Mpitsara 7:22 - Baiboly Katolika

²² Izy telon-jato lahy moa nitsoka ny trômpetra; I Iaveh kosa nampifamely sabatra ny Madianita sy ny tao an-toby rehetra. Nandositra ny toby hatrany Bety-Seta mankany Sarera ka hatrany amin’ny sisin-tanin’i Abela-Mehôla akaikin’i Tebata.

Baiboly Protestanta Malagasy 2011

²² Dia nitsoka anjomara ny telonjato lahy ary nampifamelezin’NY TOMPO tamin’ny sabatra ny miaramila rehetra manerana ny toby, dia nandositra hatrany Bety-Sita izy ka hatrany Zereraha sy hatrany amin’ny sisin’i Abela-Mehola akaiky an’i Tabata.

DIEM PROTESTANTA

²² Ary raha nitsoka trompetra ireo telonjato lahy, dia nampifamonoan’ny TOMPO tamin’ny sabatra ny samy Midianita eran’ny toby manontolo. Ary izay sisa tsy maty dia nandositra hatrany Bety-Sità, an-dalana ho any Tseredà, sy hatrany an-tsisin’i Abela-Mehôlà, akaikin’i Tabata.

Dikateny Iombonana Eto Madagasikara

²² Ary raha nitsoka trompetra ireo telonjato lahy, dia nampifamonoan’ny TOMPO tamin’ny sabatra ny samy Midianita eran’ny toby manontolo. Ary izay sisa tsy maty dia nandositra hatrany Bety-Sità, an-dalana ho any Tseredà, sy hatrany an-tsisin’i Abela-Mehôlà, akaikin’i Tabata.

Baiboly Protestanta Malagasy

²² Dia nitsoka ny anjomara ny telon-jato lahy, ary nampifamelezin’i Jehovah tamin’ny sabatra ny miaramila eran’ny toby rehetra, dia nandositra hatrany Beti-sita izy ka hatrany Zereraha sy hatramin’ny fari-tanin’i Abela-mehola akaiky an’i Tabata.

Malagasy Bible

²² Dia nitsoka ny anjomara ny telon-jato lahy, ary nampifamelezin'i Jehovah tamin'ny sabatra ny miaramila eran'ny toby rehetra, dia nandositra hatrany Beti-sita izy ka hatrany Zereraha sy hatramin'ny fari-tanin'i Abela-mehola akaiky an'i Tabata.

La Bible en Malgache

²² Dia nitsoka anjomara ny telonjato lahy ary nampifamelezin’NY TOMPO tamin’ny sabatra ny miaramila rehetra manerana ny toby, dia nandositra hatrany Bety-Sita izy ka hatrany Zereraha sy hatrany amin’ny sisin’i Abela-Mehola akaiky an’i Tabata.

Mpitsara 7:22 Rohy Ifampitohizana

1Mpanjaka 19:16

hosory ho mpanjakan’i Israely i Jehoa, zanak’i Namsì, ary hosory ho mpaminany handimby anao i Elisea, zanak’i Safata, avy any Abela Mehôlà.

1Mpanjaka 4:12

Banà, zanak’i Ahiloda; azy avokoa i Tanàka sy i Magedao ary i Betsàna rehetra, akaikin’i Sartàna, eo ambanin’i Jezraela, hatrany Betsàna, ka hatrany Abelmehôla, hatrany ambadik’i Jekimaana;

2Tantara 20:23

Ny taranak’i Amôna sy i Moaba nitsangana nanohitra ny mponina any an-tendrombohitra Seira hamono sy handringana an’ireo; nony tapitra naringana ny mponina any an-tendrombohitra Seira dia izy samy izy indray no nifanampy nifandringana.

Salamo 83:9

I Asora koa mikambana amin’izy ireo, ka manampy ny taranak’i Lôta. - Selà

Isaia 19:2

Hamporisika an’i Ejipta hamely an’i Ejipta Aho, ka hiady izy ireo, ny rahalahy amin’ny rahalahy, ary ny sakaiza amin’ny sakaiza, ny tanàna amin’ny tanàna, ary ny fanjakana amin’ny fanjakana.

Isaia 9:3

Satria ny jioga nanavesatra azy, ny tsora-kazo nikapohana ny lamosiny, ny tehin’ny mpitoroka azy, dia samy notapahinao, toy ny tamin’ny andron’i Madiàna.

Isaia 9:4

Ny kapan’ny mpiady rehetra tamin’ny fikatrohana mbamin’ny kapaoty nihosin-dra rehetra, dia atao anatin’ny afo: ka levon’ny afo.

Ezekiela 38:21

Hiantso sabatra hamely azy eny amin’ny tendrombohitra rehetra eny Aho, - teny marin’ny Tompo Iaveh, - ka samy hamotitra ny sabany hamely ny rahalahiny avy izy.

Habakoka 3:14

Notrobaranao tamin’ny zana-tsipìkany ihany, ny lohan’ireo antokon’olony, izay nibosesika hamely ahy, tamim-panaovana hobin-kafaliana toy ny efa handevona ny ory ao amin’ny fierin’izy ireo.

Hagay 2:22

haongako ny seza fiandrianan’ny fanjakana, hofoanako ny herin’ny fanjakan’ny firenena; hazerako ny kalesy fiadiana mbamin’ny mpitaingina azy; ny soavaly mbamin’ny mpitaingina azy samy ho lavon’ny sabatry ny namany avy.

Zakaria 14:13

Amin’izany andro izany dia hisy zavatra toy izao: Avy amin’i Iaveh no hisian’ny fikorontanana lehibe eo amin’izy ireo, ka samy hisambotra ny tanan’ny rahalahiny avy ny olona, sady hanainga tanana hamely ny namany avy.

2Korintiana 4:7

Siny tany anefa no itondranay izany rakitra izany, mba hiharihary fa avy amin’Andriamanitra ny halehiben’ny herin’ny Evanjely, fa tsy avy aminay.

Josoa 3:16

dia nihandrona ny rano midina avy any ambony, ka niavosa hoatra ny antontan-javatra terỳ lavitra erỳ, akaikin’ny tanànan’i Adoma, izay anilan’i Sartàna, ary tapaka mihitsy ny midina mankany amin’ny Ranomasina Arabaha, dia ny Ranomasin-tSira, ka nita tandrifin’i Jerikô ny vahoaka.

Josoa 6:16

Nony tamin’ny fanimpitony raha nitsoka ny trômpetra ny mpisorona, dia hoy i Jôsoe tamin’ny vahoaka: «Manakorà, fa efa natolotr’i Iaveh anareo ny tanàna.»

Josoa 6:20

Dia nanakora ny vahoaka, ary nitsoka trômpetra ny mpisorona. Nony nandre ny feon’ny trômpetra ny vahoaka dia nanakora mafy dia mafy, ary nirodana ny manda; koa samy niakatra ny tanàna tamin’ny hitsiny avy ny vahoaka.

Josoa 6:4

Mpisorona fito no hitondra trômpetra fito mafy faneno eo alohan’ny fiara, ary amin’ny andro fahafito ianareo handeha manodidina impito ny tanàna, ary ny mpisorona hitsoka ny trômpetra.

1Samoela 18:19

Kanjo nony tonga ny fotoana tokony hanomezana an’i Meroba zanakavavin’i Saola, ho an’i Davida, dia nomena ho vadin’i Hadriela, any Molati, indray kosa izy.