Mika 7:8 - Baiboly Katolika

⁸ Aza mifaly noho ny amiko, ry ikala fahavaloko, fa na lavo aza aho, mbola hiarina; na mitoetra amin’ny maizina aza aho, i Iaveh no fahazavako.

Baiboly Protestanta Malagasy 2011

⁸ Aza mifaly amin’ny manjo ahy, ry fahavaloko! Fa na dia lavo aza aho dia mbola hiarina ihany; raha mitoetra ao amin’ny maizina aho dia NY TOMPO no fahazavana ho ahy.

DIEM PROTESTANTA

⁸ Aza mihomehy ny aminay ianareo fahavalonay! fa na lavo aza izahay, dia mbola hiarina; ary na mipetraka ao amin’ny maizina aza izahay, dia ny TOMPO no fahazavana ho anay.

Dikateny Iombonana Eto Madagasikara

⁸ Aza mihomehy ny aminay ianareo fahavalonay! fa na lavo aza izahay, dia mbola hiarina; ary na mipetraka ao amin’ny maizina aza izahay, dia ny TOMPO no fahazavana ho anay.

Baiboly Protestanta Malagasy

⁸ Aza mifaly ahy, ry fahavaloko, Fa na dia lavo aza aho, mbola hiarina ihany; Raha mitoetra ao amin’ny maizina aho, Dia Jehovah no fahazavana ho ahy.

Malagasy Bible

⁸ Aza mifaly ahy, ry fahavaloko, Fa na dia lavo aza aho, mbola hiarina ihany; Raha mitoetra ao amin'ny maizina aho, Dia Jehovah no fahazavana ho ahy.

La Bible en Malgache

⁸ Aza mifaly amin’ny manjo ahy, ry fahavaloko! Fa na dia lavo aza aho dia mbola hiarina ihany; raha mitoetra ao amin’ny maizina aho dia NY TOMPO no fahazavana ho ahy.

Mika 7:8 Rohy Ifampitohizana

Joba 31:29

Raha nifaly noho ny fahavoazan’ny fahavaloko aho; sy nibitabitaka noho ny loza nanjò azy;-

Salamo 112:4

Fahazavana no miposaka ao amin’ny haizina ho an’ny olo-mahitsy, ho an’izay mamindra fo sy miantra ary marina.

Salamo 143:3

Mitady ny aiko ny fahavalo, manitsaka ny aiko amin’ny tany izy; asesiny ao amin’ny fitoerana maizina aho, mova tsy olona efa maty ela!

Salamo 20:8

Ny sasany mitoky amin’ny kalesiny; ny sasany amin’ny soavaliny; fa isika kosa miantso ny Anaran’i Iaveh Andriamanitsika.

Salamo 27:1

Nataon’i Davida. I Iaveh no fahazavako amam-pamonjena ahy; ka iza no hatahorako? I Iaveh no mandan’ny aiko ka zovy no hangovitako?

Salamo 35:19

Aoka tsy hifalian’izay mamely ahy foana aho! Aoka tsy hihiringiri-maso izay mankahala ahy tsy ahoan-tsy ahoana!

Salamo 37:21

Ny ratsy fanahy misambotra, nefa tsy mamerina, fa ny marina kosa be antra ka manome.

Salamo 37:24

Raha lavo izy tsy mba miampatra amin’ny tany; fa i Iaveh mitantana azy.

Salamo 38:16

Ao aminao, ry Iaveh, ny fanantenako; Ianao, ry Tompo Andriamanitro, no hamaly!

Salamo 84:11

Fa aleo andro iray ao an-kianjanao, toy izay arivo; aleoko mitoetra eo an-tokonam-baravaran’ny tranon’ny Andriamanitro, toy izay monina ao an-dain’ny ratsy fanahy.

Salamo 97:11

Afafy ho an’ny marina ny fahazavana, ary ho an’ny mahitsy fo ny fifaliana.

Isaia 2:5

Avia, ry taranak’i Jakôba, ka aoka handeha amin’ny fahazavan’i Iaveh isika.

Isaia 49:9

hilaza amin’izay lasan-ko babo hoe: ‹Mivoaha!› sy amin’izay ao anatin’ny aizina hoe: ‹Mankanesa atỳ amin’ny mazava;› hahazo hiraotra izy ireo manaraka ny lalana, ary ny vilon-kohaniny dia eny amin’ny havoana rehetra;

Isaia 50:10

Iza aminareo no matahotra an’i Iaveh, sy mihaino ny feon’ny Mpanompony? Na iza na iza mandeha amin’ny maizina, sy tsy manana fahazavana, aoka izy hatoky ny Anaran’i Iaveh, sy hiankina amin’ny Andriamaniny!

Isaia 9:2

Nampitombo ny vahoakanao Ianao, ary nataonao lehibe ny hafaliana; ka mifaly eo anatrehanao, toy ny fifaliana raha fararano izy, toy ny fihobiana an-kafaliana, raha mizara babo.

Jeremia 48:27

Fa moa i Israely tsy fihomehezana taminao va? Moa nisy nahatratra azy ho naman’ny mpangalatra va? no dia nihifikifi-doha ianao, isaky ny miteny ny aminy?

Jeremia 50:11

Eny, mifalia ianareo; eny, miravoravoa ianareo, ry mpamabo ny lovako; eny, aoka hifalihavanja hoatra ny omby vavy kely eny an-tanim-bilona ianareo; sady haneno toy ny soavaly lahy!

Jeremia 8:4

Lazao azy ireo hoe: Izao no lazain’i Iaveh: «Moa ny lavo, tsy miarina va? ary moa ny diso lalana, tsy miverina va?

Ezekiela 25:6

Fa izao no lazain’ny Tompo Iaveh: Noho ianao niteha-tanana sy ningadon-tongotra, ary nifaly tao am-ponao tamin’ny fanesoanao rehetra, ny amin’ny momba ny tanin’i Israely;

Ezekiela 35:15

Toy ny nifalianao, ny amin’ny lovan’ny taranak’i Israely tamin’ny faharavàny, toy izany no hataoko aminao: ho rava ianao, ry tendrombohitra Seira, mbamin’i Idomea manontolo; dia ho fantatry ny olona fa Iaveh Aho.

Ezekiela 36:5

noho izany, izao no lazain’ny Tompo Iaveh: Eny, noho ny firehitry ny fahasaro-piaroko, no nitenenako namely izay sisa amin’ny firenena sy namely an’i Idomea manontolo izay nisazoka ny taniko ho fananany tamin’ny hafalian’ny fony rehetra sy tamin’ny fanesoan’ny fanahiny, hataony fandroba foana.

Amosa 9:11

Amin’izany andro izany ny tranobongon’i Davida efa nianjera, hatsangako indray, ny banga hotampenako, ny rava hamboariko; ka haoriko indray ho tahaka ny tamin’ny andro taloha;

Obadia 1:12

Aza faly mijery ny andron’ny rahalahinao, amin’ny andro idiran-doza aminy; aza mifaly amin’ny momba ny taranak’i Jodà, amin’ny andro andringanana azy; ary aza dia avoavo fiteny amin’ny andron’ny fahoriany.

Mika 4:10

Aoka ho voan’ny fanaintainana sy hanezaka ianao, ry zanaka vavin’i Siôna, toy ny vehivavy raha miteraka! Fa efa hivoaka ny tanàna ianao ankehitriny, ka nonina any an-tsaha, ary ho tonga hatrany Babilôna; any no hanafahana anao; any no hanavotan’i Iaveh anao, ho afaka amin’ny tanan’ny fahavalonao.

Mika 7:10

Hahita izany anie ikala fahavaloko, ka ho safo-kenatra anie izy, dia izy ilay nanao tamiko hoe: Aiza izay Iaveh Andriamanitrao? Hibanjina azy ny masoko: amin’izao dia hohitsakitsahina izy, toy ny fotaka eny amin’ny arabe.

Zakaria 12:8

Amin’izany andro izany, i Iaveh hanangana manda manodidina ny mponina ao Jerosalema, ary izay mangozohozo eo amin’izy ireo, dia ho tahaka an’i Davida amin’izany andro izany, ary ny taranak’i Davida ho tahaka an’Andriamanitra, dia ho tahaka ilay Anjelin’i Iaveh, eo anoloan’izy ireo.

Matio 4:16

ny olona izay nitoetra tao amin’ny maizina dia nahita fahazavana lehibe, ary ireo izay nitoetra tao amin’ny tany aloky ny fahafatesana no niposahan’ny mazava.»

Jaona 16:20

Lazaiko marina aminareo fa hitomany sy higogogogo ianareo, ary hifaly izao tontolo izao; halahelo ianareo, fa hody hafaliana ny alahelonareo.

Jaona 8:12

Ary niteny tamin’ny olona indray i Jesoa, ka nanao hoe: «Izaho no fahazavan’izao tontolo izao: izay manaraka Ahy tsy mandeha amin’ny maizina, fa hanana ny fahazavan’ny fiainana.»

Asan’ny Apostoly 26:18

mba hampahiratra ny mason’izy ireo, hialany amin’ny maizina ho amin’ny mazava, sy avy amin’ny fahefan’i Satana ho amin’Andriamanitra, ka hahazoany famelan-keloka sy lova miaraka amin’ny olo-masina noho ny finoana Ahy.

2Korintiana 4:6

Satria, Andriamanitra izay nandidy hoe: «Aoka ny maizina no hiposahan’ny mazava» no nanazava ny fonay, mba hampahazavanay ny fahalalana ny voninahitr’Andriamanitra, izay mitaratra amin’ny tavan’i Kristy.

2Korintiana 4:9

enjehina, nefa tsy afoy; azera, nefa tsy toro;

Apokalipsy 21:23

Tsy mila masoandro ny tanàna, na volana hanazava azy, fa ny voninahitr’Andriamanitra no mamirapiratra ao aminy, ary ny Zanak’ondry no fanilony.

Apokalipsy 22:5

Tsy hisy alina intsony; ary tsy hila ny fanazavan’ny jiro, na ny fanazavan’ny masoandro izy ireo, fa ny Tompo Andriamanitra no hanazava azy; sady hanjaka mandrakizay mandrakizay izy rehetra.