Marka 2:5 - Baiboly Katolika

⁵ Ary i Jesoa, nony nahita ny finoan’ireo, dia nanao tamin’ilay malemy hoe: «Anaka, voavela ny helokao.»

Baiboly Protestanta Malagasy 2011

⁵ Ary Jesosy, nony nahita ny finoan’ireo, dia niteny tamin’ilay malemy hoe: Anaka, voavela ny helokao.

DIEM PROTESTANTA

⁵ Hitan’i Jesoa ny finoan’ireto olona ka hoy Izy tamin’ilay malemy: –Voavela ny helokao, anaka!

Dikateny Iombonana Eto Madagasikara

⁵ Hitan’i Jesoa ny finoan’ireto olona ka hoy Izy tamin’ilay malemy: –Voavela ny helokao, anaka!

Baiboly Protestanta Malagasy

⁵ Ary Jesosy, nony nahita ny finoan’ireo dia, nanao tamin’ilay mararin’ny paralysisa hoe: Anaka, voavela ny helokao.

Malagasy Bible

⁵ Ary Jesosy, nony nahita ny finoan'ireo, dia nanao tamin'ilay mararin'ny paralysisa hoe: Anaka, voavela ny helokao.

La Bible en Malgache

⁵ Ary Jesosy, nony nahita ny finoan’ireo, dia niteny tamin’ilay malemy hoe: Anaka, voavela ny helokao.

Marka 2:5 Rohy Ifampitohizana

Genesisy 22:12

Dia hoy ny Anjely: «Aza manainga ny tananao hamely ny zaza, ary aza maninomaninona azy akory, fa efa hitako izao fa matahotra an’Andriamanitra ianao, sady tsy nandà ianao fa nahafoy ny zanakao, ilay lahitokanao ho Ahy.»

Salamo 103:3

Fa Izy no mamela ny helokao rehetra, manasitrana ny aretinao rehetra.

Isaia 38:17

koa indro manjary fiadanana ho ahy ny mangidy mafy indrindra. Nanesotra ny fanahiko Ianao, teo amin’ny lavaka famoizana; narianao any ivohonao ny fahotako rehetra.

Isaia 53:11

Noho ny fijalian’ny fanahiny, dia hahita Izy, ka ho afa-po. Ilay marina, mpanompoko, noho ny fijaliany, hanamarina olona betsaka, ary ny Tenany hivesatra ny helok’ireo.

Matio 9:2

Dia indro nisy lehilahy anankiray malemy nandry tamin’ny fandriany nentin’ny olona teo aminy. Nony nahita ny finoan’ireo i Jesoa, dia hoy Izy tamin’ilay malemy: «Matokia, anaka, fa voavela ny helokao.»

Matio 9:22

Ary nitodika i Jesoa ka nahita azy, dia nanao hoe: «Matokia, anaka, ny finoanao no nahasitrana anao.» Hatramin’izay dia sitrana ravehivavy.

Matio 9:5

Inona no moramora kokoa, ny manao hoe: Voavela ny helokao, sa ny manao hoe: Mitsangàna, ka mandehana?

Marka 2:6

Fa nisy mpanora-dalàna sasany nipetraka teo ka nanao anakampo hoe:

Marka 5:34

Ary hoy Izy taminy: «Anaka, ny finoanao no nahavonjy anao; mandehana amim-piadanana, ary sitràna amin’ny aretinao.»

Lioka 5:20

Nony nahita ny finoan’izy ireo i Jesoa, dia nanao hoe: «Ralehilahy, voavela ny helokao.»

Lioka 8:48

Ary hoy i Jesoa taminy: «Anaka, ny finoanao no nahavonjy anao; mandehana amim-piadanana.»

Jaona 2:25

sady tsy mba nila olona hilaza aminy ny amin’ny olona Izy, fa ny Tenany ihany dia nahalala izay ao am-pon’ny olona.

Jaona 5:14

Taorian’izany dia hitan’i Jesoa tao an-Tempoly ralehilahy ka hoy Izy taminy: «Indro efa sitrana ianao, ka aza manota intsony sao dia ratsy noho ny teo indray no hanjò anao.»

Asan’ny Apostoly 11:23

Nony tonga tany izy ka nahita ny fahasoavan’Andriamanitra, dia faly sy namporisika azy rehetra mba haharitra ao amin’ny Tompo amin-kerim-po.

Asan’ny Apostoly 14:9

dia hoy izy tamin’ny feo mahery: «Mitsangàna, ka mijoroa amin’ny tongotrao.» Dia niantsàmbotra ralehilahy, ka namindra.

Asan’ny Apostoly 5:31

Izy nasandratry ny tanana ankavanan’Andriamanitra ho Mpifehy sy Mpamonjy, mba hanome fibebahana sy famelan-keloka an’i Israely.

1Korintiana 11:30

Izany no mahabe marary sy farofy eo aminareo, ary maro aza no maty.

2Korintiana 2:10

Izay avelanareo heloka dia avelako koa; fa raha ny amiko, izay heloka navelako, raha mba nisy navelako, dia noho ny aminareo, sy teo imason’i Kristy no namelako azy,

Efesiana 2:8

Satria fahasoavana no namonjena anareo, ka tsy avy aminareo izany, fa fanomezana avy amin’Andriamanitra,

Kolosiana 3:13

Aoka hifandefitra sy hifamela heloka, raha misy manana alahelo amin’ny namany. Aoka ho tahaka ny namelan’ny Tompo heloka anareo no hamelanareo heloka koa.

Jakoba 5:15

Ary ny vavaka atao am-pinoana hamonjy ny marary; dia hanamaivana ny rofiny ny Tompo, ary hamela izay heloka vitany.