Mika 1:5 - Baiboly Katolika

⁵ Ny hisian’izany dia noho ny helok’i Jakôba sy noho ny fahotan’ny taranak’i Israely. Inona no helok’i Jakôba? Tsy i Samaria va? Ary iza no fitoerana avon’i Jodà? Tsy i Jerosalema va?

Baiboly Protestanta Malagasy 2011

⁵ Izany rehetra izany dia noho ny fahadisoan’i Jakoba sy ny fahotan’ny taranak’Israely. Iza no nahadiso an’i Jakoba? Tsy i Samaria va? Ary iza no toerana fanaovana soron’i Joda? Tsy i Jerosalema va?

DIEM PROTESTANTA

⁵ Nikomy tamin’Andriamanitra ny taranak’i Jakôba, eny, nanota ny vahoakan’i Israely, ka mahatonga izany rehetra izany. Fa iza no nampikomy ny taranak’i Jakôba? Moa tsy i Samaria renivohiny ve? Ary iza no toeram-panasinana ao Joda? Moa tsy i Jerosalema renivohiny ve?

Dikateny Iombonana Eto Madagasikara

⁵ Nikomy tamin’Andriamanitra ny taranak’i Jakôba, eny, nanota ny vahoakan’i Israely, ka mahatonga izany rehetra izany. Fa iza no nampikomy ny taranak’i Jakôba? Moa tsy i Samaria renivohiny ve? Ary iza no toeram-panasinana ao Joda? Moa tsy i Jerosalema renivohiny ve?

Baiboly Protestanta Malagasy

⁵ Noho ny fahadisoan’i Jakoba sy ny fahotan’ny taranak’Isiraely no isian’izany rehetra izany. Iza no nahadiso an’i Jakoba? Tsy Samaria va? Ary iza no fitoerana avon’i Joda? Tsy Jerosalema va?

Malagasy Bible

⁵ Noho ny fahadisoan'i Jakoba sy ny fahotan'ny taranak'Isiraely no isian'izany rehetra izany. Iza no nahadiso an'i Jakoba? Tsy Samaria va? Ary iza no fitoerana avon'i Joda? Tsy Jerosalema va?

La Bible en Malgache

⁵ Izany rehetra izany dia noho ny fahadisoan’i Jakoba sy ny fahotan’ny taranak’Israely. Iza no nahadiso an’i Jakoba? Tsy i Samaria va? Ary iza no toerana fanaovana soron’i Joda? Tsy i Jerosalema va?

Mika 1:5 Rohy Ifampitohizana

1Mpanjaka 11:7

Tamin’izany nanorina toerana avo i Salômôna teo amin’ny tendrombohitra tandrifin’i Jerosalema, ho an’i Kamosa fahavetavetan’i Moaba, sy ho an’i Môlôka, fahavetavetan’ny taranak’i Amôna.

1Mpanjaka 13:32

Fa ho tanteraka tokoa ny teny nantsoiny, araka ny tenin’i Iaveh, mihatra amin’ny ôtely any Betela sy amin’ny tranon’ny fitoerana avo rehetra izay ao amin’ny tanànan’i Samaria.»

1Mpanjaka 16:24

Nony nanjaka enin-taona tao Tersà izy, dia novidiny tamin’i Somera talenta volafotsy roa, ny tendrombohitr’i Samaria, ka nanorin-trano teo ambonin’ny tendrombohitra izy, ary nataony hoe Samaria, avy amin’ny anaran’i Somera tompon’ny tendrombohitra, ny anaran’ny tanàna naoriny.

2Tantara 34:3

Tamin’ny taona fahavalo nanjakany, mbola tanora izy fahizay, dia efa niantomboka nitady ny Andriamanitr’i Davida rainy izy, ary tamin’ny taona faha-12, dia natombony ny fanadiovana an’i Jodà sy i Jerosalema, tsy hisy fitoerana avo, na aserah, na sarin-javatra voasikotra, na sarin-javatra anidina.

2Tantara 34:4

Noravana teo anatrehany ny ôtelin’ireo Baala, dia nazerany ny sariolona teo amboniny natokana ho an’ny masoandro, notorotoroiny ny aserah, ny sarin-javatra voasikotra, ny sarin-javatra anidina, nataony zary vovoka ireny, dia nafafiny teny amin’ny fasan’izay nanatitra sorona taminy,

Isaia 7:9

Ary i Samaria no lohan’i Efraima, ny zana-dRomelia no lohan’i Samaria. Raha tsy mino ianareo, dia tsy haharitra.»

Jeremia 2:17

Izany no mahazo anao, moa tsy dia noho ianao nahafoy an’i Iaveh Andriamanitrao, tamin’ny andro nitondrany anao teny an-dalana?

Jeremia 2:19

Ny haratsianao no mamely anao, ary ny fiodinanao no manafay anao. Koa fantaro sy jereo, fa ratsy sady mangidy manao ahoana, ny nahafoizanao an’i Iaveh Andriamanitrao, sy ny tsy nanananao tahotra Ahy kely akory, - teny marin’ny Tompo Iavehn’ny tafika. -

Jeremia 23:13

Tamin’ireo mpaminanin’i Samaria Aho nahita fahadalana, fa naminany tamin’ny anaran’i Baala izy ireo, ka nampaniasia an’i Israely vahoakako.

Jeremia 23:14

Tamin’ireo mpaminanin’i Jerosalema kosa anefa nahita zava-mahatsiravina Aho, fa izy ireo maka vadin’olona sy mandeha araka ny lainga, mankahery ny tanan’ny ratsy fanahy, mba tsy hisy miverina avy amin’ny haratsiany izy ireo. Amiko izy rehetra, tonga tahaka an’i Sôdôma; ary ny mponina ao Jerosalema tahaka an’i Gômôra.

Jeremia 4:18

Izany no tamby, valin’ny fitondran-tena aman’asa ratsinao; izany no vokatry ny haratsiam-panahinao, ka mangidy! Eny, mihatra amin’ny fo izany!

Jeremia 5:25

Ny helokareo no nanakorontana izany filaminana izany; ny fahotanareo no nanala izany soa izany taminareo.»

Jeremia 6:19

Mihainoa, ry tany: Indro fa misy loza entiko hamely ity vahoaka ity, dia ny vokatry ny hevi-dratsiny; satria tsy nihaino ny teniko izy ireo; sady nandà ny lalàko.

Fitomaniana 5:16

Nianjera ny satroboninahitry ny lohany; eny, loza ho anay, fa nanota izahay!

Ezekiela 16:46

Ny zokinao vavy, monina ao ankavianao, dia i Samaria mbamin’ny zanany vavy; ary i Sôdôma mbamin’ny zanany vavy no zandrinao vavy monina eo ankavananao.

Hosea 7:1

Fony Aho nitady hanasitrana an’i Israely no nihariharian’ny haratsian’i Efraima sy ny haratsiam-panahin’i Samaria: fa ny lainga ataony fanao; ny mpangalatra miditra an-trano, ny jiolahy mikarenjy eny ivelany.

Amosa 6:1

Mila loza ireo mandry feizay ao Siôna, sy mitoetra matoky ao an-tendrombohitr’i Samaria; dia ireo malaza indrindra amin’ilay firenena, lohan’ny firenena, ireo izay hatonin’ny taranak’i Israely!

Amosa 7:9

Ny fitoerana avon’i Isaaka ho foanana; ny fitoera-masin’i Israely horavana; ary hitsangana hamely ny taranak’i Jerôbôama amin’ny sabatra Aho.»

Amosa 8:14

Ry zareo, mianiana amin’ny fahotan’i Samaria, ka manao hoe: Amin’ny Andriamanitrareo, ry Dàna! Amin’ny lalan’i Bersabea! dia samy ho lavo tsy haharina intsony.

Mika 1:13

Afehezo amin’ny kalesy ny soavaly, ry kala mponina ao Lakisa; fiandohan’ny fahotana ho an’ny zanaka vavin’i Siôna, no nahitana ny helok’i Israely ao aminao.