Nehemia 13:28 - Baiboly Katolika

²⁸ Ny iray amin’ny zanak’i Jôiadà, zanak’i Eliasiba mpisorona lehibe, dia vinantolahin’i Sanabalata, ka noroahiko hiala teo amiko.

Baiboly Protestanta Malagasy 2011

²⁸ Ary vinanton’i Sanibala horonita ny iray tamin’ny zanak’i Joiada, zanak’i Eliasiba, Mpisoronabe, dia noroahiko niala teo amiko izy.

DIEM PROTESTANTA

²⁸ Ny anankiray tamin’ny zanakalahin’i Jôiadà sady zafin’i Eliasiba mpisorombe dia vinantolahin’i Sanebalato ilay Hôrônita, ka dia noroahiko niala tao Jerosalema.

Dikateny Iombonana Eto Madagasikara

²⁸ Ny anankiray tamin’ny zanakalahin’i Jôiadà sady zafin’i Eliasiba mpisorombe dia vinantolahin’i Sanebalato ilay Hôrônita, ka dia noroahiko niala tao Jerosalema.

Baiboly Protestanta Malagasy

²⁸ Ary vinanton’i Sanbala Horonita ny anankiray tamin’ny zanak’i Joiada, zanak’i Eliasiba, mpisoronabe, ka dia noroahiko niala teo amiko izy.

Malagasy Bible

²⁸ Ary vinanton'i Sanbala Horonita ny anankiray amin'ny zanak'i Joiada, zanak'i Eliasiba, mpisoronabe, ka dia noroahiko niala teo amiko izy.

La Bible en Malgache

²⁸ Ary vinanton’i Sanibala horonita ny iray tamin’ny zanak’i Joiada, zanak’i Eliasiba, Mpisoronabe*, dia noroahiko niala teo amiko izy.

Nehemia 13:28 Rohy Ifampitohizana

Ezra 10:8

sady nanapa-kevitra ny lehibe sy ny loholona, fa na zovy na zovy tsy tonga ao anatin’ny hateloana, dia horobaina ny fananany ary hoesorina amin’ny fiangonan’ny zanaky ny fahababoana ny tenany.

Nehemia 12:10

I Josoe niteraka an’i Jôakima, i Jôakima niteraka an’i Eliasiba, i Eliasiba niteraka an’i Joiadà,

Nehemia 12:22

Tamin’ny andron’i Eliasiba, i Jôiadà, i Johanàna, ary i Jedoà, dia voasoratra avokoa ny Levita loham-pianakaviana sy ny mpisorona, tamin’ny nanjakan’i Dariosa ilay Persa.

Nehemia 13:25

Nasiako teny mafy izy ireo sy nozoniko; maro no nokapohiko, nombotako ny volony, ary nangataka nitalaho tamin’izy ireo aho, tamin’ny anaran’Andriamanitra, nanao hoe: «Ny zanakareo vavy, tsy homenareo ho vadin’ny zanany lahy, ary ny zanany vavy tsy halainareo ho vadin’ny zanakareo lahy, na ho vadinareo.»

Nehemia 2:10

Nony fantatr’i Sanabalata Hôrônita, sy i Tobia ilay mpanompo Amônita, izany, dia ratsy mihitsy ny heviny amin’ny hoe, nisy lehilahy tonga hikarakara izay hahasoa ny zanak’i Israely.

Nehemia 2:19

Nony nandre izany, i Sanabalata Hôrônita, sy i Tobia ilay mpanompo Amônita, ary i Gôsena Arabo, dia nanaraby sy naneso anay, nanao hoe: «Inona izato ataonareo ao? Hikomy amin’ny mpanjaka angaha ianareo?»

Nehemia 3:1

I Eliasiba mpisorona lehibe, mbamin’ireo mpisorona rahalahiny dia nanomboka nanorina ny vavahadin’ny Ondry, nanamasina azy izy, dia nandatsaka ny lela-vavahady; namboariny ny manda dia nohamasininy hatramin’ny tilikambon’i Meà, ka hatramin’ny tilikambon’i Hananeela.

Nehemia 4:1

Nisafoaky ny hatezerana avokoa anefa i Sanabalata, ny Arabo, ny Amônita ary ny Azôtianina, nony nandre fa hoe mandroso ny famboarana ny manda, ary efa mitampina miandalandalana ny banga,

Salamo 101:8

haripako isa-maraina ny ratsy fanahy rehetra amin’ny tany, mba hamongorako eo an-tanan’i Iaveh izay rehetra manao ratsy.

Ohabolana 20:26

Ny mpanjaka hendry manafoana ny ratsy fanahy, sy mandefa kodia eo ambonin’ireny.

Ohabolana 20:8

Ny mpanjaka mipetraka eo amin’ny seza fitsarana dia manafoana ny ratsy rehetra amin’ny fijeriny.