Nomery 18:20 - Baiboly Katolika

²⁰ Ary hoy i Iaveh tamin’i Aarôna: «Tsy mba hanan-dova eo amin’ny taniny ianao, ary tsy mba hisy izay ho anjaranao eo afovoan’izy ireo; fa Izaho no anjaranao sy lovanao eo afovoan’ny zanak’i Israely.

Baiboly Protestanta Malagasy 2011

²⁰ Ary hoy NY TOMPO tamin’i Arona: Tsy mba hanana lova eo amin’ny tanin’ireo ianao sady tsy mba hanana anjara eo aminy; Izaho no anjaranao sy lovanao eo anivon’ny Zanak’Israely.

DIEM PROTESTANTA

²⁰ Dia hoy indray ny TOMPO tamin’i Aharôna: –Tsy mba hahazo fananana sy anjara ianao eo amin’ny tanin’ireo Israelita, fa Izaho no anjaranao sy fanananao eo anivon’ny Israelita hafa.

Dikateny Iombonana Eto Madagasikara

²⁰ Dia hoy indray ny TOMPO tamin’i Aharôna: –Tsy mba hahazo fananana sy anjara ianao eo amin’ny tanin’ireo Israelita, fa Izaho no anjaranao sy fanananao eo anivon’ny Israelita hafa.

Baiboly Protestanta Malagasy

²⁰ Ary hoy Jehovah tamin’i Arona: Tsy mba hanana lova eo amin’ny tany hianao sady tsy mba hanana anjara eo aminy; Izaho no anjaranao sy lovanao eo amin’ny Zanak’Isiraely.

Malagasy Bible

²⁰ Ary hoy Jehovah tamin'i Arona: Tsy mba hanana lova eo amin'ny tany ianao sady tsy mba hanana anjara eo aminy; Izaho no anjaranao sy lovanao eo amin'ny Zanak'Isiraely.

La Bible en Malgache

²⁰ Ary hoy NY TOMPO tamin’i Arona: Tsy mba hanana lova eo amin’ny tanin’ireo ianao sady tsy mba hanana anjara eo aminy; Izaho no anjaranao sy lovanao eo anivon’ny Zanak’Israely.

Nomery 18:20 Rohy Ifampitohizana

Genesisy 15:1

Taorian’izany, tonga tamin’i Abrama tamin’ny fahitana ny tenin’i Iaveh nanao hoe: «Aza matahotra, ry Abrama, fa Izaho no ampinganao ary ho lehibe indrindra ny valisoanao.»

Salamo 142:5

Topazo maso eo ankavanana ka zahao: tsy misy mahalala ahy akory; ny fialofako tsy misy velively, tsy ahoan’ny olona akory ny aiko.

Salamo 16:5

I Iaveh no anjara lovako aman-kapoakako; Ianao no miantoka ny anjarako.

Salamo 73:26

Torana ny nofoko sy ny foko: ny vatolampin’ny foko sy anjarako dia Andriamanitra mandrakizay doria.

Fitomaniana 3:24

I Iaveh no anjarako, hoy ny fanahiko, koa Izy no hanantenako.

Ezekiela 44:28

Izao no lova ho azy ireo: Izaho no ho lovany; tsy homenareo zaratany eo amin’i Israely izy; fa Izaho no ho anjarany.

Nomery 18:7

Ianao sy ny zanakao miaraka aminao hanatanteraka ny raharaham-pisoronanareo amin’ny zavatra rehetra momba ny ôtely, mbamin’izay rehetra ao anatin’ny efitra lamba. Izany no raharaha hataonareo. Raharaha azo maimaim-poana no anomezako anareo ny fisoronanareo. Izay olon-kafa manakaiky hatao maty.»

Nomery 26:62

Ny lahy rehetra hatramin’ny iray volana no ho miakatra voaisa tamin’izy ireo dia 23.000. Fa tsy mba anatin’ny voaisa tamin’ny zanak’i Israely izy ireo, satria tsy mba nomena zaratany teo afovoan’ny zanak’i Israely.

Deoteronomia 10:9

Izany no tsy mba hananan’i Levỳ zaratany na lova eo amin’ny rahalahiny, fa i Iaveh no lovany, araka ny voalazan’i Iaveh Andriamanitrao taminy.

Deoteronomia 12:12

Dia hifaly eo anatrehan’i Iaveh Andriamanitrareo ianareo sy ny zanakareo lahy mbamin’ny zanakareo vavy, ary ny ankizy lahy aman’ankizy vavinareo, mbamin’ny Levita izay anatin’ny vavahadinareo, satria tsy mba niara-nandray anjara na lova taminareo izy.

Deoteronomia 14:27

Aza manary ny Levita izay ao anatin’ny vavahadinao, fa tsy mba manana anjara na lova eo aminao izy.

Deoteronomia 14:29

Ka aoka ho avy amin’izay ny Levita izay tsy mba manana anjara na lova eo aminao, mbamin’ny vahiny sy ny kamboty ama-mpitondratena izay ao anatin’ny vavahadinao, dia hihinana izy, ka hivoky, mba hanambinan’i Iaveh Andriamanitrao anao amin’ny asa rehetra ataon’ny tananao.

Josoa 13:14

Ny fokon’i Levì tokana no tsy mba nomen’i Môizy lova, fa ny sorona atao amin’ny afo ho an’i Iaveh Andriamanitr’i Israely no lovany araka ny voalazany taminy.

Josoa 13:33

Tsy mba nomen’i Môizy lova ny fokon’i Levì, fa i Iaveh Andriamanitr’i Israely no lovany, araka ny voalazany taminy.

Josoa 14:3

fa ny foko roa sy ny antsasa-poko efa nomen’i Môizy lova tany an-dafin’i Jordany, fa tsy mba nomeny lova teo amin’izy ireo ny Levita.

Josoa 18:7

Fa ny Levita dia tsy mba hanana anjara, ary I Gada sy i Robena mbamin’ny antsasaky ny fokon’i Manase dia efa nahazo ny lovany tany an-dafin’i Jordany any atsinanana, izay nomen’i Môizy mpanompon’i Iaveh azy.»

Apokalipsy 21:3

Ary inay nisy feo mahery reko avy ao amin’ny seza fiandrianana nanao hoe: «Indro ny tranolain’Andriamanitra tonga eny amin’ny olona, ary Izy hiara-monina amin’izy ireo. Izy ireo moa ho vahoakany, ary Izy Andriamanitra mitoetra eny aminy kosa, ho Andriamanitr’izy ireo.