Malakia 3:11 - Baiboly Katolika

¹¹ Noho ny aminareo, dia horoahiko ny biby madinika mpandany; ka tsy hanimba ny vokatry ny taninareo intsony, ary tsy hisy tsy hahavanom-boa ny voaloboka any an-tsahanareo, hoy i Iaveh’ny tafika.

Baiboly Protestanta Malagasy 2011

¹¹ Hasiako teny mafy noho ny aminareo ny valala ka tsy hanimba ny vokatry ny tany intsony ireny fa hahavanom-boa ny voalobokareo any an-tsaha, hoy Andriamanitra, Tompon’izao rehetra izao.

DIEM PROTESTANTA

¹¹ Tsy havelako hanimba ny volinareo ny bibikely ka hahavanom-boa ny voalobokareo any an-tsaha, hoy Izaho TOMPOn’izao rehetra izao.

Dikateny Iombonana Eto Madagasikara

¹¹ Tsy havelako hanimba ny volinareo ny bibikely ka hahavanom-boa ny voalobokareo any an-tsaha, hoy Izaho TOMPOn’izao rehetra izao.

Baiboly Protestanta Malagasy

¹¹ Ary hasiako teny mafy ny valala noho ny aminareo, ka tsy hanimba ny vokatry ny tany intsony ireny, ka dia hahavanom-boa ny voalobokareo any an-tsaha, hoy Jehovah, Tompon’ny maro.

Malagasy Bible

¹¹ Ary hasiako teny mafy ny valala noho ny aminareo, ka tsy hanimba ny vokatry ny tany intsony ireny, ka dia hahavanom-boa ny voalobokareo any an-tsaha, hoy Jehovah, Tompon'ny maro.

La Bible en Malgache

¹¹ Hasiako teny mafy noho ny aminareo ny valala ka tsy hanimba ny vokatry ny tany intsony ireny fa hahavanom-boa ny voalobokareo any an-tsaha, hoy Andriamanitra, Tompon’izao rehetra izao.

Malakia 3:11 Rohy Ifampitohizana

Jeremia 8:13

Indro horaofiko izy ireo, dia hongoahako, - teny marin’i Iaveh. - Ny voaloboka tsy misy voam-boaloboka intsony; ny aviavy tsy misy voan’aviavy intsony, ary ny raviny aza malazo! Ary izy ireo, nanendreko olona hanafika ny taniny.

Hosea 2:21

Hofofoiko mba ho Ahy mandrakizay ianao; hofofoiko ho Ahy ianao amin’ny rariny sy ny hitsiny, ary amin’ny fahasoavana sy ny fitiavana;

Joela 1:12

Mangaihay ny voaloboka, ary reraka ny aviavy; ny ampongabendanitra mbamin’ny antrendry sy ny paoma, dia ny hazo rehetra any an-tsaha, no efa maina avokoa; menatra ny hafaliana ka nihataka lavitra ny zanak’olombelona.

Joela 1:4

Ny sisan’ny Gazàna nohanin’ny valala; ny sisan’ny valala nohanin’ny ieleka ny sisan’ny ieleka nohanin’ny kasila.

Joela 1:7

Nosimbany ny voaloboko; notapatapahiny ny aviaviko; dia nataony makiky sady nazerany ireny; ary tonga tena fotsy mihitsy ny rantsany.

Joela 2:20

Hampanalaviriko anareo ilay avy any avaratra, ka horoahiko ho any amin’ny tany karankaina sy efitra izy; Ny lohalalany ho any amin’ny ranomasina atsinanana. Ny vodilalany ho any amin’ny ranomasina andrefana; ka fofona mantsina no hanetona avy aminy, ary hiakatra ny fahamaimboany!» Satria nahefa zava-dehibe izy!

Joela 2:22

Aza matahotra, ry biby any an-tsaha, fa ny kijana any an’efitra efa nihamaitso indray, ny hazo, efa namoa; ny aviavy amam-boaloboka nanolotra ny vokany sarobidy

Joela 2:25

Honerako aminareo ny taona nolevonin’ny valala sy ny ieleka ary ny kasila sy ny gazàna, izay tafiko lehibe efa nalefako hamely anareo.

Amosa 4:9

Nasiako ianareo, tamin’ny fahalòvan’ny vary sy tamin’ny tomboka; ny zaridainanareo maro, ny tanimboalobokareo, sy ny aviavy aman’ôlivanareo, dia ny valala no nihinana izany, nefa tsy niverina tamiko ihany ianareo, - teny marin’i Iaveh. -

Habakoka 3:17

Satria amin’izany ny aviavy tsy hamontsina, ny voaloboka tsy hisy hotoazana; ny ôliva tsy hisy voany; ary ny saha tsy hahavoka-kanina; tsy hisy intsony ao amin’ny vala ny ondry ary ny fahitra tsy hisy omby intsony.

Hagay 1:11

Niantso ny fahamainana Aho, ho amin’ny tany sy ny tendrombohitra, ho amin’ny vary, ny divay vaovao, ny diloilo, sy izay rehetra mety ho vokatry ny tany, mbamin’ny olona sy ny biby, ary ny asan-tanana rehetra.

Hagay 2:17

Nasiako tamin’ny vary maty fotsy, sy ny ahi-dratsy aman-kavandra ianareo; nasiako avokoa ny asan-tananareo; nefa tsy mbola niverina tamiko ihany ianareo, - teny marin’i Iaveh. -

Zakaria 8:12

- Fa ny voa afafy hirobona, ny voaloboka, hamoa ny voany; ny tany, hahavokatra ny vokany; ny lanitra, handatsaka ny andony; ary izay sisa amin’ity firenena ity no hataoko tompon’izany zavatra rehetra izany.

Deoteronomia 11:14

dia rotsahako ranonorana ny taninareo amin’ny fotoana, na loha-orana na fara-orana, ary ianao hanangona ny varinao sy ny divainao vaovao ary ny diloilonao;