Nomery 28:9 - Baiboly Katolika

⁹ «Amin’ny andro sabata kosa, dia zanak’ondry roa, efa iray taona, tsy misy kilema, no haterinao, ary lafarina tsara indrindra roa ampahafolony, voadity tamin’ny diloilo, hatao fanatitra, mbamin’ny fanatitra araraka momba azy.

Baiboly Protestanta Malagasy 2011

⁹ Amin’ny andro Sabata kosa dia izao no hatolotrao: Zanak’ondry roa, izay iray taona avy sady tsy misy kilema, miampy koba tsara toto roa ampahafolon’ny efaha, voaharo diloilo, ho fanatitra avy amin’ny zavamaniry; ampombaina azy ireo ny fanatitra aidina.

DIEM PROTESTANTA

⁹ «Amin’ny andro sabata kosa dia izao no hatolotra: zanak’ondry roa izay samy herintaona avy sady tsy misy kilema sy lafarinina tsara toto enina kilao nofetaina tamin’ny menaka mbamin’ny fanatitra divay momba azy.

Dikateny Iombonana Eto Madagasikara

⁹ «Amin’ny andro sabata kosa dia izao no hatolotra: zanak’ondry roa izay samy herintaona avy sady tsy misy kilema sy lafarinina tsara toto enina kilao nofetaina tamin’ny menaka mbamin’ny fanatitra divay momba azy.

Baiboly Protestanta Malagasy

⁹ Ary amin’ny andro Sabata kosa dia izao no atero: zanak’ondry roa izay iray taona sady tsy misy kilema, ary koba tsara toto roa ampahafolon’ny efaha voaharo diloilo ho fanatitra hohanina ary ny fanatitra aidina momba azy.

Malagasy Bible

⁹ Ary amin'ny andro Sabata kosa dia izao no atero: zanak'ondry roa izay iray taona'sady tsy misy kilema, ary koba tsara toto roa ampahafolon'ny efaha voaharo diloilo ho fanatitra hohanina ary ny fanatitra aidina momba azy.

La Bible en Malgache

⁹ Amin’ny andro Sabata kosa dia izao no hatolotrao: Zanak’ondry roa, izay iray taona avy sady tsy misy kilema, miampy koba tsara toto roa ampahafolon’ny efaha*, voaharo diloilo, ho fanatitra avy amin’ny zavamaniry; ampombaina azy ireo ny fanatitra aidina.

Nomery 28:9 Rohy Ifampitohizana

2Mpanjaka 4:23

Fa hoy ny lahy: «Nahoana no hankanesanao any anio? Tsy tsinam-bolana izao, tsy andro sabata akory?» Dia hoy ny navalin-dravehivavy: «Aza manana ahiahy.»

2Tantara 2:3

Fa indro aho manangana trano ho an’ny Anaran’i Iaveh Andriamanitrao, izay hohamasiniko ho Azy, mba handoroana zava-manitra tsara fofona eo anatrehany, hasiana ny mofo apetraka tsy tapaka, hanolorana ny sorona dorana ny maraina sy ny hariva, sy amin’ny sabata, ny voalohan’ny volana, ny fetin’i Iaveh Andriamanitray, araka ny lalàna voadidy harahin’i Israely mandrakizay.

2Tantara 2:4

Ny trano hataoko dia tsy maintsy ho lehibe, satria lehibe noho ny andriamanitra rehetra ny Andriamanitray.

2Tantara 8:13

Ka izay voadidin’ny lalàn’i Môizy dia nateriny isan’andro sy isan-tsabata; ary amin’ny voalohan’ny volana, sy amin’ny fety intelo isan-taona: dia ny fetin’ny azima, ny fetin’ny herinandro, ary ny fetin’ny tabernakla.

Isaia 58:13

Raha fadinao ny manitsakitsaka ny sabata, amin’ny fanaovana ny raharahanao amin’ny androko masina, raha ny sabata no antsoinao hoe: fahafinaretana, sy ny andro masin’i Iaveh hoe: mendrika hohajaina. Koa manajà azy amin’ny tsy fanarahana ny lalanao sy tsy fanaovana ny raharahanao, na ny teniteny foana;

Ezekiela 20:12

Nomeko azy koa ny sabatako ho famantarana amiko sy amin’izy ireo, mba hahalalany fa Izaho no Iaveh manamasina azy.

Ezekiela 46:4

Ny sorona dorana, haterin’ny mpanapaka ho an’i Iaveh amin’ny andro sabata, dia zanak’ondry tsy misy kilema, enina, sy ondralahy iray tsy misy kilema.

Nomery 28:10

Sorona dorana amin’ny sabata izany, atao isan-tsabata, manampy ny sorona dorana tsy tapaka, mbamin’ny fanatitra araraka momba azy.»

Nomery 28:8

Ny zanak’ondry iray haterina amin’ny àty takariva; hataonao toy ny nanaovana ny fanatitra tamin’ny maraina, mbamin’ny fanatitra araraka momba azy. Sorona atao amin’ny afo izany, ho hanitra mahafinaritra amin’i Iaveh.»

Apokalipsy 1:10

Notsindrian’ny Fanahy tamin’ny andron’ny Tompo aho, ka nandre feo mahery tao ivohoko, toy ny feon-trômpetra,