Mpitsara 20:31 - Baiboly Katolika

³¹ Dia nivoaka hamely ny vahoaka ny taranak’i Benjamina, ka nety ho voatarika hanalavitra ny tanàna. Rafitra namely sy namono tamin’ny vahoaka toy ny teo aloha izy, eo amin’ireo lalana any an-tsaha, izay miakatra any Betela ny iray, ary miakatra any Gabaà ny iray; dia nahafatesany sahabo ho telopolo lahy amin’i Israely.

Baiboly Protestanta Malagasy 2011

³¹ Dia niainga ny taranak’i Benjamina hiady tamin’ny olona ka voatarika hanalavitra ny tanàna izy ary nanomboka namely sy nahafaty olona tahaka ny teo aloha, dia tokony ho telopolo lahy tamin’ny Israely, tany amin’ireo lalambe izay miakatra ho any Betela ny iray, ary ho any an-tsaha, mankany Gibea ny iray.

DIEM PROTESTANTA

³¹ Fa nivoaka hiady aminy kosa ny Benjaminita ka voatarika handeha lavitra ny tanàna. Ary toy ny teo aloha dia nanomboka namely ny Israelita izy ka nahafaty tokony ho telopolo lahy teny an-dalana mankany Betela sy mankany Gibehôna.

Dikateny Iombonana Eto Madagasikara

³¹ Fa nivoaka hiady aminy kosa ny Benjaminita ka voatarika handeha lavitra ny tanàna. Ary toy ny teo aloha dia nanomboka namely ny Israelita izy ka nahafaty tokony ho telopolo lahy teny an-dalana mankany Betela sy mankany Gibehôna.

Baiboly Protestanta Malagasy

³¹ Dia nivoaka ny taranak’i Benjamina hiady tamin’ny olona ka voatarika niala tamin’ny tanàna izy ary nanomboka namely sy nahafaty ny olona tahaka ny teo aloha, dia tokony ho telo-polo lahy teo amin’ny Isiraely tany an-tsampanan-dàlana, miakatra ho any Betela ny anankiray, ary ny anankiray kosa ho any Gibea any an-tsaha

Malagasy Bible

³¹ Dia nivoaka ny taranak'i Benjamina hiady tamin'ny olona ka voatarika niala tamin'ny tanàna izy ary nanomboka namely sy nahafaty ny olona tahaka ny teo aloha, dia tokony ho telo-polo lahy teo amin'ny Isiraely tany an-tsampanan-dalana, miakatra ho any Betela ny anankiray, ary ny anankiray kosa ho any Gibea any an-tsaha.

La Bible en Malgache

³¹ Dia niainga ny taranak’i Benjamina hiady tamin’ny olona ka voatarika hanalavitra ny tanàna izy ary nanomboka namely sy nahafaty olona tahaka ny teo aloha, dia tokony ho telopolo lahy tamin’ny Israely, tany amin’ireo lalambe izay miakatra ho any Betela ny iray, ary ho any an-tsaha, mankany Gibea ny iray.

Mpitsara 20:31 Rohy Ifampitohizana

Isaia 10:29

Nihoatra ny hadilalana izy ireo, nitoby tao Gabà tamin’ny alina; raiki-tahotra mafy i Ramà, vaky nandositra i Gabaan’i Saola.

Josoa 7:5

Nahafaty tokony ho enina amby telopolo lahy tamin’izy ireo ny olona tao Haia, sady nanenjika azy hatrany am-bavahady ka hatrany Sabarima, sy namely azy teny am-pidinana. Ka nivarahontsana terỳ ny fon’ny vahoaka, ary nanary toky izy.

Josoa 8:17

Tsy nisy lehilahy sisa tao Haia sy tao Betela fa nivoaka nanenjika an’i Israely izy rehetra. Navelany nivoha ny tanàna, ka lasa nanenjika an’i Israely izy.

Mpitsara 20:30

ary niakatra hamely ny taranak’i Benjamina ny zanak’i Israely tamin’ny andro fahatelo, ka nilahatra hiady teo anoloan’i Gabaà, toy ny taloha ihany.

Mpitsara 20:32

Hoy ny taranak’i Benjamina: «Indro fa resy eo anoloantsika toy ny taloha ihany izy ireo.» Fa hoy kosa ny zanak’i Israely: «Ndeha handositra ka ataovy tari-dositra hanalavitra ny tanàna amin’ireo lalana ireo.»