Mpitoriteny 1:14 - Baiboly Katolika

¹⁴ Nodinihiko avokoa ny zavatra atao etỳ ambany masoandro, ka indro, zava-poana amam-panenjehan-drivotra daholo.

Baiboly Protestanta Malagasy 2011

¹⁴ Efa hitako ny zavatra rehetra izay atao etỳ ambanin’ny masoandro, fa indro, zava-poana sy sambo-drivotra avokoa izany rehetra izany.

DIEM PROTESTANTA

¹⁴ Efa hitako ny zava-drehetra atao etỳ ambonin’ny tany, fa zava-poana sy manenji-drivotra ihany izany rehetra izany.

Dikateny Iombonana Eto Madagasikara

¹⁴ Efa hitako ny zava-drehetra atao etỳ ambonin’ny tany, fa zava-poana sy manenji-drivotra ihany izany rehetra izany.

Baiboly Protestanta Malagasy

¹⁴ Efa hitako ny zavatra rehetra izay atao atỳ ambanin’ny masoandro; fa, indro, zava-poana sy misambo-drivotra foana izany rehetra izany.

Malagasy Bible

¹⁴ Efa hitako ny zavatra rehetra izay atao atỳ ambanin'ny masoandro; fa, indro, zava-poana sy misambo-drivotra foana izany rehetra izany.

Mpitoriteny 1:14 Rohy Ifampitohizana

Mpitoriteny 12:8

Zava-poana dia zava-poana, hoy ny Mpitoriteny, zava-poana ny zavatra rehetra.

Mpitoriteny 2:11

Nony inona, nodinihiko izay asa rehetra nataon’ny tanako, mbamin’ny fahasasarako nolaniko nanatanterahana izany; ka indro zava-poana amam-panenjehan-drivotra foana izany; fa tsy misy zava-tsoa azo, atỳ ambany masoandro.

Mpitoriteny 2:17

Ka dia boboky ny fiainana aho, satria ratsy eo imasoko ny zavatra atao atỳ ambany masoandro, fa zava-poana amam-panenjehan-drivotra foana avokoa.

Mpitoriteny 2:26

Fa ny olona izay tsara eo imasony dia omeny ny fahendrena amam-pahaizana ary fifaliana. Ny omeny ny mpanota kosa, dia ny mikarakara ny famoriana amam-panavosàna zavatra mba hisy omeny an’izay olona tsara eo imason’Andriamanitra. Ary zava-poana ihany koa izany sady fanenjehan-drivotra.

Mpitoriteny 3:19

Fa ny anjaran’ny zanak’olombelona, dia ny anjaran’ny biby, iray ihany no anjaran’izy roa tonta; toy ny ahafatesan’ny iray, no ahafatesan’ny iray koa; fofon’aina iray no an’izy roa tonta; ka tsy misy ihoaran’ny olombelona amin’ny biby, fa samy zava-poana ny zavatra rehetra.

Mpitoriteny 4:16

Tsy nisy fahataperana izany vahoaka be rehetra izany, dia ireo rehetra ireo izay notarihiny lalana avy eo aloha. Nefa ny taranaka tsy hifaly aminy akory. Zava-poana amam-panenjehan-drivotra foana koa izany.

Mpitoriteny 4:4

Hitako fa ny asa rehetra mbamin’ny fahakingana rehetra amin’ny taozavatra dia ny fialonana mihatra amin’olona avy amin’ny namany ihany; koa dia zava-poana amam-panenjehan-drivotra foana koa izany.

Mpitoriteny 4:6

Aleo tanana ila feno fiadanana; toy izay tanan-droa feno fisasarana amam-panenjehan-drivotra.

Mpitoriteny 6:9

Aleo ny hita maso, toy izay ny firedireden’ny faniriana. Zava-poana amam-panenjehan-drivotra ihany koa izany.

Mpitoriteny 8:16

Raha nentiko hamantatra ny fahendrena ny saiko, sy handinika ny anjara asa, atao atỳ ambonin’ny tany, - fa na andro na alina tsy mahita tory ny mason’ny olona - dia hitako ny asan’Andriamanitra manontolo;