihinana ny sorona natolotra ho an’ny maty.

Salamo 106:38

Nandatsaka ny ra tsy manan-tsiny izy dia ny ran’ireo zanany lahy aman-janany vavy, nataony sorona tamin’ny sampin’i Kanaana, ka ny tany voaloton’ny vonoana olona.

Isaia 24:5

Voatolon’ny mponina aminy, ny tany, satria izy ireo nandika ny lalàna, nivadika tamin’ny didy, nandrava ny fanekena mandrakizay.

Isaia 26:21

Fa indro i Iaveh mivoaka avy amin’ny fonenany, hizaha ny tsy fahamarinan’ny mponina amin’ny tany; ary ny tany hampiseho ny ra izay nofohiny, ka tsy hanafina intsony izay novonoina teo aminy.

Jeremia 16:18

Ary voalohany aloha, dia hovaliako avo sasaka ny heloka amam-pahotany; satria izy ireo nandoto ny taniko, ny fatin-tsampiny sy ny fahavetavetany no namenoany ny lovako.»

Jeremia 26:15

Fantaro anefa, fa raha mamono ahy ianareo, dia handatsaka ra tsy manan-tsiny aminareo sy amin’ity tany ity, ary amin’ny mponina eo aminy, satria i Iaveh marina tokoa, no naniraka ahy ho atỳ aminareo hilaza ireo teny rehetra ireo ho ren’ny sofinareo.»

Levitikosy 18:25

Voaloto ny tany, ka hovaliako ny helony, ary haloan’ny tany ny mponina eo aminy.

Mika 4:11

Ankehitriny kosa efa tafavory hamely anao, ny firenena maro; ka manao hoe: Aoka halàm-baraka izy, ary aoka hibanjina an’i Siôna ny masontsika!

Nomery 35:32

Aza mandray avotra amin’izay nandositra ho ao an-tanàna fialofana, mba hahazoany mody hitoetra any amin’ny taniny, alohan’ny fahafatesan’ny mpisorom-be.

Deoteronomia 19:10

mba tsy halatsaka amin’ny tany omen’i Iaveh Andriamanitrao anao ho lovanao, ny ra tsy manan-tsiny; ka dia tsy hisy ra ao aminao.

Deoteronomia 19:13

Aza miantra azy ny masonao fa esory amin’i Israely ny ra tsy manan-tsiny, dia hiadana ianao.

Deoteronomia 21:23

dia tsy hiloaka alina eo ambony hazo ny fatiny, fa tsy maintsy alevinao mihitsy androtr’iny ihany, satria hiharan’ny fanozonan’Andriamanitra ny faty mihantona, ka aza lotoina ny tany omen’i Iaveh Andriamanitrao anao ho lova.»

Mpitsara 9:24

mba hivaly ny heloka natao tamin’ny zanak’i Jerobaala fitopolo lahy, ka samy hianjeran’ny rany i Abimeleka rahalahiny, izay namono azy, sy ny mponina tao Sikema izay nanampy an’io hamono ny rahalahiny.