Nehemia 9:34 - Baiboly Katolika

³⁴ ny mpanjakanay, ny lehibenay, ny mpisoronay ary ny razanay dia samy tsy nanaraka ny lalànao, ka tsy nasiany raharaha ny didinao sy ny teny niampanganao azy.

Baiboly Protestanta Malagasy 2011

³⁴ ary ny mpanjakanay sy ny mpanapaka anay, mbamin’ny mpisorona sy ny razanay, dia samy tsy nankatò ny lalànanao, samy tsy nihaino ny didinao sy ny teny vavolombelonao izay nananaranao azy mafy.

DIEM PROTESTANTA

³⁴ Ny mpanjakanay sy mpanapaka anay ary ny mpisoronay sy ny razanay dia samy tsy nanatanteraka ny lalànao, ary tsy niraharaha ny didinao sy ny fananarana nataonao taminy.

Dikateny Iombonana Eto Madagasikara

³⁴ Ny mpanjakanay sy mpanapaka anay ary ny mpisoronay sy ny razanay dia samy tsy nanatanteraka ny lalànao, ary tsy niraharaha ny didinao sy ny fananarana nataonao taminy.

Baiboly Protestanta Malagasy

³⁴ ary ny mpanjakanay sy ny mpanapaka anay sy ny mpisoronay ary ny razanay dia samy tsy nankatò ny lalànao, na nihaino ny didinao sy ny teni-vavolombelonao, izay nananaranao azy mafy.

Malagasy Bible

³⁴ ary ny mpanjakanay sy ny mpanapaka anay sy ny mpisoronay ary ny razanay dia samy tsy nankato ny lalànao, na nihaino ny didinao sy ny teni-vavolombelonao, izay nananaranao azy mafy.

La Bible en Malgache

³⁴ ary ny mpanjakanay sy ny mpanapaka anay, mbamin’ny mpisorona sy ny razanay, dia samy tsy nankatò ny lalànanao, samy tsy nihaino ny didinao sy ny teny vavolombelonao izay nananaranao azy mafy.

Nehemia 9:34 Rohy Ifampitohizana

2Mpanjaka 17:13

Nitsangan-ko vavolombelona anefa i Iaveh tamin’ny alalan’ny mpaminany sy ny mpahitany niampanga an’i Israely sy i Jodà nanao hoe: «Miverena avy amin’ny lalan-dratsinareo, ka tandremo ny didy amam-pitsipiko, amim-panarahana ny lalàna manontolo, nandidiako ny razanareo sy nampitondraiko ny mpaminany mpanompoko, ho any aminareo.»

2Mpanjaka 17:15

Nolaviny ny lalàny amam-panekempihavanana nataony tamin’ireo razany mbamin’ny teny vavolombelona niampangany azy ireo. Nandeha nanaraka zavatra tsinontsinona izy, ka niraiki-po tamin’ny zava-poana, tahaka ireo firenena manodidina azy, izay noraran’i Iaveh tsy halainy tahaka.

2Tantara 29:6

Fa nanota ny razantsika, nanao izay ratsy eo imason’i Iaveh Andriamanitsika izy, nahafoy Azy izy, nihodina tsy hanatrika ny fonenan’i Iaveh izy, ary niamboho Azy izy.

Ezra 9:10

Koa ankehitriny, ry Andriamanitra ô, ahoana no holazainay manaraka izany? Fa efa nahafoy ny didinao izahay;

Nehemia 9:30

Dia mbola nandefitra taona maro ihany Ianao; ny fanahinao, ny vavan’ny mpaminaninao no nentinao ho vavolombelona namely azy, fa tsy nihaino izy. Tamin’izay dia natolotrao ho eo an-tanan’ny vahoakan’ny tany izy.

Nehemia 9:33

Marina Ianao tamin’izany rehetra nanjò anay izany, satria Ianao nanaraka ny marina, izahay kosa nanao ratsy;

Nehemia 9:35

Teo anatin’ny fanjakany, tao afovoan’ny soa be nataonao taminy, ary teo amin’ny tany malalaka sady lonaka natolotrao azy, tsy mba nanompo Anao izy na niala tamin’ny ratsy fanaony.

Jeremia 29:19

satria izy ireo tsy nihaino ny teniko, - teny marin’i Iaveh, - nefa naniraka ny mpaminany mpanompoko tamin’izy ireo Aho, naniraka azy hatramin’ny vao maraina, nefa tsy nohenoinareo, - teny marin’i Iaveh. -

Jeremia 44:17

Fa ny teny rehetra naloakan’ny vavany, dia tsy maintsy tanterahinay tokoa tokoa, amin’ny fanaterana emboka manitra amin’ny Mpanjaka vavin’ny lanitra, amin’ny fandraràhana fanatitra araraka ho azy, araka ny efa nataonay, dia izahay sy ny razanay ary ny mpanjakany ama-mpifehy anay tany amin’ny tanin’i Jodà sy teny an-dalamben’i Jerosalema. Tamin’izay, izahay voky hanina, niadana ary tsy nahita loza.

Jeremia 44:4

Efa naniraka ny mpaminany mpanompoko rehetra taminareo Aho, sady naniraka azy hatramin’ny vao maraina, hilaza aminareo hoe: «Aza dia manao izany fahavetavetana hàlako izany ianareo.»

Ezekiela 5:6

Noho ny haratsiany anefa, nanohitra ny didiko mihoatra noho ny firenena izy, sy ny lalàko mihoatra noho ny tany manodidina azy, satria nanary ny didiko izy, ary tsy nandeha araka ny l?lako.

Deoteronomia 31:21

Koa rehefa hidiran-doza amam-pahoriana be izy, dia izao tononkira izao no ho vavolombelona hiampanga azy, fa tsy ho very tadidy, tsy ho afaka am-bavan’ny taranany izao. Satria efa fantatro izay saina eo aminy hatramin’ny ankehitriny, na dia alohan’ny hampidirako azy any amin’ny tany nampanantenaiko tamim-pianianana aza».