Nomery 19:7 - Baiboly Katolika

⁷ Dia hosasan’ny mpisorona ny fitafiany ary hampandroiny amin’ny rano ny tenany; manaraka izany, dia hiditra eo an-toby izy, ka haloto mandra-paharivan’ny andro.

Baiboly Protestanta Malagasy 2011

⁷ Dia hosasan’ny mpisorona ny fitafiany ary handro amin’ny rano izy; avy eo dia hankao amin’ny toby izy, nefa haloto mandra-paharivan’ny andro ilay mpisorona.

DIEM PROTESTANTA

⁷ Avy eo dia hanasa ny fitafiany ny mpisorona ary hampandro ny tenany, izay vao hiditra ao amin’ny toby; nefa mbola haloto mandra-paharivan’ny andro izy.

Dikateny Iombonana Eto Madagasikara

⁷ Avy eo dia hanasa ny fitafiany ny mpisorona ary hampandro ny tenany, izay vao hiditra ao amin’ny toby; nefa mbola haloto mandra-paharivan’ny andro izy.

Baiboly Protestanta Malagasy

⁷ Dia hosasan’ny mpisorona ny fitafiany, ary handro amin’ny rano izy, ary rehefa afaka izany, dia hankeo amin’ny toby izy; ary haloto mandra-paharivan’ny andro ny mpisorona.

Malagasy Bible

⁷ Dia hosasan'ny mpisorona ny fitafiany, ary handro amin'ny rano izy, ary rehefa afaka izany, dia hankeo amin'ny toby izy; ary haloto mandra-paharivan'ny andro ny mpisorona.

La Bible en Malgache

⁷ Dia hosasan’ny mpisorona ny fitafiany ary handro amin’ny rano izy; avy eo dia hankao amin’ny toby izy, nefa haloto mandra-paharivan’ny andro ilay mpisorona.

Nomery 19:7 Rohy Ifampitohizana

Levitikosy 11:24

«Izao koa no hahaloto anareo, ka na zovy na zovy no hikasika ny fatiny, dia haloto mandra-paharivan’ny andro;

Levitikosy 11:25

ary na zovy na zovy hitondra tapaky ny fatiny dia hanasa ny fitafiany sy haloto mandra-paharivan’ny andro.

Levitikosy 11:27

Amin’ny biby mandia tongotra efatra, izay mandeha amin’ny faladiany dia haloto aminareo, ka haloto mandra-pahariva ny andro izay rehetra mikasika ny fatiny;

Levitikosy 11:28

ary izay rehetra nitondra ny fatiny dia hanasa ny fitafiany sy haloto mandra-paharivan’ny andro. Ho zava-maloto aminareo ireo biby ireo.»

Levitikosy 11:31

Ireo no ho maloto aminareo amin’ny biby mandady; ka haloto mandra-paharivan’ny andro izay rehetra mikasika ny fatin’ireo.

Levitikosy 11:32

Haloto avokoa ny zavatra ilatsahan’ny fatin’ireo, na fanaka hazo, na fitafiana, na hoditra, na lasàka, na inona na inona zavatra ampiasaina; ka hapetraka ao anaty rano izany ary haloto mandra-paharivan’ny andro, vao hadio.

Levitikosy 11:39

Raha biby azonareo hanin-kena no maty, izay mikasika ny fatiny haloto mandra-paharivan’ny andro,

Levitikosy 11:40

ary izay mihinana ny fatiny, hanasa ny fitafiany sy haloto mandra-paharivan’ny andro; izay hitondra ny fatiny dia hanasa ny fitafiany sy haloto mandra-paharivan’ny andro.

Levitikosy 14:46

Izay niditra tao an-trano mandritra ny fotoana nilazana azy hoe mihidy, dia haloto mandra-paharivan’ny andro.

Levitikosy 15:5

Izay mikasika ny fandriany dia hanasa ny fitafiany sy handro amin’ny rano ary haloto mandra-paharivan’ny andro.

Levitikosy 22:6

haloto mandra-paharivan’ny andro izay nikasika ireo zavatra ireo, ka tsy hihinana ny zava-masina, handro amin’ny rano izy,

Nomery 19:10

Izay nanangona ny lavenon’ny ombivavy dia hanasa ny lambany, ary haloto mandra-paharivan’ny andro. Lalàna mandrakizay izany ho an’ny zanak’i Israely sy ho an’ny vahiny mitoetra eo aminy.»

Nomery 19:19

Ny olona madio no hamafy amin’izay maloto, amin’ny andro fahatelo sy amin’ny andro fahafito, ka hanala ny otany amin’ny andro fahafito. Dia hanasa ny fitafiany sy handro amin’ny rano ilay maloto, ka hadio rehefa hariva.

Nomery 19:21

Lalàna mandrakizay ho azy ireo izany. Izay mamafy ny rano manafaka ny loto, dia hanasa ny fitafiany; ary izay mikasika ny rano manafaka ny loto, dia haloto mandra-paharivan’ny andro.

Nomery 19:22

Ny zavatra rehetra kasihin’izay maloto, dia haloto, ary ny olona mikasika azy, dia haloto mandra-paharivan’ny andro.

Nomery 19:8

Izay nandoro ny omby dia hanasa ny fitafiany amin’ny rano, ary hampandro ny tenany amin’ny rano, ary haloto mandra-paharivan’ny andro.

Hebreo 13:11

Satria izay biby entin’ny mpisorom-be ao amin’ny fitoerana masina ny rany, hatao fanatitra noho ny ota, dia dorana any ivelan’ny toby ny fatiny.