Marka 2:8 - Baiboly Katolika

⁸ Fantatr’i Jesoa tao amin’ny fanahiny niaraka tamin’izay fa nieritreritra izany tao anatiny izy ireo, ka hoy Izy taminy: «Nahoana ianareo no mihevitra toy izany ao am-ponareo?

Baiboly Protestanta Malagasy 2011

⁸ Avy hatrany Jesosy dia nahalala tao am-panahiny fa izany no eritreritra tao am-pon’ireo ka hoy Izy taminy: Nahoana ianareo no mieritreritra izany zavatra izany ao am-ponareo?

DIEM PROTESTANTA

⁸ Takatr’i Jesoa avy hatrany ny eritreritr’iretsy mpahay lalàna ka hoy Izy taminy: –Nahoana ianareo no mieritreritra izany ao am-ponareo?

Dikateny Iombonana Eto Madagasikara

⁸ Takatr’i Jesoa avy hatrany ny eritreritr’iretsy mpahay lalàna ka hoy Izy taminy: –Nahoana ianareo no mieritreritra izany ao am-ponareo?

Baiboly Protestanta Malagasy

⁸ Ary niaraka tamin’izay Jesosy dia nahalala tao am-panahiny fa nieritreritra izany tao am-pony ireo, dia hoy Izy taminy: Nahoana hianareo no mieritreritra izany zavatra izany ao am-ponareo?

Malagasy Bible

⁸ Ary niaraka tamin'izay Jesosy dia nahalala tao am-panahiny fa nieritreritra izany tao am-pony ireo, dia hoy Izy taminy: Nahoana ianareo no mieritreritra izany zavatra izany ao am-ponareo?

La Bible en Malgache

⁸ Avy hatrany Jesosy dia nahalala tao am-panahiny fa izany no eritreritra tao am-pon’ireo ka hoy Izy taminy: Nahoana ianareo no mieritreritra izany zavatra izany ao am-ponareo?

Marka 2:8 Rohy Ifampitohizana

1Tantara 29:17

Fantatro, ry Andriamanitra ô, fa mandinika ny fo Ianao, ary tia ny hitsim-po, ka an-tsitrapo no nanaovako izao fanatitra rehetra izao amin’ny fahitsian’ny foko; ary amin-kafaliana koa ankehitriny no ahitako ny vahoakako etoana, samy manolotra an-tsitrapo ny fanatiny ho Anao.

Salamo 139:2

fantatrao ny fipetrako sy ny fitsangako; tsinjovinao ny hevitro mbola lavitra.

Ohabolana 15:26

Halan’i Iaveh ny hevi-dratsy; fa madio eo imasony, ny teny maneho fitiavana.

Ohabolana 24:9

Ota no fikasan’ny adala, ary fahavetavetana eo imason’ny olona mpamazivazy.

Isaia 55:7

aoka ny ratsy fanahy hiala amin’ny lalany, ary ny meloka amin’ny heviny; ka hiverina amin’i Iaveh izy, dia hamindrany fo; dia amin’Andriamanitra fa mamela malalaka Izy.

Ezekiela 38:10

Izao no lazain’ny Tompo Iaveh: Amin’izany andro izany, hisy hevitra hitranga ao am-ponao, ka hamoron-tsain-dratsy ianao.

Matio 12:15

Fa nahalala izany i Jesoa ka dia niala teo. Maro ny vahoaka nanaraka Azy, ka nositraniny izay rehetra narary tamin’ireny;

Matio 16:7

Dia nieritreritra izy ireo ka nanao anakampo hoe: «Noho isika tsy nitondra mofo izay.»

Matio 9:4

Fa i Jesoa nahalala ny eritreriny ka nanao hoe: «Nahoana ianareo no mieritreri-dratsy ao am-ponareo?

Marka 2:7

«Ahoana no itenenan’ilay ity toy izany? Miteny ratsy an’Andriamanitra lahy Izy. Iza no mahavela fahotana afa-tsy Andriamanitra irery ihany?»

Marka 2:9

Inona no moramora kokoa, ny manao amin’ity malemy ity hoe: ‹Voavela ny helokao, sa ny manao hoe: Mitsangàna, batao ny fandrianao, ary mandehana?›

Marka 7:21

satria avy ao anaty, dia avy amin’ny fon’ny olona no iavian’ny sain-dratsy: dia ny fakàm-badin’olona, ny fijangajangana, ny famonoana olona,

Lioka 24:38

Ka hoy Izy taminy: «Nahoana no mitebiteby ianareo, ary nahoana no miahanàhana ao am-ponareo?

Lioka 5:22

Fa fantatr’i Jesoa ny heviny, ka hoy Izy taminy: «Nahoana ianareo no mieritreritra ao am-ponareo?

Lioka 6:8

Fa fantatr’i Jesoa kosa ny hevitr’izy ireo, ka hoy Izy tamin’ilay maty tanana: «Mitsangàna ka mijoroa etsy afovoany.» Dia nitsangana ilay io ka nijoro,

Jaona 21:17

Ary hoy indray Izy taminy fanintelony: «Ry Simôna zanak’i Joany, moa tianao va Aho?» Dia nalahelo i Piera fa nanontaniany fanintelony hoe: Moa tia Ahy va ianao? ka hoy izy taminy: «Ianao mahalala ny zavatra rehetra, Tompoko, ka fantatrao fa tiako Ianao.» Dia hoy Izy taminy: Fahano àry ny reniondriko.

Jaona 6:64

Ny Fanahy no mahavelona, ny nofo tsy mahasoa ohatrinona akory: ny teny voalazako taminareo dia fanahy sy fiainana.

Asan’ny Apostoly 5:3

Fa hoy i Piera: «Ry Anania, nahoana i Satana no nameno ny fonao handainga amin’ny Fanahy Masina, ka hanafina ny vola sasany amin’ny vidin’ny tany?

Asan’ny Apostoly 8:22

Koa mibebaha amin’izao haratsianao izao, ary mangataha amin’ny Tompo mba hamela izany hevitry ny fonao izany raha azo atao,

Hebreo 4:13

Tsy misy zava-boaary miafina eo anatrehan’Andriamanitra, fa mihanjahanja sy miharihary eo imason’Izy hampamoaka antsika ny zavatra rehetra.

Apokalipsy 2:23

Hasiako amin’ny fahafatesana ny zanany, dia ho fantatry ny Eglizy rehetra fa Izaho no mandinika ny voa sy ny fo, ary homeko araka ny asanareo avy ianareo rehetra.