Matio 3:8 - Baiboly Katolika

⁸ Koa manaova àry asa fibebahana mendrika tsara,

Baiboly Protestanta Malagasy 2011

⁸ Koa mamoaza voa mendrika ny fibebahana ianareo;

DIEM PROTESTANTA

⁸ Asehoy amin’ny fitondrantena mendrika fa nialanareo tokoa ny toe-dratsinareo.

Dikateny Iombonana Eto Madagasikara

⁸ Asehoy amin’ny fitondrantena mendrika fa nialanareo tokoa ny toe-dratsinareo.

Baiboly Protestanta Malagasy

⁸ Koa mamoaza voa mendrika ny fibebahana hianareo;

Malagasy Bible

⁸ Koa mamoaza voa miendrika ny fibebahana ianareo;

La Bible en Malgache

⁸ Koa mamoaza voa mendrika ny fibebahana ianareo;

Matio 3:8 Rohy Ifampitohizana

Jeremia 26:13

Koa ankehitriny, ahitsio ny lalanareo sy ny ataonareo; ary mihainoa ny feon’i Iaveh Andriamanitrareo, dia hanenenan’i Iaveh ny loza nolazainy hamelezana anareo.

Jeremia 36:3

Fa angamba dia hohenoin’ny taranak’i Jodà ny loza rehetra kasaiko hatao aminy, mba hiovany, hialany amin’ny lalan-dratsiny avy, ka hamelako ny helony amam-pahotany.

Matio 21:32

«Fa tonga teto aminareo tamin’ny lalan’ny fahamarinana i Joany, nefa ianareo tsy nino azy; fa ny Poblikanina sy ny vehivavy janga no nino azy; ary ianareo, na dia nahita izany aza, dia tsy mbola nanenina akory mba hinoanareo azy.»

Lioka 3:8

Manaova asa mendrika vokatry ny fibebahana, ary aza manao anakampo hoe: ‹I Abrahama no rainay›; fa lazaiko marina aminareo fa azon’Andriamanitra atao ny manangana zanaka ho an’i Abrahama na dia amin’ireto vato ireto aza.

Asan’ny Apostoly 26:20

fa nitory ny fibebahana sy ny fiverenana amin’Andriamanitra tany Damasy aloha, vao tany Jerosalema, sy eran’i Jodea manontolo, ary tamin’ny Jentily koa, mba hanaovany asa mendrika ny fibebahana.

Efesiana 5:8

Taloha ianareo no maizina, fa ankehitriny efa mazava ao amin’ny Tompo, ka mandehana toy ny zanaky ny mazava.

Efesiana 5:9

Ary ny vokatry ny mazava dia ny soa, ny mety ary ny marina rehetra.

Filipiana 1:11

ary feno ny vokatry ny fahamarinana avy amin’i Jesoa Kristy, ho voninahitra sy fiderana an’Andriamanitra.