Mpitsara 7:20 - Baiboly Katolika

²⁰ Niaraka tamin’izay, samy nitsoka ny trômpetra sy namaky ny sininy avy izy telo toko, ka ny tanany havia moa nihazona ny fanilo, ary ny havanana kosa ny trômpetra hotsofiny, dia niantso mafy izy nanao hoe: «Sabatra ho an’i Iaveh sy ho an’i Jedeôna».

Baiboly Protestanta Malagasy 2011

²⁰ Dia nitsoka anjomara avokoa ny telo toko sady namaky ny sininy ka nihazona ny fanilo teny an-tanany havia ary ny anjomara teny an-tanany havanana mba hotsofiny; dia niantso izy hoe: Ny sabatry NY TOMPO sy i Gideona!

DIEM PROTESTANTA

²⁰ Dia nanao toy izany koa ireo antokony roa hafa. Samy nihazona ny fanilo tamin’ny tanany havia izy rehetra ary nitana ny trompetra tamin’ny tanany havanana hitsofany azy; dia niantsoantso izy hoe: «Tafiho amin’izay, ho an’ny TOMPO sy ho an’i Gidehôna!»

Dikateny Iombonana Eto Madagasikara

²⁰ Dia nanao toy izany koa ireo antokony roa hafa. Samy nihazona ny fanilo tamin’ny tanany havia izy rehetra ary nitana ny trompetra tamin’ny tanany havanana hitsofany azy; dia niantsoantso izy hoe: «Tafiho amin’izay, ho an’ny TOMPO sy ho an’i Gidehôna!»

Baiboly Protestanta Malagasy

²⁰ Dia mba nitsoka ny anjomara avokoa ny telo toko sady namaky ny sininy, ka nihazona ny fanilo teny an-tànany ankavia ary ny anjomara teny an-tànany ankavanana mba hotsofiny; dia niantso hoe izy: Ny sabatr’i Jehovah sy Gideona!

Malagasy Bible

²⁰ Dia mba nitsoka ny anjomara avokoa ny telo toko sady namaky ny sininy, ka nihazona ny fanilo teny an-tànany ankavia ary ny anjomara teny an-tànany ankavanana mba hotsofiny; dia niantso hoe izy: Ny sabatr'i Jehovah sy Gideona!

La Bible en Malgache

²⁰ Dia nitsoka anjomara avokoa ny telo toko sady namaky ny sininy ka nihazona ny fanilo teny an-tanany havia ary ny anjomara teny an-tanany havanana mba hotsofiny; dia niantso izy hoe: Ny sabatry NY TOMPO sy i Gideona!

Mpitsara 7:20 Rohy Ifampitohizana

Isaia 27:13

Ary hisy zavatra toy izao amin’izany andro izany: haneno ny trômpetra lehibe, ka izay very tany amin’ny tanin’i Asora, mbamin’izay voasesitany, tany amin’ny tany Ejipta, dia hody ka hiankohoka eo anatrehan’i Iaveh, ao amin’ny tendrombohitra masina, ao Jerosalema.

Jeremia 47:6

Indrisy, ry sabatr’i Iaveh, mandra-pahoviana no tsy hanam-pitsaharana ianao? Midira indray ao amin’ny tranonao, miatoa ary mandria!

1Korintiana 15:52

Rehefa maneno ny trômpetra farany, fa hotsofina ny trômpetra, dia hitsangana miaraka amin’ny vava ny maty tsy ho lo intsony, ary hovana indray mipỳ maso monja isika.

2Korintiana 4:7

Siny tany anefa no itondranay izany rakitra izany, mba hiharihary fa avy amin’Andriamanitra ny halehiben’ny herin’ny Evanjely, fa tsy avy aminay.

1Tesaloniana 4:16

fa hisy baiko homena, sy feon’Arkanjely ary feon-trômpetran’Andriamanitra, dia hidina avy any an-danitra ny Tenan’Izy Tompo, ka izay maty tao amin’i Kristy no hitsangana aloha;

Hebreo 11:4

Ny finoana no nanoloran’i Abela tamin’Andriamanitra sorona tsaratsara kokoa noho ny an’i Kaina, sy nilazana azy hoe marina, fa nankatoavin’Andriamanitra ny fanatitra nataony; ary noho izany ihany koa, na dia maty aza izy, dia mbola miteny ihany.

Josoa 6:16

Nony tamin’ny fanimpitony raha nitsoka ny trômpetra ny mpisorona, dia hoy i Jôsoe tamin’ny vahoaka: «Manakorà, fa efa natolotr’i Iaveh anareo ny tanàna.»

Josoa 6:20

Dia nanakora ny vahoaka, ary nitsoka trômpetra ny mpisorona. Nony nandre ny feon’ny trômpetra ny vahoaka dia nanakora mafy dia mafy, ary nirodana ny manda; koa samy niakatra ny tanàna tamin’ny hitsiny avy ny vahoaka.

Josoa 6:4

Mpisorona fito no hitondra trômpetra fito mafy faneno eo alohan’ny fiara, ary amin’ny andro fahafito ianareo handeha manodidina impito ny tanàna, ary ny mpisorona hitsoka ny trômpetra.

2Petera 1:15

ka hanao izay zakako aho, mba hahatsiarovanareo izany zavatra izany mandrakariva rehefa lasa aho.

Mpitsara 7:19

Vao avy nosoloina ny mpiambina tamin’ny fiandohan’ny fotoam-piambenana misasaka alina no tonga tao amin’ny sisin’ny toby i Jedeôna sy izy zato lahy niaraka taminy, dia nitsoka trômpetra sy namaky ny siny teny an-tanany.

Mpitsara 7:21

Samy nijanona tamin’izay nisy azy nanodidina ny toby avy izy ireo; ka rafitra nihazakazaka, ninananàna sy nandositra ny tao an-toby rehetra.

1Samoela 11:11

Nony ampitso, nozarain’i Saola ho telo toko ny vahoaka dia nankany an-tobin’ny Amônita, tamin’ny fiambenana maraina izy ireo, ka namely azy ireo mandra-pahafanàn’ny andro. Nielipatrana izay afa-nitsoaka ka tsy nisy tafaraka na roa monja aza.