Nomery 13:31 - Baiboly Katolika

³¹ Nefa hoy kosa ireto olona niara-niakatra taminy: «Tsy manan-kery isika hananika izany vahoaka izany, fa mahery noho isika izy.»

Baiboly Protestanta Malagasy 2011

³¹ Fa hoy kosa ireo lehilahy izay niara-niakatra taminy: Tsy afa-miakatra handresy ireo olona ireo isika satria mahery noho isika izy.

DIEM PROTESTANTA

³¹ Ireo olona niara-niakatra tamin’i Kaleba kosa nanao hoe: –Tsy afaka manafika ireo olona ireo isika fa mahery lavitra noho isika izy.

Dikateny Iombonana Eto Madagasikara

³¹ Ireo olona niara-niakatra tamin’i Kaleba kosa nanao hoe: –Tsy afaka manafika ireo olona ireo isika fa mahery lavitra noho isika izy.

Baiboly Protestanta Malagasy

³¹ Fa hoy kosa ny lehilahy izay niara-niakatra taminy: Tsy mahazo miakatra handresy ny olona isika; fa mahery noho isika izy.

Malagasy Bible

³¹ Fa hoy kosa ny lehilahy izay niara-niakatra taminy: Tsy mahazo miakatra handresy ny olona isika; fa mahery noho isika izy.

La Bible en Malgache

³¹ Fa hoy kosa ireo lehilahy izay niara-niakatra taminy: Tsy afa-miakatra handresy ireo olona ireo isika satria mahery noho isika izy.

Nomery 13:31 Rohy Ifampitohizana

Nomery 13:30

Fa i Kaleba nampangina ny vahoaka ny amin’i Môizy: «Andeha isika, hoy izy, hiakatra haka ny tany fa mety ho lasantsika tokoa izy.»

Nomery 32:7

Nahoana ianareo no mampipetraka ny zanak’i Israely tsy hankany amin’ny tany omen’i Iaveh azy?

Nomery 32:9

Niakatra hatrany an-dohasahan’i Eskôla izy ary nahita ny tany, dia nampiketraka ny zanak’i Israely tsy hiditra any amin’ny tany omen’i Iaveh azy.

Deoteronomia 1:28

Aiza no hiakarantsika? Fa efa nahaosa ny fontsika loatra ny nilazan’ny rahalahintsika hoe: Ny firenena ao, dia sady vaventy no lava noho isika, ny tanàna lehibe, ary avo manakatra ny lanitra ny mandany; ary ny taranaky ny Enakima aza efa hitanay tany.

Deoteronomia 9:1

Mihainoa, ry Israely. Ndeha hita an’i Jordany ianao izao, ary handroso haka firenena lehibe sy mahery noho ianao, tanàna lehibe misy manda manakatra ny lanitra.

Hebreo 3:19

Ka dia hitantsika fa tsy nahazo niditra tokoa izy ireo noho ny tsy finoany.

Josoa 14:8

Ireo rahalahiko niara-niakatra tamiko dia nanaketraka ny fon’ny olona; fa izaho kosa nanaraka an-tsakany sy an-davany an’i Iaveh Andriamanitro;

1Samoela 17:33

Fa hoy i Saola tamin’i Davida: «Tsy azonao atao ny mandroso hihaona amin’io Filistinina io mba hiady aminy, fa ianao mbola zaza, izy efa lehilahy mpiady hatramin’ny fahatanorany».