Nehemia 9:13 - Baiboly Katolika

¹³ Nidina tany an-tendrombohitra Sinaia Ianao, ka niteny tamin’izy ireo, avy any ambonin’ny lanitra, ary nanome azy fitsipika mahitsy, lalàm-pahamarinana, lalàna aman-didy lavorary.

Baiboly Protestanta Malagasy 2011

¹³ Nidina tao ambonin’ny tendrombohitra Sinay Ianao dia niteny taminy avy any an-danitra ka nanome azy fitsipika mahitsy sy lalàna marina ary fomba sy didy tsara.

DIEM PROTESTANTA

¹³ Nidina avy tany an-danitra Ianao dia niteny tamin’ny razanay teo an-tendrombohitra Sinay ary nanome azy fitsipika mahitsy sy lalàna marina ary fepetra sy didy lavorary.

Dikateny Iombonana Eto Madagasikara

¹³ Nidina avy tany an-danitra Ianao dia niteny tamin’ny razanay teo an-tendrombohitra Sinay ary nanome azy fitsipika mahitsy sy lalàna marina ary fepetra sy didy lavorary.

Baiboly Protestanta Malagasy

¹³ Efa nidina tao ambonin’ny tendrombohitra Sinay Hianao, dia niteny taminy tany an-danitra ka nanome azy fitsipika mahitsy sy lalàna marina ary fomba sy didy tsara.

Malagasy Bible

¹³ Efa nidina tao ambonin'ny tendrombohitra Sinay Hianao, dia niteny taminy tany an-danitra ka nanome azy fitsipika mahitsy sy lalana marina ary fomba sy didy tsara.

La Bible en Malgache

¹³ Nidina tao ambonin’ny tendrombohitra Sinay Ianao dia niteny taminy avy any an-danitra ka nanome azy fitsipika mahitsy sy lalàna marina ary fomba sy didy tsara.

Nehemia 9:13 Rohy Ifampitohizana

2Mpanjaka 17:37

Tandremo ny didy amam-pitsipiny, mbamin’ny lalàny aman-didy nosoratany ho anareo, araho mandrakariva izany, ary aza matahotra andriamani-kafa.

Ezra 7:6

niakatra avy any Babilôna io Esdrasa io. Ary satria nomba azy ny tanan’i Iaveh Andriamaniny, dia nomen’ny mpanjaka azy avokoa izay rehetra nangatahiny.

Salamo 119:137

Marina Ianao, ry Iaveh, ary araka ny rariny ny fitsarànao.

Salamo 119:160

Fahamarinana no tontalin-kevitry ny teninao, ary mandrakizay avokoa ny lalàn’ny fahamarinanao.

Salamo 119:4

Efa namoaka ny didinao ianao; mba hitandreman’ny olona azy tsara.

Eksodosy 16:23

«Izany no nasain’i Iaveh atao, andro fitsaharana rahampitso, andro sabata, voatokana ho an’i Iaveh; ka endaso amin’ny lafaoro izay hendasinareo, andrahoy izay handrahoinareo, ary tahirizo ny sisa rehetra, avelao ho ampitso maraina».

Eksodosy 19:11

Aoka ho voaomana amin’ny andro fahatelo izy, fa hidina eo an-tampon’ny tendrombohitra Sinaia, eo imason’ny vahoaka rehetra i Iaveh, amin’ny andro fahatelo.

Eksodosy 20:1

Ary Andriamanitra nanonona ireto teny rehetra ireto nanao hoe:

Eksodosy 20:22

Ary hoy i Iaveh tamin’i Môizy: «Hilaza amin’ny zanak’i Israely ianao hanao hoe: Efa nahita ianareo izay, fa niteny taminareo Aho tany an-danitra.

Isaia 64:1

Tahaka ny afo mampirehitra ny hazo maina, tahaka ny afo mampangotraka ny rano; mba hampahafantaranao ny fahavalonao, ny Anaranao, ka hangovitan’ny firenena eo anatrehanao,

Isaia 64:3

zavatra izay mbola tsy re tsaika akory! Tsy mbola nisy sofina nandre, tsy nisy maso nahita, izay andriamanitra hafa manao toy izany, ho an’ny manantena azy, afa-tsy Ianao.

Habakoka 3:3

Tamy avy any Temàna Andriamanitra, ary avy any an-tendrombohitra Faràna ilay Masina (Selà). Nanarona ny lanitra ny fiandrianany; ary nameno ny tany ny voninahiny.

Romana 7:16

Koa rehefa ny tsy tiako no ataoko, dia miaiky aho fa tsara ny Lalàna.

Deoteronomia 33:2

Hoy izy: «Tonga avy tany Sinaia i Iaveh, niposaka ho azy ireo avy any Seira Izy; namirapiratra avy ao an-tendrombohitra Faràna Izy, ary nivoaka teo afovoan’ny masina tsy omby alinalina; ary nitselatra ho azy ireo avy eo ankavanany ny tsirim-pahazavana.

Deoteronomia 4:33

Vahoaka aiza no efa nandre ny feon’Andriamanitra niteny tao anatin’ny afo toy ny efa renareo, ka mbola velona ihany izy?

Deoteronomia 4:36

Nampandre anao ny feony avy any an-danitra hampianatra anao Izy, sy nampiseho anao ny afony lehibe teto an-tany; ary nandre ny teniny tao anatin’ny afo ianao.

Deoteronomia 4:8

Ary zovy no firenen-dehibe manan-didy amam-pitsipika marina, toy izao lalàna ataoko eo anoloanareo anio izao?»

Deoteronomia 5:4

Niteny nifanatrika taminareo tany an-tendrombohitra i Iaveh tao anatin’ny afo,