Levitikosy 19:13 - Baiboly Katolika

¹³ Aza mampahory ny namanao, na manendaka azy. Aza tananao miloaka alina ny karaman’ny mpikarama.

Baiboly Protestanta Malagasy 2011

¹³ Aza maka an-keriny ny zavatry ny namanao na mampahory azy; aoka tsy hitoetra ao aminao mandritra ny alina ny karaman’izay nokaramainao.

DIEM PROTESTANTA

¹³ «Aza mamoritra ny namanareo hahazoana ny fananany, aza manendaka azy; ary aza tananao miloaka alina ny karaman’ny mpikaramanareo.

Dikateny Iombonana Eto Madagasikara

¹³ «Aza mamoritra ny namanareo hahazoana ny fananany, aza manendaka azy; ary aza tananao miloaka alina ny karaman’ny mpikaramanareo.

Baiboly Protestanta Malagasy

¹³ Aza manao an-keriny amin’ny zavatry ny namanao na mampahory azy; ny karaman’izay nokaramainao aoka tsy hitoetra ao aminao miloaka alina.

Malagasy Bible

¹³ Aza manao an-keriny amin'ny zavatry ny namanao na mampahory azy; ny karaman'izay nokaramainao aoka tsy hitoetra ao aminao miloaka alina.

La Bible en Malgache

¹³ Aza maka an-keriny ny zavatry ny namanao na mampahory azy; aoka tsy hitoetra ao aminao mandritra ny alina ny karaman’izay nokaramainao.

Levitikosy 19:13 Rohy Ifampitohizana

Joba 17:5

Misy miantso ny sakaizany hiara-kizara aminy nony efa mihareraka ny mason’ny zanany.

Joba 31:39

raha nihinana ny vokany tsy nanakarama azy aho; raha naka an-keriny azy tamin’ny tompony marina;

Joba 7:2

Toy ny mpanompo maniry alokaloka, toy ny mpikarama miandry ny karamany,

Eksodosy 20:15

«Tsy hangalatra ianao.»

Eksodosy 22:13

Ary raha voaviraviram-biby masiaka ny biby, izay sisa tsy laniny no hoentiny ho vavolombelona, dia tsy hanonitra ilay biby voaviravira izy.»

Eksodosy 22:15

fa raha teo anatrehan’ny tompony kosa, tsy hisy onitra. Ary raha biby nohofany, dia ny hofany no ho solon’ny onitra».

Eksodosy 22:21

«Aza ratsy fitondra vahiny na mampahory azy, fa efa mba vahiny tany amin’ny tany Ejipta ianao.

Eksodosy 22:7

«Raha misy nametra-bola na fanaka hotahirizin’ny namany, ka nangalarin’ny sasany tao an-tranon’ity namany izany: raha hita ny nangalatra dia hanonitra avo sasaka,

Ohabolana 20:10

Ny vato-mizàna samy hafa sy ny efah samihafa, dia samy zavatra hankahalain’i Iaveh.

Ohabolana 22:22

Aza endahanao ny mahantra noho izy mahantra, ary aza mampahory ny ory eo am-bavahady.

Ohabolana 3:28

Aza manao amin’ny namanao hoe: «Mandehana ka miverena; rahampitso aho manome», raha azonao atao ny manome eo noho eo.

Jeremia 22:13

Mila loza izay manorina ny tranony tsy amin’ny rariny, sy ny rihany tsy amin’ny hitsiny; izay mampiasa maina ny namany, tsy mandoa ny karamany,

Jeremia 22:3

Izao no lazain’i Iaveh: «Manaova fitsarana sy fahamarinana ianareo; afaho amin’ny tanan’ny mpampahory ny ampahorîna: ny vahiny, ny kamboty, ama-mpitondratena; dia aza ratsy fitondra azy na manao an-keriny aminy, na mandatsa-dra tsy manan-tsiny amin’ity tany ity ianareo.

Ezekiela 18:7

tsy mampahory olona, mamerina amin’ny mpitrosa ny nataony antoka, tsy manao halatra, manome hanina ny noana, manafy lamba ny mitanjaka,

Ezekiela 22:12

Ao aminao, misy mandray kolikoly handatsa-dra; manao zana-bola be loatra ianao, sady maka zana-bola, sy miharaka ny haren’ny namanao; ary Izaho hadinonao, - teny marin’ny Tompo Iaveh. -

Ezekiela 22:29

Ny vahoaka amin’ny tany manao an-keriny, mandroba lava, manitsakitsaka ny ory sy ny mahantra, ary mampahory tsy an-drariny ny vahiny.

Levitikosy 25:14

Raha misy varotra hifanaovanareo amin’ny namanareo, na misy zavatra vidinareo aminy, dia aza misy mamono antoka ny rahalahiny.

Levitikosy 25:17

Aza misy mamono antoka ny rahalahinareo ianareo, fa matahora an’Andriamanitra, satria Izaho no Iaveh Andriamanitrareo.

Levitikosy 6:3

Isa-maraina ny mpisorona, rehefa niakanjo ny tonîka rongony madinika, sy nanao ny kalisaona rongony madinika manolo-koditra azy, dia handraoka ny lavenona avy amin’ny afo nandorana ny sorona dorana eo ambonin’ny ôtely, ka hametraka azy eo anilan’ny ôtely.

Malakia 3:5

Hanatona anareo Aho ho amin’ny fitsarana; ary ho vavolombelona faingana hamely ny mpanao ody, ny mpaka vadin’olona, ny mpianian-tsy to, ny mpiharaka ny karaman’ny mpikarama, ny mpampahory ny kamboty sy ny mpitondratena, ny mandroaka ny vahiny ary ny tsy matahotra Ahy, hoy i Iavehn’ny tafika.

Matio 20:8

Ary nony hariva ny andro, dia hoy ilay tompon’ny tanimboaloboka tamin’ny mpitandrina ny fananany: Antsoy ny mpiasa, ary omeo ny karamany, aseseo avy atỳ amin’ny farany, ka hatrany amin’ny voalohany.

Marka 10:19

Fantatrao ny didy hoe: Aza mijangajanga; aza mamono olona; aza mangalatra; aza mety ho vavolombelona tsy marina; aza manambaka; manajà ny rainao aman-dreninao.»

Lioka 3:13

Dia hoy izy taminy: «Aza mampandoa mihoatra noho izay nasaina halainareo.»

1Tesaloniana 4:6

ary ny tsy hisian’olona manao an-keriny na an-kafetsena amin’ny rahalahiny amin’izany raharaha izany, fa ny Tompo no mpamaly izany rehetra izany, araka ny efa voalazanay sy nasehonay marina taminareo;

1Timoty 5:18

fa hoy ny Soratra Masina hoe: Aza manakombona ny vavan’ny omby mively vary; ary koa: Ny mpiasa dia mendrika ny tambiny.

Jakoba 5:4

Indro, mitaraina ny karaman’ny mpiasa nijinja ny taninareo izay nofetsenareo; ary efa mby ao an-tsofin’ny Tompon’ny tafika ny fitarainany.