Mpitsara 16:25 - Baiboly Katolika

²⁵ Nony injay efa revon-kafaliana ny fon’izy ireo, dia hoy izy: «Ampanalao i Samsôna hampilalao antsika.» Dia nalaina tany an-tranomaizina i Samsôna, ka nandihy teo anatrehan’izy ireo. Teo anelanelan’ny andry izy no napetraka.

Baiboly Protestanta Malagasy 2011

²⁵ Rehefa faly iny ny fony dia niteny izy ireo hoe: Alao i Samsona mba hanao kilalao ho antsika! Dia nampaka an’i Samsona avy tao an-trano famatorana izy ka nanao kilalao teo anatrehan’ireo i Samsona. Nampijoroiny teo anelanelan’ny andry izy.

Baiboly Protestanta Malagasy

²⁵ Ary rehefa faly ny fony, dia hoy izy: Alao Samsona mba hanao laolao ho antsika. Dia nampaka an’i Samsona avy tao an-trano famatorana izy, ka nanao laolao teo anatrehan’ireo Samsona; ary nampitsanganiny teo anelanelan’ny andry izy.

Malagasy Bible

²⁵ Ary rehefa faly ny fony, dia hoy izy: Alao Samsona mba hanao laolao ho antsika. Dia nampaka an'i Samsona avy tao an-trano famatorana izy, ka nanao laolao teo anatrehan'ireo Samsona; ary nampitsanganiny teo anelanelan'ny andry izy.

La Bible en Malgache

²⁵ Rehefa faly iny ny fony dia niteny izy ireo hoe: Alao i Samsona mba hanao kilalao ho antsika! Dia nampaka an’i Samsona avy tao an-trano famatorana izy ka nanao kilalao teo anatrehan’ireo i Samsona. Nampijoroiny teo anelanelan’ny andry izy.

Mpitsara 16:25 Rohy Ifampitohizana

2Samoela 13:28

Dia nomen’i Absalôma izao didy izao ny mpanompony, nataony hoe: «Tandremo fa rehefa falifalin’ny divay ny fon’i Amnôna ka hataoko hoe: Asio i Amnôna! Dia vonoy ho faty izy. Aza matahotra satria tsy iza fa izaho no mandidy anareo ka matokia; misehoa ho mahery fo.»

1Mpanjaka 20:12

Niara-nisotro tamin’ireo mpanjaka, tao an-trano rantsan-kazo i Benadaba no nandre izany valin-teny izany; ka hoy izy tamin’ny mpanompony: «Milahara hiady ianareo.» Dia nilahatra hamely ny tanàna izy ireo.

Salamo 69:12

Lamba malailay no ataoko fitafy, dia zary fanarabin’izy ireo aho.

Salamo 69:26

Aoka ho foana ny fonenany, ary tsy hisy mpitoetra intsony ao an-dainy.

Isaia 22:13

Kanjo fety amam-piravoravoana no hita; manominda omby ny olona, mamono ondry, mivoky hena sy misotro divay, manao hoe: «Aoka hihinana sy hisotro isika, fa ho faty ihany rahampitso.»

Matio 27:29

ary nandrandrana fehiloha tsilo izy ireo, dia nasatrony ny lohany, sady nampitanany volotara ny tanany ankavanana; raha efa izany dia nandohalika anila teo anatrehany izy ary naneso azy hoe: «Arahaba, ry mpanjakan’ny Jody.»

Hebreo 11:36

ny sasany niaritra fanesoana sy kapoka ary gadra mbamin’ny tranomaizina;

Mpitsara 16:24

Nahita azy ny vahoaka ka nidera ny andriamaniny izy ireo nanao hoe: «Efa natolotry ny andriamanitsika eo an-tanantsika ilay fahavalontsika izay nanimba ny tanintsika sy nahafaty be tamintsika.»

Mpitsara 16:26

Ary hoy i Samsôna tamin’ilay zatovo nitantana azy: «Avelao kely aho hitsapa ny andry manohana ny trano sy hiankina aminy.»

Mpitsara 18:20

Dia faly ny fon’ilay mpisorona, ka nalainy ny efôda sy ny terafima mbamin’ny sarin-javatra voasikotra ary nandroso ho eo afovoan’ny miaramila izy.

Mpitsara 19:6

Dia nipetraka izy, ka niara-nihinana sy nisotro izy roa lahy. Ary hoy ny rain-drazazavavy: «Mihanta aminao re aho, mba ekeo ny handry anio alina; ary aoka hifaly ny fonao».

Mpitsara 19:9

Efa nitsangana handeha ralehilahy sy ny vady tsindranony ary ny mpanompony, fa hoy kosa ny rafozany rain-drazazavavy taminy: «Indro efa ho hariva ny andro, koa mihanta aminao aho, mba handry indray anio alina! fa efa mandrorona ny andro, ka mandria re eto, ary aoka hifaly ny fonao: fa rahampitso hifoha maraina koa ianareo mba hiainga ka handeha ho any an-dainao».

Mpitsara 9:27

ka nivoaka nankany an-tsaha izy ireo: nioty ny voalobony, namoritra azy, nanao fety, ary niditra tany an-tranon’ny andriamaniny, nihinana sy nisotro, ary nanozona an’i Abimeleka.