Nehemia 5:13 - Baiboly Katolika

¹³ Ka sady nanakopaka ny kapaotiko aho no nilaza hoe: «Hakopak’Andriamanitra toy izao anie ny olona rehetra tsy mahatanteraka izany teny izany, ho eo ivelan’ny tranony amam-pananany, ka dia ho voakopaka sy ho avela tsy manana na inona na inona izy.» Dia indray namaly ny fiangonana nanao hoe: «Amen», sady nidera an’Andriamanitra; ary notanterahin’ny vahoaka tokoa izany teny izany.

Baiboly Protestanta Malagasy 2011

¹³ Dia nanakopaka ny paosin’akanjoko aho sady niteny hoe: Ho tahaka izany anie no hanakopahan’Andriamanitra hiala amin’ny tranony sy ny vokatry ny asany ny olona rehetra izay tsy mahatanteraka ny teny natao; eny, hakopaka ka hofoanana tahaka izany anie izy. Ary hoy ny fiangonana manontolo hoe: Amena; sady nidera NY TOMPO izy. Dia nanatanteraka izany teny izany ny olona.

DIEM PROTESTANTA

¹³ Avy eo aho dia nanakopaka ny lambako sady niteny hoe: –Ho tahaka izany anie no hanakopahan’Andriamanitra ny olona rehetra izay tsy hahatanteraka izany toky nomena izany! Eny, ho voakopaka hiala amin’ny tranony sy ny fananany anie izy, ka ho tavela tsy hanana na inona na inona! Dia ny fivoriam-be no indray namaly hoe «Amen» sady nidera ny TOMPO; ary nanao araka izany toky nomena izany tokoa ny olona.

Dikateny Iombonana Eto Madagasikara

¹³ Avy eo aho dia nanakopaka ny lambako sady niteny hoe: –Ho tahaka izany anie no hanakopahan’Andriamanitra ny olona rehetra izay tsy hahatanteraka izany toky nomena izany! Eny, ho voakopaka hiala amin’ny tranony sy ny fananany anie izy, ka ho tavela tsy hanana na inona na inona! Dia ny fivoriam-be no indray namaly hoe «Amen» sady nidera ny TOMPO; ary nanao araka izany toky nomena izany tokoa ny olona.

Baiboly Protestanta Malagasy

¹³ sady nanakopaka ny lambako teo am-pofoako aho ka nanao hoe: Ho tahaka izany anie no hanakopahan’Andriamanitra ny olona rehetra izay tsy mahatanteraka izany teny izany hiala amin’ny tranony sy ny vokatry ny asany; eny, hakopaka ka hofoanana tahaka izany anie izy. Ary ny fiangonana rehetra nanao hoe: Amena; sady nidera an’i Jehovah izy. Ary dia nanao araka izany teny izany ny olona.

Malagasy Bible

¹³ sady nanakopaka ny lambako teo am-pofoako aho ka nanao hoe: Ho tahaka izany anie no hanakopahan'Andriamanitra ny olona rehetra izay tsy mahantanteraka izany teny izany hiala amin'ny tranony sy ny vokatry ny asany; eny, hakopaka ka hofoanana tahaka izany anie izy. Ary ny fiangonana rehetra nanao hoe: Amena; sady nidera an'i Jehovah izy. Ary dia nanao araka izany teny izany ny olona.

La Bible en Malgache

¹³ Dia nanakopaka ny paosin’akanjoko aho sady niteny hoe: Ho tahaka izany anie no hanakopahan’Andriamanitra hiala amin’ny tranony sy ny vokatry ny asany ny olona rehetra izay tsy mahatanteraka ny teny natao; eny, hakopaka ka hofoanana tahaka izany anie izy. Ary hoy ny fiangonana manontolo hoe: Amena*; sady nidera NY TOMPO izy. Dia nanatanteraka izany teny izany ny olona.

Nehemia 5:13 Rohy Ifampitohizana

2Mpanjaka 23:3

Nitsangana teo amin’ny lampihazo ny mpanjaka, ka nanao ny fanekem-pihavanana teo anatrehan’i Iaveh, nanaiky hanaraka an’i Iaveh sy hitandrina ny didy amam-pitsipiny ary ny lalàny, amin’ny fony rehetra sy amin’ny fanahiny rehetra, amin’ny fankatoavana ny tenin’izany fanekena izany, izay voasoratra ao amin’io boky io. Ary nankatò izany koa ny vahoaka rehetra.

1Tantara 16:36

Hisaorana anie i Iaveh Andriamanitr’i Israely, Hatramin’ny mandrakizay, ka ho mandrakizay.» Ary ny vahoaka rehetra nanao hoe: «Amen!» sy hoe: «Miderà an’i Iaveh!»

Nehemia 8:6

Nisaotra an’i Iaveh Andriamanitra lehibe i Esdrasa, dia nanandra-tanana ny vahoaka rehetra namaly hoe: «Amen, Amen!» Sady niondrika sy niankohoka tamin’ny tany teo anatrehan’i Iaveh izy ireo.

Salamo 119:106

Efa nianiana aho, ary tsy hivadika amin’izany, fa hitandrina ny didim-pahamarinanao.

Salamo 50:14

Ny fisaorana no atero ho sorona ho an’Andriamanitra, ary efao amin’ny Avo indrindra ny voadinao.

Salamo 76:11

Ka dia hody voninahitra ny fisafoaky ny olombelona, sy ny sisam-pahatezerany.

Ohabolana 28:4

Ny mahafoy ny lalàna, mandoka ny ratsy fanahy; fa ny manara-dalàna kosa mitezitra aminy.

Mpitoriteny 5:5

Aza avela hampanota ny nofonao, ny vavanao; ary aza milaza eo anatrehan’ny irak’Andriamanitra hoe: zavatra tsy nahy izany: fa nahoana moa Andriamanitra no ho tezitra ny amin’ny teninao, ka handrava ny asan’ny tananao?

Nomery 5:22

ary aoka ity rano mitondra ozona ity no hiditra ao an-kibonao, ka hampivonto ny kibonao sy hampifezaka ny ilanao.› Dia hiteny ravehivavy hanao hoe: ‹Amen, amen.›

Matio 10:14

Ary raha misy tsy mampiantrano anareo na tsy mihaino ny teninareo, dia mialà amin’izany trano izany, na amin’izany tanàna izany, ka ahintsano ny vovoka amin’ny tongotrareo.

Asan’ny Apostoly 13:51

Tamin’izay, izy roa lahy nanintsana ny vovoka tamin’ny tongony hiampanga an’ireo, dia lasa nankany Ikonioma,

Asan’ny Apostoly 18:6

Ary noho izy notoherin’ny Jody sy notevatevainy, dia nakopany ny lambany, ka hoy izy tamin’ireo: «Aoka ho eo amin’ny lohanareo ny ranareo, fa afa-tsiny aho, ary hatramin’izao dia any amin’ny Jentily no halehako.»

1Korintiana 14:16

Fa raha mivavaka amin’ny fanahy fotsiny ianao, hataon’ny ankapobem-piangonana ahoana no famaly «Amen» ny fisaoranao, nefa tsy fantany akory izay lazainao?

1Samoela 15:28

Dia hoy i Samoela taminy: «Efa notriarin’i Iaveh ho afaka aminao androany ny fanjakan’i Israely, ary efa nomeny ny namana akaikinao izay tsara noho ianao.