Matio 23:16 - Baiboly Katolika

¹⁶ Mila loza ianareo, ry mpitari-dalana jamba izay manao hoe: Raha misy mianiana amin’ny Tempoly, dia tsy mampaninona izany; fa raha misy mianiana amin’ny volamena izay ao amin’ny Tempoly, dia voafehy izy.

Baiboly Protestanta Malagasy 2011

¹⁶ Lozanareo, jamba nefa mpitarika izay milaza hoe: Raha misy mianiana amin’ny tempoly dia tsy mampaninona izany; fa raha misy mianiana amin’ny volamenan’ny tempoly dia mamato-tena izy.

DIEM PROTESTANTA

¹⁶ Mampalahelo ianareo, ry mpitari-dalana jamba! Fa hoy ianareo hoe: «Raha misy mianiana amin’ny Toeramasina, dia tsy voafehin’ny fianianany velively; fa raha misy mianiana amin’ny volamena raketin’ny Toeramasina, dia voafehin’ny fianianany.»

Dikateny Iombonana Eto Madagasikara

¹⁶ Mampalahelo ianareo, ry mpitari-dalana jamba! Fa hoy ianareo hoe: «Raha misy mianiana amin’ny Toeramasina, dia tsy voafehin’ny fianianany velively; fa raha misy mianiana amin’ny volamena raketin’ny Toeramasina, dia voafehin’ny fianianany.»

Baiboly Protestanta Malagasy

¹⁶ Lozanareo, mpitarika jamba izay manao hoe: Raha misy mianiana amin’ny tempoly, dia tsy mampaninona izany; fa raha misy mianiana amin’ny volamena amin’ny tempoly, dia haningo-tena izy.

Malagasy Bible

¹⁶ Lozanareo, mpitarika jamba izay manao hoe: Raha misy mianiana amin'ny tempoly, dia tsy mampaninona izany; fa raha misy mianiana amin'ny volamena amin'ny tempoly, dia haningo-tena izy.

La Bible en Malgache

¹⁶ Lozanareo, jamba nefa mpitarika izay milaza hoe: Raha misy mianiana amin’ny tempoly dia tsy mampaninona izany; fa raha misy mianiana amin’ny volamenan’ny tempoly dia mamato-tena izy.

Matio 23:16 Rohy Ifampitohizana

Isaia 9:16

Noho izany ny zatovon’izy ireo tsy ankasitrahin’ny Tompo, ary ny kamboty amam-mpitondratenany, tsy ananany antra; satria izy rehetra dia samy mpankahala fivavahana sy ratsy fanahy avokoa, ary ny lela rehetra mamoaka fankahalana ny fivavahana avokoa. Na izany rehetra izany aza anefa, tsy nihodivitra ny hatezerany, ary mbola mihinjitra ihany ny tanany.

Matio 15:14

Avelao izy, fa jamba mitari-dalana ny jamba, dia hianjera any an-kady izy roroa.»

Matio 23:13

Mila loza ianareo mpanora-dalàna sy Farisianina mpihatsaravelatsihy, fa hidianareo eo anoloan’ny olona ny fanjakan’ny lanitra; ka ny tenanareo tsy miditra, ny olona hiditra sakananareo.

Matio 23:17

Ry adala sy jamba, iza no ambonimbony kokoa, ny volamena sa ny Tempoly izay mahamasina ny volamena?

Matio 23:19

Ry jamba, iza no ambonimbony kokoa, ny fanatitra sa ny ôtely izay mahamasina ny fanatitra?

Matio 23:24

Ry mpitari-dalana jamba, ny moka tantavaninareo, nefa ny rameva atelinareo!

Matio 23:26

Ry Farisianina jamba, diovy aloha ny atin’ny kapoaka sy ny lovia, mba ho madio koa ny vohony.

Galatiana 5:3

Eny, averiko indray amin’ny olona rehetra manaiky hoforàna fa vao mainka koa voafehy hanatanteraka ny Lalàna rehetra aza izy.

Jakoba 5:12

Fa alohan’ny zavatra rehetra, ry kristianina havako, dia aza mianiana akory, na amin’ny lanitra, na amin’ny tany, na amin’ny zavatra hafa; fa aoka ny fanaikinareo ho eny, ary ny fandavanareo ho tsia, mba tsy hiharan’ny fitsarana aminareo;