Mpitoriteny 7:12 - Baiboly Katolika

¹² Fa sahala ny fiarovana avy amin’ny vola sy ny fiarovana avy amin’ny fahendrena; nefa soa manan-tombo ny fahaizana, dia mampiaina an’izay manana azy ny fahendrena.

Baiboly Protestanta Malagasy 2011

¹² satria fialokalofana ny fahendrena ary fialokalofana ny vola; fa ny mahatsara ny fahalalana dia izao: Maharo ny ain’izay manana azy ny fahendrena.

DIEM PROTESTANTA

¹² Ny fahendrena dia toy ny vola ka miaro amin’ny loza maro; manalava ny andron’izay manana azy izy, ka mahasoa ny fahalalana azy.

Dikateny Iombonana Eto Madagasikara

¹² Ny fahendrena dia toy ny vola ka miaro amin’ny loza maro; manalava ny andron’izay manana azy izy, ka mahasoa ny fahalalana azy.

Baiboly Protestanta Malagasy

¹² Fa fialokalofana ny fahendrena, ary fialokalofana ny vola; ary ny mahatsara ny fahalalana dia izao: Maharo ny ain’ny manana azy ny fahendrena.

Malagasy Bible

¹² Fa fialokalofana ny fahendrena, ary fialokalofana ny vola; ary ny mahatsara ny fahalalana dia izao: Maharo ny ain'ny manana azy ny fahendrena.

La Bible en Malgache

¹² satria fialokalofana ny fahendrena ary fialokalofana ny vola; fa ny mahatsara ny fahalalana dia izao: Maharo ny ain’izay manana azy ny fahendrena.

Mpitoriteny 7:12 Rohy Ifampitohizana

Joba 1:10

Tsy efa vitanao fefy manodidina va ny tenany, ny ankohonany mbamin’ny ananany rehetra? Fa nambininao ny asan’ny tanany, ka manenika ny tany ny biby fiompiny.

Salamo 57:1

Ho an’ny mpampianatra hira. Aza mandrava . Hiran’i Davida, fony izy nenjehin’i Saola, niery tao amin’ny zohy.

Ohabolana 11:4

Ny harena tsy mahasoa amin’ny andron’ny fahatezerana; fa ny fahamarinana no manafaka amin’ny fahafatesana.

Ohabolana 14:20

Ny mahantra, olon-kala na amin’ny sakaizany aza; fa ny manan-karena, no maro sakaiza.

Ohabolana 2:11

dia hitandrina anao ny fisainana, ary hiambina anao ny fahalalana,

Ohabolana 2:7

Mitahiry ny fahasambarana ho an’ny olona mahitsy fo izy, ary ampinga ho an’izay mandeha amin’ny fahalavorariana.

Ohabolana 3:18

Hazon’aina izy ho an’izay mambabo azy, ary sambatra izay mifikitra aminy.

Ohabolana 8:35

Izay mahita ahy, nahita fiainana; sady mahazo sitraka amin’i Iaveh.

Ohabolana 9:11

Fa izaho no hihamaroan’ny andronao, sy hitomboan’ny taona iainanao.

Mpitoriteny 10:19

Misakafo ny olona hiaranana amin’ny fahafinaretana; ny divay maharavoravo ny fiainana, ary ny vola, ahazoana ny zavatra rehetra.

Mpitoriteny 2:13

Ary hitako fa ny hatsaran’ny fahendrena noho ny hadalana, dia toraky ny mazava noho ny maizina.

Mpitoriteny 7:19

Ny hendry, omen’ny fahendrena hery, mihoatra noho ny an’ny mpanapaka folo ao an-tanàna.

Mpitoriteny 9:16

Ary hoy aho: Aleo fahendrena toy izay hery; nefa hamavoin’ny olona ny fahendren’ny mahantra, ary tsy henoina akory ny teniny.

Mpitoriteny 9:18

Aleo fahendrena, toy izay fitaovana enti-miady; nefa mpanota iray monja dia mandrava soa betsaka.

Isaia 30:2

Dia midina eny amin’ny lalana mankany Ejipta izy ireo nefa tsy manontany ny vavako, mba hialoka eo ambany fiarovan’i Faraôna sy hialokaloka eo amin’ny alokalok’i Ejipta.

Isaia 32:2

Ka izy ireo dia samy ho fiarovana amin’ny rivotra; ho fialofana amin’ny ranonoram-baratra; tahaka ny ranovelona amin’ny tany karankaina; tahaka ny alo-batolampy eo amin’ny tany foana.

Isaia 33:6

Azo antoka ny andronao; hanananao be ny famonjena, sy ny fahendrena amam-pahalalana; ny fahatahorana an’i Iaveh no rakitrao.

Jaona 12:50

Ary fantatro fa ny didiny no fiainana mandrakizay. Koa ny zavatra lazaiko àry dia lazaiko araka ny voalazan’ny Ray tamiko.»

Jaona 17:3

Ary izao no fiainana mandrakizay, dia ny mahalala Anao hany Andriamanitra marina sy i Jesoa Kristy izay nirahinao.

Deoteronomia 32:47

Satria tsy zavatra tsy ahoan-tsy ahoana ho anareo izany, fa fiainanareo, ary izany teny izany no hahalava andro anareo, eo amin’ny tany efa ho azonareo amin’ny fitàna an’i Jordany.»

Filipiana 3:8

Eny, mbola ataoko faty antoka tokoa izany rehetra izany, raha oharina amin’ny fahambonian’ny fahalalana an’i Kristy Jesoa Tompoko; fa ny fitiavako Azy no namoizako ny zavatra rehetra, ary mba hahazoako an’i Kristy, dia ataoko fako, fako foana ny zavatra rehetra,

Mpitsara 9:15

Fa hoy ny tsilo tamin’ny hazo: Raha marina tokoa àry, fa tianareo ny hanosotra ahy ho mpanjaka, dia avia ianareo, ka mialofa amin’ny alokaloko, fa raha tsy izany, aoka hivoaka afo ny tsilo milobolobo, ka handoro ny sederan’i Libàna.