Matio 27:30 - Baiboly Katolika

³⁰ Dia nororany Izy, ary nalainy ny volotara ka nikapohany ny lohany.

Baiboly Protestanta Malagasy 2011

³⁰ Dia nororany Izy, ary nalainy ny volotara ka nokapohiny ny lohany.

DIEM PROTESTANTA

³⁰ Dia nororan-dry zareo Izy ary nalainy ilay volotara ka nikapohany ny lohany.

Dikateny Iombonana Eto Madagasikara

³⁰ Dia nororan-dry zareo Izy ary nalainy ilay volotara ka nikapohany ny lohany.

Baiboly Protestanta Malagasy

³⁰ Dia nororany Izy, ary nalainy ny volotara, ka nokapohiny ny lohany.

Malagasy Bible

³⁰ Dia nororany Izy, ary nalainy ny volotara ka nokapohiny ny lohany.

La Bible en Malgache

³⁰ Dia nororany Izy, ary nalainy ny volotara ka nokapohiny ny lohany.

Matio 27:30 Rohy Ifampitohizana

Isaia 49:7

Izao no lazain’i Iaveh, ilay Mpanavotra sy ilay Masin’i Israely; amin’ilay esoina sy tevatevain’ny vahoaka, mpanompon’ny mpanapaka masiaka: «Hahita anao ny mpanjaka, ka hitsangana; ary ny mpanapaka, ka hiankohoka, noho ny amin’i Iaveh izay mahatoky, sy ilay Masin’i Israely izay nifidy anao.»

Isaia 50:6

Natolotro tamin’ny mpikapoka ahy ny lamosiko; ary tamin’ireo nanongotra ny volombavako, ny takolako; ary ny tavako tsy nafeniko tamin’ny latsa sy ny rora.

Isaia 52:14

Toy ny nigagan’ny maro nahita azy, - fa rava endrika loatra izy, ka ny tarehiny efa hoatra ny tsy tarehin’olombelona intsony; ary ny tavany efa hoatra ny tsy tavan-janak’olombelona intsony, -

Isaia 53:3

Noesorina sy nilaozan’ny olona Izy, olona ory sady zatra ny fijaliana; hoatra ny zavatra hisaronan’ny olona tava; natao faneso sy tsy nahoantsika velively.

Isaia 53:7

Vonoina Izy, ary mandefitra, tsy niloa-bava akory Izy; tahaka ny zanak’ondry entina hovonoina, tahaka ny ondry vavy eo anatrehan’izay manety azy; tsy miloa-bava akory.

Mika 5:1

Ary ianao, ry Betleema Efratà, kely tsy tokony ho isan’ireo arivon’i Jodà akory, avy aminao no hivoaka ho Ahy ilay tsy maintsy ho Mpanapaka amin’i Israely, ary ny niandohany dia efa hatramin’ny andro fahagola, hatramin’ny andro mandrakizay.

Matio 26:67

Dia nororany ny tavany ka nasiany totohondry Izy;

Marka 10:34

dia ho esoiny, hororany, hokapohiny, ary hovonoiny, fa hitsangana indray amin’ny andro fahatelo.»

Marka 14:65

ka ny sasany nandrora Azy, dia nanarona ny Tavany, sy namely totohondry Azy ary nanao hoe: «Vinanio»; ny mpanompo avy no namely tehamaina Azy.

Marka 15:19

Sady nikapoka volotara ny lohany sy nandrora Azy, ary nandohalika nitsaoka Azy.