Marka 12:2 - Baiboly Katolika

² Nony tonga ny fotoana, dia naniraka ankizilahy anankiray ho any amin’ny mpamboly izy mba handray ny vokatry ny tanimboaloboka:

Baiboly Protestanta Malagasy 2011

² Rehefa tonga ny fotoanan’ny vokatra dia naniraka mpanompo iray izy hankany amin’ireo mpiasa tany mba handray ampahany amin’ny vokatry ny tanim-boaloboka.

DIEM PROTESTANTA

² Nony tonga ny taom-piotazana, dia nanirahany mpiasa ireo mpamboly handray ny ampaham-bokatry ny tanimboaloboka.

Dikateny Iombonana Eto Madagasikara

² Nony tonga ny taom-piotazana, dia nanirahany mpiasa ireo mpamboly handray ny ampaham-bokatry ny tanimboaloboka.

Baiboly Protestanta Malagasy

² Ary nony tonga ny fotoana, dia naniraka mpanompo anankiray izy hankany amin’ny mpiasa tany handray amin’ny vokatry ny tanimboaloboka.

Malagasy Bible

² Ary nony tonga ny fotoana, dia naniraka mpanompo anankiray izy hankany amin'ny mpiasa tany handray amin'ny vokatry ny tanim-boaloboka.

La Bible en Malgache

² Rehefa tonga ny fotoanan’ny vokatra dia naniraka mpanompo iray izy hankany amin’ireo mpiasa tany mba handray ampahany amin’ny vokatry ny tanim-boaloboka.

Marka 12:2 Rohy Ifampitohizana

2Mpanjaka 17:13

Nitsangan-ko vavolombelona anefa i Iaveh tamin’ny alalan’ny mpaminany sy ny mpahitany niampanga an’i Israely sy i Jodà nanao hoe: «Miverena avy amin’ny lalan-dratsinareo, ka tandremo ny didy amam-pitsipiko, amim-panarahana ny lalàna manontolo, nandidiako ny razanareo sy nampitondraiko ny mpaminany mpanompoko, ho any aminareo.»

2Tantara 36:15

Malaky sady matetika no nampitondra teny fananarana tany amin’izy ireo, i Iaveh Andriamanitry ny razany, tamin’ny alalan’ny irany, fa nangoraka ny vahoakany sy ny fonenany izy.

Ezra 9:11

dia efa nolazainao taminay, tamin’ny vavan’ireo mpaminany mpanomponao, hoe: Ny tany hidiranareo hangalanareo azy ho fanananareo dia tanim-pahalotoana efa voaloton’ny fahalotoan’ireo vahoakan’ireo tany ireo sy azon’ny fahavetavetana nasafony azy hatrizay hatrizay noho ny fahalotoan’izy ireo.

Salamo 1:3

Tahaka ny hazo nambolena eo amoron’ny ranovelona izy, ka ny voany tonga amin’ny fotoany; ny raviny tsy mba malazo; ny ataony rehetra vanona avokoa.

Jeremia 35:15

Nirahiko tany aminareo ny mpaminany rehetra, mpanompoko, sady nirahiko hatramin’ny vao maraina, hilaza aminareo hoe: Samia miala amin’ny lalan-dratsinareo avy ianareo; hatsarao ny fitondran-tenanareo; aza mandeha manaraka andriamani-kafa mba hanompo azy; dia honina amin’ny tany nomeko anareo, dia ny tenanareo sy ny razanareo, ianareo; kanefa tsy nanongilan-tsofina ianareo, na nihaino Ahy akory.

Jeremia 44:4

Efa naniraka ny mpaminany mpanompoko rehetra taminareo Aho, sady naniraka azy hatramin’ny vao maraina, hilaza aminareo hoe: «Aza dia manao izany fahavetavetana hàlako izany ianareo.»

Mika 7:1

Indrisy! Ity izaho toy ny rehefa vita ny fitoazam-boankazo fahavaratra, toy ny rehefa vita ny fitsimponam-boaloboka efa voaoty: tsy misy salohy iray akory hohanina! Ny voaloham-boan’aviavy, izay tsiriritin’ny fanahiko, tsy misy na iray aza.

Zakaria 7:7

Moa tsy eo va ireo teny nolazain’i Iaveh tamin’ny vavan’ny mpaminany fahiny, fony mbola nonenana sy nandry feizay i Jerosalema, mbamin’ny zana-bohiny manodidina azy, sady mbola nonenana koa ny Negeba sy ny Sefelah?› »

Matio 21:34

Nony tonga ny taom-pahavokarana, dia nirahiny ho any amin’ireo mpiasa ny ankizilahy, handray ny vokatry ny tanimboalobony;

Marka 12:1

Ary niteny tamin’izy ireo tamin’ny fanoharana Izy nanao hoe: «Nisy lehilahy anankiray namboly voaloboka, ka namefy azy manodidina, nandavaka tany hanaovana famiazana, nanorina tilikambo tao, ary nampanofa azy tamin’ny mpamboly voaloboka, dia lasa nankany an-tany hafa.

Marka 12:3

fa nosamborin’izy ireo ilay mpanompo, ka sady nokapohiny no nampodiny maina.

Lioka 12:48

fa izay tsy nahalala kosa, na nanao zavatra mendri-pamaizana aza, dia hokapohina kelikely ihany. Izay nomena be no hitakiana be, ary izay nanankinana be no hadinina be koa.»

Lioka 20:10

Nony tonga ny taom-pahavokarana dia naniraka mpanompo anankiray tany amin’ny mpiasa izy, mba haka amin’ny vokatry ny tanimboalobony; nefa nokapohin’izy ireo sy nampodiny maina.

Hebreo 1:1

Fahiny, tamin’ny fotoana sy ny fomba samihafa, dia efa niteny tamin’ny razantsika Andriamanitra, tamin’ny vavan’ny mpaminany;