Marka 8:11 - Baiboly Katolika

¹¹ Ary nanatona Azy ny Farisianina, ka niady hevitra taminy sy nangataka famantarana avy any an-danitra taminy, mba hakany fanahy Azy.

Baiboly Protestanta Malagasy 2011

¹¹ Ary tonga teo ny Fariseo dia nanomboka niady hevitra Taminy ka nitady famantarana avy any an-danitra mba hakany fanahy Azy.

DIEM PROTESTANTA

¹¹ Dia tonga ny Farisianina hiady hevitra amin’i Jesoa. Te hamandrika Azy ry zareo ka nangataka Azy hanao famantarana ho porofo fa avy amin’Andriamanitra ny fahefany.

Dikateny Iombonana Eto Madagasikara

¹¹ Dia tonga ny Farisianina hiady hevitra amin’i Jesoa. Te hamandrika Azy ry zareo ka nangataka Azy hanao famantarana ho porofo fa avy amin’Andriamanitra ny fahefany.

Baiboly Protestanta Malagasy

¹¹ Ary ny Fariseo nankany, dia niady hevitra taminy ary naka fanahy Azy ka nitady famantarana avy any an-danitra.

Malagasy Bible

¹¹ Ary ny Fariseo nankany, dia niady hevitra taminy ary naka fanahy Azy ka nitady famantarana avy any an-danitra.

La Bible en Malgache

¹¹ Ary tonga teo ny Fariseo* dia nanomboka niady hevitra Taminy ka nitady famantarana avy any an-danitra mba hakany fanahy Azy.

Marka 8:11 Rohy Ifampitohizana

Eksodosy 17:2

Ka nila akisa tamin’i Môizy ny vahoaka, nanao hoe: «Omeo rano izahay, hosotroinay.» Fa ho i Môizy namaly azy hoe: «Nahoana no dia mila akisa amiko ianareo? Nahoana no dia maka fanahy an’i Iaveh ianareo?»

Eksodosy 17:7

ary nomeny anarana hoe: Masah sy Meribah io fitoerana io, fa nila akisa ny zanak’i Israely, sy naka fanahy an’i Iaveh nanao hoe: «Eto afovoantsika va i Iaveh sa tsia?»

Malakia 3:15

Fa ankehitriny indro ny tsy mivavaka no lazaintsika hoe: sambatra; fa ambinina izay manao ny ratsy; maka fanahy an’Andriamanitra izy, nefa afa-potsiny.

Matio 12:38

Tamin’izay ny sasany tamin’ny mpanora-dalàna sy ny Farisianina namaly Azy hoe: «Tompo, mba te hahita famantarana avy aminao izahay.»

Matio 19:3

Ary nisy Farisianina nanatona Azy mba haka fanahy Azy, ka nanao hoe: «Mahazo misao-bady va ny lehilahy, na inona na inona antony?»

Matio 21:23

Ary rehefa tafiditra tao amin’ny Tempoly Izy ka nampianatra teo, dia nanatona Azy ny lohandohan’ny mpisorona sy ny loholona ka nanao hoe: «Fahefana avy aiza no anaovanao izao? ary iza no nahazoanao izany fahefana izany?»

Matio 22:15

Ary tamin’izay dia lasa ny Farisianina niray tetika hamandrika Azy amin’ny teniny.

Matio 22:18

Fa i Jesoa nahalala ny faharatsiany ka nanao hoe: «Ry mpihatsaravelatsihy, nahoana ianareo no maka fanahy Ahy?

Matio 22:23

Tamin’io andro io ihany koa dia nisy Sadoseanina, izay mandà ny fitsanganan’ny maty, tonga nanatona Azy sy nanontany Azy hoe:

Marka 12:15

Fa fantatr’i Jesoa ny fihatsarambelatsihiny, ka hoy Izy taminy: «Nahoana ianareo no maka fanahy Ahy? Itondray denie iray Aho hozahako.»

Marka 2:16

Nony nahita Azy niara-nihinana tamin’ny Poblikanina sy ny mpanota ny mpanora-dalàna mbamin’ny Farisianina dia nilaza tamin’ny mpianany hoe: «Nahoana ny Mpampianatrareo no miara-mihinana sy misotro amin’ny Poblikanina sy ny mpanota?»

Marka 9:16

ka novalian’ny anankiray tamin’ny vahoaka hoe: «Ry Mpampianatra ô, nitondra ny zanako lahy azon’ny demony moana nankatỳ aminao Aho:

Lioka 10:25

Ary indro mpampiana-dalàna anankiray nitsangana haka fanahy Azy ka nanao hoe: «Tompo ô, inona no hataoko hahazoako ny fiainana mandrakizay?»

Lioka 11:16

Ary ny sasany kosa naka fanahy Azy ka nangataka famantarana avy any an-danitra taminy.

Jaona 4:48

Fa hoy i Jesoa taminy: «Raha tsy mahita famantarana sy fahagagana ianareo, dia tsy mba mety mino.»

Jaona 6:30

Fa hoy ireo taminy: Inona àry no fahagagana ataonao, mba ho hitanay ka hinoanay Anao? Inona no asa ataonao?

Jaona 7:48

Jereo ange raha mba misy loholona na Farisianina iray akory nino Azy?

Jaona 8:6

Izy no nanao izany dia ny hakany fanahy Azy, mba hisy hiampangany Azy. Fa i Jesoa kosa niondrika dia nanoratra tamin’ny rantsan-tanany teo amin’ny tany.

Asan’ny Apostoly 5:9

Dia hoy i Piera taminy: «Nahoana ianareo no niray tetika haka fanahy ny Fanahin’ny Tompo? Indro mby eo am-baravarana ny tongotr’izay nandevina ny vadinao, ka hitondra anao koa.»

1Korintiana 10:9

Eny, aoka isika tsy haka fanahy an’i Kristy, tahaka ny nakan’ny sasany tamin’ireny fanahy Azy, ka matin’ny bibilava izy ireny;

Deoteronomia 6:16

«Aza maka fanahy an’i Iaveh Andriamanitrareo, tahaka ny nakanareo fanahy Azy tany Masah.