Levitikosy 23:32 - Baiboly Katolika

³² Sabata ho anareo izany, fitsaharana amin’ny asa rehetra, ary hampijaly tena ianareo. Ny andro fahasivin’ny volana amin’ny hariva, hatramin’ny harivan’iny ka hatramin’ny ampitso dia hitandrina ny sabatanareo ianareo.»

Baiboly Protestanta Malagasy 2011

³² Ho Sabata izany, tena andro fitsaharana ho anareo ary hifady hanina ianareo; amin’ny andro fahasivy amin’ny volana, rehefa hariva, manomboka ny hariva ka hatramin’ny ampitso hariva no hitandremanareo ny Sabata, andro fitsaharanareo.

DIEM PROTESTANTA

³² Ho tena fitsaharana ho anareo io andro io, ary hifadianareo hanina; miantomboka amin’ny harivan’ny andro fahasivin’ny volana ka miafara amin’ny ampitso hariva no hitandremanareo io fitsaharanareo io.»

Dikateny Iombonana Eto Madagasikara

³² Ho tena fitsaharana ho anareo io andro io, ary hifadianareo hanina; miantomboka amin’ny harivan’ny andro fahasivin’ny volana ka miafara amin’ny ampitso hariva no hitandremanareo io fitsaharanareo io.»

Baiboly Protestanta Malagasy

³² Ho tena andro fitsaharana ho anareo izany, ary hampahory ny tenanareo hianareo; amin’ny andro fahasivy amin’ny volana, rehefa hariva–dia hatramin’ny hariva ka hatramin’ny ampitso hariva–no hitandremanareo ny andro fitsaharanareo.

Malagasy Bible

³² Ho tena andro fitsaharana ho anareo izany, ary hampahory ny tenanareo ianareo; amin'ny andro fahasivy amin'ny volana, rehefa hariva dia hatramin'ny hariva ka hatramin'ny ampitso hariva no hitandremanareo ny andro fitsaharanareo.

La Bible en Malgache

³² Ho Sabata* izany, tena andro fitsaharana ho anareo ary hifady hanina ianareo; amin’ny andro fahasivy amin’ny volana, rehefa hariva, manomboka ny hariva ka hatramin’ny ampitso hariva no hitandremanareo ny Sabata, andro fitsaharanareo.

Levitikosy 23:32 Rohy Ifampitohizana

Nehemia 13:19

Taorian’izany, nony efa maizimaizina ny teo amin’ny fidirana ho ao Jerosalema, alohan’ny sabata, dia nasaiko nohidiana ny vavahady, ka tsy navelako hovohana raha tsy efa tapitra ny sabata. Fanampin’izany, napetrako teo am-bavahady ny oloko sasany, mba tsy hisy fampidirana amin’ny andro sabata ny entana rehetra.

Salamo 35:13

Izaho anefa, fony izy ireo marary, nitafy lamba fivalozana, nampijaly ny aiko tamin’ny fifadian-kanina, ary ny fivavahako niverina tao ampofoako.

Salamo 51:17

Tompo ô, sokafy ny molotro, dia hidera ny fiderana Anao ny vavako.

Isaia 57:15

Fa izao no lazain’ny Avo Indrindra, izay mipetraka amin’ny fonenana mandrakizay sy antsoina hoe ilay Masina: Mitoetra eo amin’ny fitoerana avo sy masina Aho, ary koa ao amin’ny olona torotoro fo sy manetry tena am-panahy, mba hamelombelona ny fanahin’ny manetry tena, sy hamelombelona ny fon’ny torotoro fo.

Isaia 61:3

Hitondra ho an’ny tra-pahoriana ao Siôna sy hanasatroka azy ny satroboninahitra ho solon’ny lavenona, diloilo fifaliana ho solon’ny fisaonana akanjo firavoravoana, ho solon’ny fahareraham-po; dia hantsoin’ny olona hoe: terebintan’ny fahamarinana, volin’i Iaveh ho an’ny voninahiny.

Levitikosy 16:29

«Izao no lalàna tsy tapaka ho anareo: amin’ny volana fahafito, andro fahavalon’ny volana, hampijaly tena ianareo, sady tsy hanao taozavatra akory, na ny tompon-tany na ny vahiny mitoetra eo aminareo.

Levitikosy 16:31

Sabata ho anareo izany, andro fitsaharana; ary hampijaly tena ianareo. Lalàna tsy tapaka io.

Levitikosy 23:27

«Ny andro fahafolon’io volana fahafito io no andron’ny fanonerana; hanao fivoriana masina ianareo, hampijaly tena, ary hanatitra sorona atao amin’ny afo ho an’i Iaveh.

Levitikosy 23:31

Tsy hanao asa na inona na inona ianareo. Lalàna tsy tapaka ho an’ny taranakareo izany, any amin’izay tany rehetra honenanareo.

Levitikosy 23:33

Ary i Iaveh niteny tamin’i Môizy nanao hoe:

Matio 5:4

Sambatra ny malemy fanahy, fa izy no handova ny tany.

1Korintiana 11:31

Raha mitsara tena isika, dia tsy hotsaraina;

Hebreo 4:11

Koa aoka isika hazoto miditra amin’izany fialan-tsasatra izany, mba tsy hisy ho latsaka amin’ny tsy finoana tahaka ireny koa.

Hebreo 4:3

Fa isika izay mino kosa dia hiditra amin’ny fialan-tsasatra, araka ny voalazany hoe: Nianiana noho ny hatezerako Aho fa tsy hiditra amin’ny fialan-tsasatro izy ireo.