Matio 26:45 - Baiboly Katolika

⁴⁵ Izay vao nankeo amin’ny mpianany Izy ka nanao taminy hoe: «Matoria amin’izao ianareo, ary mialà sasatra, indro fa efa antomotra ny fotoana, ary efa hatolotra eo an-tanan’ny mpanota ny Zanak’olona.

Baiboly Protestanta Malagasy 2011

⁴⁵ Niverina teo amin’ny mpianatra indray Izy avy eo sady niteny hoe: Matoria ary ianareo ankehitriny ka mialà sasatra, indro, efa akaiky ny ora, ary ny Zanak’Olona dia hatolotra eo an-tanan’ny mpanota.

DIEM PROTESTANTA

⁴⁵ Ary niverina Izy nankeo amin’ny mpianany telo lahy, ka nanao taminy hoe: –Mbola matory sy miala sasatra ihany ve ianareo? Indro efa akaiky ny fotoanandro, ary efa hatolotra eo am-pelatanan’ny mpanota ny Zanak’olona!

Dikateny Iombonana Eto Madagasikara

⁴⁵ Ary niverina Izy nankeo amin’ny mpianany telo lahy, ka nanao taminy hoe: –Mbola matory sy miala sasatra ihany ve ianareo? Indro efa akaiky ny fotoanandro, ary efa hatolotra eo am-pelatanan’ny mpanota ny Zanak’olona!

Baiboly Protestanta Malagasy

⁴⁵ Dia nankeo amin’ny mpianatra Izy ka nanao taminy hoe: Matoria ary ankehitriny, ka mialà sasatra hianareo; indro, efa akaiky ny ora, ary ny Zanak’olona hatolotra eo an-tànan’ny mpanota.

Malagasy Bible

⁴⁵ Dia nankeo amin'ny mpianatra Izy ka nanao taminy hoe: Matoria ary ankehitriny, ka mialà sasatra ianareo; indro, efa akaiky ny ora, ary ny Zanak'olona hatolotra eo an-tànan'ny mpanota.

La Bible en Malgache

⁴⁵ Niverina teo amin’ny mpianatra indray Izy avy eo sady niteny hoe: Matoria ary ianareo ankehitriny ka mialà sasatra, indro, efa akaiky ny ora, ary ny Zanak’Olona* dia hatolotra eo an-tanan’ny mpanota.

Matio 26:45 Rohy Ifampitohizana

1Mpanjaka 18:27

Nony nitataovovonana ny andro, nesoesoin’i Elia teo izy ireo, nataony hoe: «Miantsoa mafy, fa andriamanitra moa izy, ka sao dia revo mandinika, na varian-javatra, na lasa nivahiny: matory angamba izy, ka dia hifoha.»

Mpitoriteny 11:9

Ry zatovo, mifalia dieny mbola tanora ianao; aoka hahazo firavoravoana amin’ny fonao ianao amin’ny andron’ny fahatanoranao! Mandehana any amin’izay lalan’ny fonao, sy araka izay fijerin’ny masonao. Fantaro anefa fa izany rehetra izany dia hiantsoan’Andriamanitra anao hotsaraina.

Matio 26:18

Dia hoy i Jesoa taminy: «Mankanesa any an-tanàna ao amin-dRanona ka lazao aminy hoe: ‹Hoy ny Mpampianatra: Efa akaiky ny fotoan’androko, ka hanao ny Paka ato aminao Aho sy ny mpianatro.› »

Matio 26:2

«Fantatrareo fa raha afaka indroa andro dia tonga ny Paka, ary ny Zanak’olona hatolotra hofantsihana amin’ny Hazofijaliana.»

Matio 26:44

dia nilaozany ireo ka nandeha indray Izy nivavaka fanintelony, ary ny teniny teo no naveriny.

Matio 26:46

Mitsangàna ianareo, andeha isika; fa efa akaiky ilay hamadika Ahy.»

Marka 14:35

Dia nandroso kely Izy, ka niankohoka tamin’ny tany, ary nivavaka mba ho afaka amin’izany ora izany, raha azo atao,

Lioka 22:53

Teo aminareo isan’andro tao an-Tempoly Aho, nefa tsy nikasi-tanana Ahy akory ianareo; fa izao tonga ny fotoanareo sy ny herin’ny maizina.»

Jaona 12:23

Ary namaly azy i Jesoa, ka nanao hoe: «Tonga ny fotoana hanomezam-boninahitra ny Zanak’olona.

Jaona 12:27

Ankehitriny, mitebiteby ny fanahiko, ka inona re no holazaiko? Raiko ô, vonjeo Aho ho afaka amin’ity ora ity. Nefa izao indrindra no nahatongavako ho amin’izao ora izao.

Jaona 13:1

Talohan’ny fetin’ny Paka, fantatr’i Jesoa fa tonga ny fotoana hialany amin’izao tontolo izao ho any amin’ny Ray, ka rehefa notiaviny tokoa ny Azy izay amin’izao tontolo izao, dia fara fitiavana no nataony taminy.

Jaona 17:1

Rehefa voalazan’i Jesoa izany, dia niandrandra ny lanitra Izy, ka nanao hoe: Raiko ô, tonga ny fotoana: omeo voninahitra ny Zanakao mba hanomezan’ny Zanaka voninahitra Anao,