Mpitoriteny 5:1 - Baiboly Katolika

¹ Aza haingam-bava foana, ary aoka ny fonao tsy ho maimay foana hanonona teny eo anatrehan’Andriamanitra: fa Andriamanitra any an-danitra, Ianao etỳ an-tany; ka aoka ho vitsy teny ianao.

Baiboly Protestanta Malagasy 2011

¹ Aza haingam-bava, ary aoka tsy halaky hanonona teny eo anatrehan’Andriamanitra ny fonao; fa Andriamanitra dia any an-danitra ary ianao dia etỳ an-tany, koa aoka ho vitsy ny teninao.

DIEM PROTESTANTA

¹ Aza maika ny hiteny ary aza malaky manapa-kevitra hanao voady amin’Andriamanitra; fa any an-danitra Andriamanitra ary ianao kosa etỳ ambonin’ny tany. Koa lanjalanjao ny teninao.

Dikateny Iombonana Eto Madagasikara

¹ Aza maika ny hiteny ary aza malaky manapa-kevitra hanao voady amin’Andriamanitra; fa any an-danitra Andriamanitra ary ianao kosa etỳ ambonin’ny tany. Koa lanjalanjao ny teninao.

Baiboly Protestanta Malagasy

¹ Aza haingam-bava, ary aza malaky manonona teny eo anatrehan’Andriamanitra ny fonao; fa Andriamanitra dia any an-danitra ary hianao etỳ an-tany, koa aoka ho vitsy ny teninao.

Malagasy Bible

¹ Aza haingam-bava, ary aza malaky manonona teny eo anatrehan'Andriamanitra ny fonao; fa Andriamanitra dia any an-danitra ary ianao etỳ an-tany, koa aoka ho vitsy ny teninao.

La Bible en Malgache

¹ Aza haingam-bava, ary aoka tsy halaky hanonona teny eo anatrehan’Andriamanitra ny fonao; fa Andriamanitra dia any an-danitra ary ianao dia etỳ an-tany, koa aoka ho vitsy ny teninao.

Mpitoriteny 5:1 Rohy Ifampitohizana

2Tantara 26:16

Nisondrotra tao am-pony izaitsizy anefa izy, nony tonga nahery, ka nahafongotra azy izany. Nanota tamin’i Iaveh Andriamaniny izy, fa niditra tao an-tempolin’i Iaveh izy, handoro zava-manitra eo ambony ôtely fandoroan-java-manitra.

Joba 11:2

«Tsy hisy valiny va ny teny maro be, ary ny basivava ve no hanana ny marina?

Joba 22:12

Tsy any an-tampon’ny lanitra va Andriamanitra? Jereo ange ny handrin’ny kintana: akory ity haavony!

Salamo 89:7

Fa iza any an-danitra no hitaha amin’i Iaveh? Iza amin’ireo zanak’Andriamanitra no manahaka an’i Iaveh?

Eksodosy 3:5

Dia hoy Andriamanitra: «Aza manakaiky eto: esory ny kapa amin’ny tongotrao, fa tany masina io.»

Eksodosy 30:18

«Hanao tavy varahina, misy faladiany varahina, hatao fiafanana ianao, ka hapetrakao eo anelanelan’ny trano lay fihaonana sy ny ôtely,

Ohabolana 10:19

Ny teny maro tsy ilaozan’ny ota, fa ny mahatam-bava no olon-kendry.

Ohabolana 15:8

Ny soron’ny ratsy fanahy dia ankahalain’i Iaveh; fa ny vavaky ny olo-mahitsy kosa, ankasitrahiny.

Ohabolana 21:27

Ny soron’ny ratsy fanahy, dia fahavetavetana, indrindra fa raha sain-dratsy no anaterany azy.

Isaia 66:3

Fa izay mamono omby, hoatra ny mamono olona; izay manao sorona ondry, hoatra ny manakenda alika; izay manolotra fanatitra, hoatra ny manatitra ran-kisoa; izay mandoro emboka, hoatra ny misaotra ny sampy. Tahaka ny ifidianany ny lalany, sy ankasitrahan’ny fanahiny ny fahavetavetany,

Levitikosy 10:3

Dia hoy i Môizy tamin’i Aarôna: «Efa voalazan’i Iaveh izany tamin’izy nanao hoe: Hohamasinina Aho ao amin’izay manakaiky Ahy, ary homem-boninahitra eo anatrehan’ny vahoaka rehetra.» Sina i Aarôna.

Asan’ny Apostoly 10:33

Dia naniraka ho any aminao niaraka tamin’izay aho; ka tsara ny nahatongavanao. Koa ankehitriny, vory eto anatrehanao izahay rehetra, mba hihaino ny zavatra rehetra asain’Andriamanitra lazainao aminay.»

Asan’ny Apostoly 17:11

Tsara toe-panahy kokoa ry zareo tao noho ny tany Tesalonika, satria sady nandray ny teny tamin-jotom-po lehibe izy ireo no nandinika ny Soratra Masina isan’andro, mba hahitany raha mifanaraka amin’izay ampianarina azy na tsia.

1Korintiana 11:22

Tsy manan-trano hihinanana sy hisotroana va ianareo? Sa manazimba ny tranon’Andriamanitra, ka sahy manome henatra ny tsy manana? Inona no holazaiko aminareo? Hidera anareo va aho? Tsia, tsy hidera anareo amin’izany velively aho!

Hebreo 10:26

Satria rehefa mahalala ny marina isika no minia manota indray, dia tsy misy sorona hafa noho ny ota intsony;

Jakoba 1:19

Araka ny fantatrareo rahateo, ry havako malala, dia aoka ny olona rehetra hazoto mihaino, fa tsy ho maika hiteny, sy tsy halaky tezitra.

Josoa 5:15

Nidaboka tamin’ny tany sy niankohoka i Jôsoe, ka nanao taminy hoe: «Inona no lazain’ny Tompoko amin’ny mpanompony?»