Levitikosy 3:6 - Baiboly Katolika

⁶ «Raha biby madinika, lahy na vavy, no aterina ho sorom-pihavanana amin’i Iaveh, dia izay tsy misy kilema no aterina.»

Baiboly Protestanta Malagasy 2011

⁶ Raha ondry na osy no atolony ho fanati-pihavanana ho an’NY TOMPO dia izay tsy misy kilema, na lahy na vavy, no hatolony.

DIEM PROTESTANTA

⁶ «Rehefa ondry na osy no atolotra amin’ny TOMPO ho sorom-pihavanana, dia izay tsy misy kilema, na lahy na vavy, no aoka hatolotra.

Dikateny Iombonana Eto Madagasikara

⁶ «Rehefa ondry na osy no atolotra amin’ny TOMPO ho sorom-pihavanana, dia izay tsy misy kilema, na lahy na vavy, no aoka hatolotra.

Baiboly Protestanta Malagasy

⁶ Ary raha ondry na osy no ateriny ho fanati-pihavanana ho an’i Jehovah, dia izay tsy misy kilema, na lahy na vavy, no hateriny.

Malagasy Bible

⁶ Ary raha ondry na osy no ateriny ho fanati-pihavanana ho an'i Jehovah, dia izay tsy misy kilema, na lahy na vavy, no hateriny.

La Bible en Malgache

⁶ Raha ondry na osy no atolony ho fanati-pihavanana ho an’NY TOMPO dia izay tsy misy kilema, na lahy na vavy, no hatolony.

Levitikosy 3:6 Rohy Ifampitohizana

Isaia 60:7

Hivory ao aminao ny biby fiompy rehetra any Sedara; hozakainao ny ondralahin’i Nabaiôta, hiakatra ho fanatitra ankasitrahina eo ambony ôteliko ireny, ary hataoko be voninahitra ny tranon’ny voninahitrao.

Levitikosy 1:10

Raha biby madinika no ataony fanatitra, zanak’ondry na osy hatao sorona dorana, dia izay lahy tsy misy kilema no hateriny,

Levitikosy 1:2

Mitenena amin’ny zanak’i Israely ka lazao aminy hoe: Raha misy aminareo hanao fanatitra amin’i Iaveh dia biby fiompy no ataovy, na ny vaventy na ny madinika.

Levitikosy 19:5

Raha manatitra sorom-pihavanana amin’i Iaveh ianareo, ataovy araka izay hahazoanareo sitraka aminy, izany.

Levitikosy 22:20

Aza manatitra izay manan-kilema fa tsy hankasitrahina izany.

Levitikosy 23:19

Dia mamonoa koa osy lahy iray ho sorona noho ny ota, sy zanak’ondry roa, efa iray taona, ho sorom-pihavanana.

Nomery 15:5

hanao fanatitra hararaka, divay hampahefatry ny hina, miaraka amin’ny sorona dorana, na ny sorom-pihavanana, isan-janak’ondry.

Nomery 6:14

ka hanatitra ny fanatiny ho an’i Iaveh, zanak’ondry efa iray taona, tsy misy kilema, iray hatao sorona dorana; ondry vavy iray tsy misy kilema, efa iray taona, hatao sorona noho ny ota; ondry lahy iray tsy misy kilema hatao fanati-pihavanana;

Asan’ny Apostoly 4:27

Fa efa nikaon-doha marina tokoa teto amin’ity tanàna ity i Herôda sy i Pôntsy Pilaty ary ny Jentily mbamin’ny vahoaka Israely hanohitra an’i Jesoa Mpanomponao masina voahosotrao,

Galatiana 3:28

Ka tsy misy Jody na Jentily intsony; tsy misy mpanompo na tsy mpanompo, tsy misy lahy na vavy intsony, fa tena iray ihany ianareo rehetra ao amin’i Kristy Jesoa.

Galatiana 4:4

fa rehefa feno ny andro, dia nirahin’Andriamanitra ny zanany, nateraky ny vehivavy, sy nateraka teo ambanin’ny Lalàna,

Efesiana 1:10

rehefa feno ny andro: dia ny hanakapohana ny zavatra rehetra ho iray ao amin’i Kristy, na ny any an-danitra, na ny etỳ an-tany.