Mpitsara 7:1 - Baiboly Katolika

¹ Vao maraina koa dia nifoha i Jerobaala, dia i Jedeôna izany, mbamin’ny vahoaka rehetra izay tao aminy ka lasa teo ambonin’ny loharano tao Harada. Ny tobin’i Madiàna kosa, dia teo avaratry ny an’i Jedeôna akaikin’ny havoana Môre amin’ny tany lemaka.

Baiboly Protestanta Malagasy 2011

¹ Dia nifoha vao maraina i Jerobaala na i Gideona, sy ny vahoaka rehetra teo aminy ka nitoby teo akaikin’ny loharano Haroda. Ny tobin’ny Midianita kosa dia teo avaratra, teo amin’ny lohasaha anilan’ny havoana More.

DIEM PROTESTANTA

¹ Vao maraina be i Gidehôna, izay nantsoina koa hoe Jerobahala, no niainga niaraka tamin’ny tafiny manontolo ka nandeha nitoby teo akaikin’i Haîna-Harôda. Ny tobin’ny Midianita kosa dia terỳ avaratra, teo amin’ny lemaka anilan’ny havoana Môre.

Dikateny Iombonana Eto Madagasikara

¹ Vao maraina be i Gidehôna, izay nantsoina koa hoe Jerobahala, no niainga niaraka tamin’ny tafiny manontolo ka nandeha nitoby teo akaikin’i Haîna-Harôda. Ny tobin’ny Midianita kosa dia terỳ avaratra, teo amin’ny lemaka anilan’ny havoana Môre.

Baiboly Protestanta Malagasy

¹ Dia nifoha maraina koa Jerobala (Gideona izany) sy ny vahoaka rehetra teo aminy ka nitoby teo akaikin’ny loharano Haroda; ary ny tobin’ny Midiana kosa teo avarany, teo an-dohasaha anilan’ny havoana More.

Malagasy Bible

¹ Dia nifoha maraina koa Jerobala (Gideona izany) sy ny vahoaka rehetra teo aminy ka nitoby teo akaikin'ny loharano Haroda; ary ny tobin'ny Midiana kosa teo avarany, teo an-dohasaha anilan'ny havoana More.

La Bible en Malgache

¹ Dia nifoha vao maraina i Jerobaala na i Gideona, sy ny vahoaka rehetra teo aminy ka nitoby teo akaikin’ny loharano Haroda. Ny tobin’ny Midianita kosa dia teo avaratra, teo amin’ny lohasaha anilan’ny havoana More.

Mpitsara 7:1 Rohy Ifampitohizana

Genesisy 12:6

Dia namaky ny tany i Abrama, hatrany amin’ny fitoerana atao hoe Sikema, hatrany amin’ny terebintan’i Môre.

Genesisy 22:3

Nifoha maraina koa i Abrahama, nanisy lasely ny ampondrany, naka roa lahy tamin’ny mpanompony hiaraka aminy, sy i Isaaka zanany, ary namaky ny hazo hataina amin’ny sorona dorana, dia niainga nankany amin’ny tany efa nolazain’Andriamanitra azy.

2Samoela 23:25

i Semà avy any Harôda; i Elikà avy any Harôda;

Salamo 83:9

I Asora koa mikambana amin’izy ireo, ka manampy ny taranak’i Lôta. - Selà

Mpitoriteny 9:10

Izay rehetra azon’ny tananao atao, dia ataovy amin-kerim-po; fa tsy misy asa na fahalalana na fahaizana, na fahendrena any amin’ny Seoly izay halehanao.

Deoteronomia 11:30

Ireo tendrombohitra roa ireo, dia moa tsy any an-dafin’i Jordany ambadiky ny lalana mihazo any andrefana, any amin’ny tanin’ny Kananeanina, monina amin’ny Arabaha, tandrifin’i Galgalà, akaikin’ny terebintan’i Môre?

Josoa 3:1

Dia nifoha maraina koa i Jôsoe, ka niala tany Setima izy mbamin’ny zanak’i Israely rehetra; nony tonga tao Jordany izy ireo dia nijanona teo, alohan’ny hitana azy.

Josoa 6:12

Ny ampitson’iny, dia nifoha i Jôsoe, ary nitondra ny fiaran’i Iaveh ny mpisorona.

Mpitsara 6:32

Tamin’izany andro izany no nanomezan’ny olona anarana an’i Jedeôna hoe Jerobaala, fa nataony hoe: «Aoka i Baala hiaro tena aminy, satria noravany ny ôteliny.»

Mpitsara 6:33

Ary nivory i Madiàna sy i Amaleka mbamin’ny zanaky ny Atsinanana rehetra, ka nita an’i Jordany izy, dia nitoby teo amin’ny tany lemaka Jezraela.

Mpitsara 6:40

Dia nataon’Andriamanitra izany tamin’izay; ny volon’ondry irery no maina ary ny tany rehetra no lenan’ny ando.

Mpitsara 8:29

Ary nody i Jerobaala zanak’i Jôasy, ka nonina tao an-tranony.

1Samoela 12:11

Dia nirahin’i Iaveh i Jerobaala, i Badana, i Jefte, ary i Samoela, ka nanafaka anareo tamin’ny fahavalonareo rehetra manodidina anareo izy, dia nandry feizay, teo amin’ny fonenanareo ianareo.

1Samoela 29:1

Ary namory ny miaramilany rehetra tao Afeka ny Filistinina, fa nitoby teo anilan’ny loharano ao Jezraela kosa i Israely.