Matio 5:5 - Baiboly Katolika

⁵ Sambatra izay mitomany, fa halàna alahelo.

Baiboly Protestanta Malagasy 2011

⁵ Sambatra ny malemy fanahy, fa izy no handova ny tany (Sal 37.11).

DIEM PROTESTANTA

⁵ Sambatra izay malemy fanahy, fa izy no handova ny tany nampanantenain’Andriamanitra!

Dikateny Iombonana Eto Madagasikara

⁵ Sambatra izay malemy fanahy, fa izy no handova ny tany nampanantenain’Andriamanitra!

Baiboly Protestanta Malagasy

⁵ Sambatra ny malemy fanahy; fa izy no handova ny tany (Sal. 37.11).

Malagasy Bible

⁵ Sambatra ny malemy fanahy; fa izy no handova ny tany (Sal. 37. 11).

La Bible en Malgache

⁵ Sambatra ny malemy fanahy, fa izy no handova ny tany (Sal 37.11).

Matio 5:5 Rohy Ifampitohizana

Salamo 147:6

Manati-bonjy ho an’ny manetry tena i Iaveh, fa manetry ny ratsy fanahy amin’ny tany kosa.

Salamo 149:4

Fa ankasitrahin’i Iaveh ny vahoakany; manome voninahitra ny ambany toetra, amin’ny famonjeny azy Izy.

Salamo 22:26

Noho Ianao dia hanàko eo amin’ny fiangonan-dehibe ny hirako; hefaiko eo anatrehan’izay matahotra Anao ny voadiko.

Salamo 25:13

Mandry amim-piadanana ny fanahiny, ary hanana ny taniny ny taranany.

Salamo 25:9

Mampizotra ny manetry tena amin’ny fahamarinana Izy, mampianatra ny manetry tena ny lalany Izy.

Salamo 37:11

Ny malemy fanahy no hanana ny tany; ka ho finaritra mankafỳ fiadanana lehibe.

Salamo 37:22

Izay tahin’i Iaveh hanana ny tany; izay ozoniny dia hofongorana.

Salamo 37:29

Hanana ny tany ny olo-marina, dia honina eo mandrakizay.

Salamo 37:34

Miandrasa an’i Iaveh, ary araho ny lalany, dia hanandratra anao Izy, ka hanana ny tany ianao; raha avy izay hamongorana ny ratsy fanahy, dia ho hitanao izany.

Salamo 37:9

Fa ny ratsy fanahy hofongorana; ary izay matoky an’i Iaveh no hanana ny tany.

Salamo 69:32

Fa hankasitrahin’i Iaveh mihoatra noho ny ombalahy izany, mihoatra noho ny vantotr’ombalahy manan-tandroka sy kitro.

Isaia 11:4

Ny madinika hotsarainy ara-drariny, ary ny mpietry eto an-tany dia hamoahany teny fitsarana araka ny marina. Hikapoka ny tany amin’ny tsora-kazon’ny vavany izy, ary hamono ny ratsy fanahy amin’ny fofon’ain’ny molony.

Isaia 29:19

Ny manetry tena hitombo hafaliana hatrany, amin’i Iaveh, ary ny mahantra indrindra hientan-kafaliana ao amin’Ilay Masin’i Israely.

Isaia 60:21

Tsy hisy afa-tsy olo-marina eo amin’ny vahoakanao, ary hanana ny tany mandrakizay izy ireo; dia izy ireo solofo namboleko, asan’ny tanako, noarîna ho voninahitro.

Isaia 61:1

Ato amiko ny fanahin’i Iaveh, Tompo, satria voahosotr’i Iaveh aho; nirahiny hitondra teny soa mahafaly amin’ny mahantra, hamehy ny ferin’ireo torotoro fo; hampandre ny babo fa afaka sy ny ao an-tranomaizina fa alefa;

Zefania 2:3

Mitadiava an’i Iaveh, ianareo manetry tena rehetra amin’ny tany, izay efa nanaraka ny lalàny; katsaho ny fahamarinana, katsaho ny fanetren-tena. Ho tafaàloka angamba ianareo amin’ny andron’ny fahatezeran’i Iaveh!

Nomery 12:3

Ren’i Iaveh izany. I Môizy anefa dia lehilahy malemy fanahy indrindra, mihoatra noho ny olona rehetra etỳ ambonin’ny tany.

Matio 11:29

Ento ny jiogako, ary mianara amiko, fa malemy fanahy sy manetry tena ao am-po Aho, dia hahita fiadanana ho an’ny fanahinareo ianareo;

Matio 21:5

«Lazao amin’ny zanakavavin’i Siôna hoe: Indro ny Mpanjakanao mankeo aminao. malemy fanahy sady mitaingina ampondra, dia zanak’ampondra mitondra jioga.»

Romana 4:13

Tsy ny Lalàna no nahazoan’i Abrahama sy ny taranany fampanantenana handova izao tontolo izao, fa ny fahamarinana avy amin’ny finoana.

Galatiana 5:23

fahalalana onona, fahadiovana: tsy misy izay Lalàna mikasika an’ireo.

Efesiana 4:2

amin’ny fanetren-tena sy halemem-panahy rehetra, amin’ny fahari-po, amin’ny fifandeferana, amim-pitiavana;

Kolosiana 3:12

Olom-boafidin’Andriamanitra àry ianareo, sady masina sy malala, ka mitafia famindram-po amam-piantrana, halemem-panahy amam-panetren-tena, fahamaotonana amam-pandeferana.

1Timoty 6:11

Koa aoka àry ianao, ry olon’Andriamanitra, handositra izany zavatra izany, fa hikatsaka fahamarinana, fahazotoa-mivavaka, finoana, fitiavana, faharetana, fahalemem-panahy.

2Timoty 2:25

mananatra ny mpanohitra amin-kalemem-panahy, fa angamba homen’Andriamanitra fibebahana hahalala ny marina izy,

Titosy 3:2

tsy hilaza ratsy olona, tsy hifanditra, fa hifanaraka sy hampiseho halemem-panahy lehibe amin’ny olona rehetra.

Jakoba 1:21

Koa ario ny fahalotoanareo rehetra, sy ny faharatsiana rehetra; ary raiso amim-pahalemem-panahy ny teny voafafy aminareo, izay mahavonjy ny fanahinareo.

Jakoba 3:13

Iza eo aminareo no hendry sy manan-tsaina? Aoka hasehony amin’ny fitondrany tena tsara ny asan’ny halemem-panahy amam-pahendreny.

1Petera 3:15

I Kristy Tompo no ankamasino ao am-ponareo. Aoka ho vonona mandrakariva ianareo hamaly amin-kamoram-po sy fanajana an’izay rehetra manontany anareo ny amin’ny anton’ny fanantenana izay ao anatinareo.

1Petera 3:4

fa ny olona ao anaty tsy miseho no ravaho halemem-panahy tsy miovaova sy fiadanana: izany no tena zavatra eo imason’Andriamanitra.